ما هو اقصى وزن ( حمولة ) للفيات 128

[medo980]

السلام عليكم ورحمة اللة وبركاتة اعزائى خبراء الفيات كنت عايز اعرف اقصى وزن اقدر اخدة معايا فى العربية عشان انا مسافر اسكندرية وعايز اعرف قبل ما اسافر عشان ابقى ماشى مطمن

[EslaM_NagY]

السلام عليكم ورحمة اللة وبركاتة اعزائى خبراء الفيات كنت عايز اعرف اقصى وزن اقدر اخدة معايا فى العربية عشان انا مسافر اسكندرية وعايز اعرف قبل ما اسافر عشان ابقى ماشى مطمن :u_thin1[1]:

العربية لو صحتها فيها

تشيل 5 افراد احجام طبيعية

وشنط واديها ولا يهمك

[medo980]

الف شكر يا باشا على اهتمامك معلش هل عنك فكرة الوزن الإجمالى الى ممكن تشيلة كام

[abou_ruqi]

الـ 128 بتشيل أكتر بكتير مما ممكن حد يتخيل

[medo980]

طب الوزن اد اية يا جماعة انا عايز اعرف بالأرقام لو حد يعرف يدلنى بعد اذن الأخوة

[abou_ruqi]

طب الوزن اد اية يا جماعة انا عايز اعرف بالأرقام لو حد يعرف يدلنى بعد اذن الأخوة

يا ميدو السؤال صعب قوي , هو في حد بيوزن شنطه قبل ما يطلع يصيف ؟

[medo980]

يا باشا مش الشنطة انا قصدى الوزن الإجمالى الى بتشيلة العربية الأفراد و الأمتعة

[lord23]

انا راي انها كفايه عليها اوي 4 اشخاص
متوسط وزن الشخص 80- 90 كيلو
يعني حمولة 360 كيلو تقريبا بس خد بالك تكون متوزعة علي جسم العربية يعني متحطش 360 كيلو في الشنطة مثلا وتيجي تقولي العربية فرشت علي الارض

[medo980]

انا كنت سمعت انها بتشيل لحد 500 كيلو بس مش متأكد من المعلومة دى ياريت الى عارف عنها حاجة يقولى

[medo980]

اية يا شباب هو موضوعى صعب للدرجة دى

[bogyman123]

السلام عليكم
انا معايا 128 عديت بيها الحد المسموح انا ركبت فيها 6 افراد وكان مجموع الاوزان 560 كيلو وانا حاسب نفسى معاهم
العربية انا كنت حاسس بيها بتكاكى تحت رجلى بس الصراحة مخزلتنيش والفى المطلعيات كانت بتقول بس نصيحة المطلعيات بالوزن دة محتاجة سواق بمعنة الكلمة

[medo980]

الف شكر يا شباب انا دخلت على مواضيع قديمة للشباب وعرفت انها بتشيل افراد 400 كيلو وامتعة

[tabeb]

اهم حاجة انك توزع حمولتك صح