استفسار عن السيارة بولونيز ارجو الافادة

[abosharbat]

السلام عليكم ورحمة الله وبركاته
اخواتى فى الله
لى استفسار هام جدا
وهو بخصوص السيارة فيات بولونيز
عاوز اعرف الموديلات والسنين بتاعتها
والفرق بين الموديلات
وكام cc واستهلاك البنزين
من الاخر عاوز اعرف كل المعلومات عنها
مثلا متى بدا الانتاج وحتى سنة كام
ومتوسط الاسعار فى السوق النهاردة وصل كام
وهل فعلا ان موتور السيارة دها مش بيستحمل البوددى بتاعها علشان تقيل
ولكم منى جزيل الشكر

[cheetos_892005]

السلام عليكم ورحمة الله وبركاته
اخواتى فى الله
لى استفسار هام جدا
وهو بخصوص السيارة فيات بولونيز
عاوز اعرف الموديلات والسنين بتاعتها
والفرق بين الموديلات
وكام cc واستهلاك البنزين
من الاخر عاوز اعرف كل المعلومات عنها
مثلا متى بدا الانتاج وحتى سنة كام
ومتوسط الاسعار فى السوق النهاردة وصل كام
وهل فعلا ان موتور السيارة دها مش بيستحمل البوددى بتاعها علشان تقيل

ولكم منى جزيل الشكر

السلام عليكم
لو حضرتك تقبل نصيحتي ابعد عن العربيه ديه بشتي موديلاتها
مع احترامي لاصحاب السياره ديه
تقييييييييييييييله اوي في البيع والشري
اعطال ملهاش اخر
موتور خشن ومش قد العربيه
تابلوه ضعيف وعلطول تلاقيه مفتفت
و......اصحابها يكملولك
الحاجات ديه انا عارفها عشان خالي كان عنده وحده وجاري بردو وكنت بسمع نفس الشكاوي بالحرف من الاتنين
بس دول اللي فكرهم

[amroadam]

العربيه معايا موجيل 84 وانا معجب بيها جدا جدا جدا لانها حمالة قسيه وبتستحمل فوق الوصف وقطع غيرها رخيصه
هو فعلا موتورها شدشد اوى مع انه 1500 بس كان بيسخن وبياكل بنزين بس انا غيرت الموتور وجبت ماتور 124 سيات الاسبانى
1400 cc وثبته فى الرخصه وبئت ماشاء الله عليها واتجهت بعد كده لتظبيطها جنوط بئا وكاوتش جديد وفرش وشويه حركات
بس اللى عاجبنى فيها اكتر الوسع الداخلى للعربيه وخصوصا الكنبه اللى ورا
والله لولا انى عايز اركب زيرو مكنتش فكرت فى بيعها
انما زى ما الاخ الفاضل قال انه تئيله فى حركه بيعها ومعرفش السبب بس ليها سوق وليها ناسها اللى بتئدرها
لانهم عارفين قوتها وزى مبيتئال عليها (حمارة شغل)
واسعارها من 13 الف جنيه الى 25 الف جنيه تقريبا حسب الحاله والموديل واللى اعرفه ان فى موديلات حاجه وتسعين

[amroadam]

اسف على الغلطات الكتابيه *موجيل84 اقصد بها موديل84

[ozy2026]

عربيه قويه جدا وموتورها ممتااز ولما بيتظبط مش بيبقى خشن خالص
واستهلاكه للبنزين حوالى 220 كم فى الصفيحه فى السفر وكنت جايب الخامس وماشى على 100 بس جوه البلد هتقل عن كده
وبالنسبه للعفشه ناشفه زى كل الفيات القديم بس حماله قسيه بجد
عاوز اقولك ان العربيه قعدت معايا 5 سنين مشافتش العفشجى ولا مره
وفى منها موديلات لغايه 92
من الأخر العربيه دى لما بتتدلع بتبقى دبابه بجد واحسن من اى 28 او 27

[city_ct]

السلام عليكم
أنا معى بولونيز بولندى موديل 1987 و كانت 1500 سى سى، العربية طراز لفت باك، العربية تمتاز باتساع الصالون النسبى، أى أنها تصلح لعائلة حيث يمكن أن يجلس فى الخلف ثلاث أشخاص بالغين براحة دون عناء و أذكر أننا كنا نجلس 4 فى الخلف عندما كنا شباب فى الآعدادية. السيارة قوية فى السفر فقد ساقرت بها أنا و أسرتى و العربية محملة بالكامل (5 أفراد) + شنط فى الشنطة + ِنط على السقف من القاهرة إلى أسيوط و من القاهرة إلى مطروح و من القاهرة إلى العريش، أى كنا نقطع مسافات تصل إلى 500 كم دون توقف و بالنسبة للسرعة فكانت 100 كم/ساعة أو تزيد إلى 120 كم/ساعة بأداء ثابت و دون التعرض لمشاكل سخونة المحرك أو ضعف فى السحب.
السيارة تتوافق مع حالة الطرق المصرية السيئة لإرتفاعها عن الأرض فارتفاعها فى حدود 15-16 سم صافى، كذلك نظام التعليق فيها قوى ففى الخلف سوست ورقية (مثل الموجودة فى السيارات النقل) مع المساعدين و فى الأمام سوست حلزونية و مساعدين و تمتاز أن قطاعات العفشة بها متينة فيندر أن تجد أعطالمثل التى كانت معروفة عن الادا أو أنواع فيات أخرى مثل كسر المقص أو عيوب بيض العجل و الدركسيون .
السيارة بالفعل خالية من الرفاهية لا يوجد تكيف، لا يوجد باور ستيرينج، و لكن أجد أن كراسيها مريحة و متسعة, و عزلها عن الخارج فقير. بصفة عامة هى سيارة تؤدى بشكل رائع و لكى يرتاح من يتعامل معها يجب أن يدرك أنها صنعت بدون رفاهية و حدود ذلك يجب أن يكون الحكم عليها و على أدائها.
السيارة وزنها فاضية 1150 كجم و أقصى حمولة لها 1530 كجم.
سعة خزان الوقود 46 متر شامل الاحتياطى
دفع خلفى
نزلت بمصر بمحركين 1500 سى سى و 1600 سى سى

أنا استبدلت المحرك القديم بعد أن بدأ يخف بمحرك fso بولونيز 1600 سى سى 76 حصان ، إشعال الكترونى (بدون أبلاتين أو كوندسر) و أداؤه جيد جدا و لا يأكل زيت و لا يسخن فى عز الصيف و لم اشتكى من أداؤه قط.
أنا من هواة السفر و أسافر فى الصيف تقريبا كل أسبوع ألى الأسكندرية، الساحل ، السخنة و أجد أم الأداء جيد و أما سرعة المحرك 1600 سىسى فوصلت إلى أقصى سرعة له 155 كم/ساعة على طريق العلمين و لم أنزل بسرعتى عن 120 كم/ساعة طو ل الطريق، و لكن المشكلة الوحيدة ارتفاع صوت المحرك داخل الكابينة (عزل صوتى ضعيف).
قطع الغيار متاحة فى السوق و تجدها أصلى عند الكيلانى بوسط البلد.

سعرها بين 13000 إلى 23000 جبيه

موديلاتها من بداية الثمانينات إلى آخر موديل نزل مصر عام 1996 و هذا الموديل نادر و لا يختلف عن الآخرين فى المكونات الميكانيكية إلا فقط قوة المحرك أصبحت 87 حصان.

مصنع fso الذى كان ينتج بولونيز فى بولندا أغلق خط انتاج البولونيز عام 2002 و المصنع أغلق أبوابه تماما عام 2004 و الآن أصبح ينتج سيارات شيفورليه أفيو و لانوس فى بولندا.

[abosharbat]

بجد عاوز اشكر كل اللى ادلى بالمعلومات المهمة جدا دها
وانا يا جماعة باذن الله ناوى اشترى واحدة

[abou_ruqi]

واضح إن كل الأخوة اللي مبسوطين منها غيروا مواتيرها !

العربية دي كانت مع واحد صحبي فترة و فيها عيب كمان غير اللي اتقال

العربية دي بتنكش الشعر !!!!!
يعني لو رايح مناسبة و مظبط التسريحه حنوصل أشعث , سقفها واطي بدرجة غير طبيعة مع إني مش عملاق أنا 187 سم !!

بس حقول لأصحابها معلومة حتعجبهم , العربية دي تصميم جيورجيتو جويجيارو اللي صمم كل روائع السيارات

http://en.wikipedia.org/wiki/Giorgetto_Giugiaro

[mr_safwt]

العربية دية كانت عندنا والحمد لله بعناها وارتحنا من قرفها
عربية بتسخن بطريقة غبية
مفيش مكان فيك يا مصر الا لما زقتها فية
اة كانت ايام

[mobitic]

البولونيز زى أى عربية تانية
حالة ضعيفة = أداء ضعيف
حالة ممتازة = أداء قوى
أنا الحمد لله معايا بولونيز موديل 89 ولله الحمد حالتها فوق الممتازة مع انى باخد بيها مطبات غبية وتحميل كتير لكن عمرها ما اشتكت .
لكن للأمانة عيوبها الخاصة بها هى :-
- دركسيون تقيل قوى وخاصة فى بداية لتحرك وبيبقى عادى وخفيف مع الحركة.
- صوت خشن من الموتور لكن مش عالى قوى
- موتور ضعيف نسبيا بالنسبة لوزن العربية ( أعتقد لو كان 1600 كان هيبقى أحسن)
- لا توجد وسائل للرفاهية بإستثناء الكاسيت والمروحة الداخلية وبلاش تشغلها لأنها غالباً بتبقى سخان ههههههههه
- موتورها زى موتور الفيات 125 وده موتور قديم شوية
- تقيلة فى بيعها ولو ان الموضوع ده نصيب

مميزاتها بقى :-
- عربية دبابة يعنى تسوقها ومتخافش من ميكروباص ولا غيره.
- حجم العربية مناسب فى الأماكن الضيقة
- من الداخل واسعة وتشيل 5 أفراد مرتاحين
- بتاخد بنزين 80 ومتقولش لأ
- أعطال خفيفة جدا بالمقارنة بالـ 128 وغيرها.
- قطع غيارها متوافرة ورخيصة ومعظمها من موديلات فيات المختلفة.
- سعرها مناسب لواحد محتاج عربية قوية وتستحمل الضغط

ده بس اللى أنا فاكره واللى وجدته من استخدامى لها مع انى مش خبير قوى فى العربيات.

وربنا يوفقك للى فيه الخير

[mtageldeen]

البولونيز عربية ممتازة بشرط الحالة
ولكن عيوبها تتلخص في (لا رفاهية)

إختصاراً هي عربية ربع نقل تحمل لوحات ملاكي خطأَ.
ولن أزيد لكي لا أكرر ما قيل من قبل

ولكن دعني أسألك لماذا البولونيز بالتحديد؟

أخي حدد إحتياجاتك جيداً فهي التي ستتحكم في نوع السيارة المناسب لك.

http://www.nilemotors.net/Nile/showthread.php?t=67529

[a_hashad]

انا موش شايف اى مناسبه لمهاجمة البولونيز
السياره بدأ انتاجها من 1978 كتطوير فى الشكل فقط للسياره فيات 125 يعن كان نفس الموتور و العفشه
توقف انتاجها فى 2003 و كانت ساعتها شركة FSO اتباعت لـDaewoo
السيارة نزلت مصر بشكلين (تعديل بسيط) فقط فى الشراعه الخلفيه زجاج او مولده بلاستيك بدل الزجاج
ليها فى مصر 3 مواتير 1300 و 1500 و 1600 بأنواعهم
افضلهم الـ 1500 AB و الهورس باور بتاعه 82 حصان و لكنه ناعم عن الـ 1600 86 حصان لأن الكاتينه كاوتش موش حديد زى ال1600 السياره كانت تعتبر ابداع فى زمانها (الثمانينات) و تم تقليد الشكل الخارجى لها فى اكثر من موديل لشركات كبيره (حقيقه)
السياره لا تخدم طالب الرفاهيه و لكن تخدم المتطلبات العمليه مثلا
- صالون واسع
- كراسى مريحه
- قطع غيار رخيصه و ممكن تستغلى و تجيب الأفضل (مثلا بدل وش الإسبراتير 25 تيوانى اجيبه ب 35 جنيه المانى)
- قليلة الأعطال (و اتحدى)
- نظام التعليق مخصص للسيارات النقل يعنى حمل و انتا مرتاح مافيش مشكله و سافر كمان و انت محمل
- استهلاك بنزين طبيعى 10كم / لتر
- تهرج بيها فى الطريق مع اى حد

تصرف عليها هتليقها زى الفل معاك
افضل موديل فيها الـ 89 شراعه زجاج موتور 1500 AB
على فكره انا جريت مع عربيات كتير من الشاهين لغاية الـ BMW الشارك موديل 77 و ظبطهم

مشاكهلها تقدر تستحملها زى عزل حرارة المحرك و صوته ضعيفه ، فراملها محتاجه مجهود شويه ، دركسيون تقيل شويه برضه و مافيهاش مشكلة سخونه بالمنظر اللى الناس بتتكلم فيه ، كل داخلة صيف بنظف ريداتير ب Fast flush و احط super coolant و بامشى طول الصيف زى الفل (الحمد لله)
انا دلوقتى حطيت الموتور 1600 لأن ال1500 بدأ يخف و مانزلتش منها علشان اركب دايو و لا هيونداى لأ ركبت صنى و الحمد لله و دى السياره الوحيده اللى كان ممكن اتنازل و اسيب البولونيز و اركبها

اسعارها من 12.500 لغاية 22.000 و عاين الحاله كويس جدا قبل ما تشترى اهم اهم حاجه ما يكونش فيها شغل فى الصاج الا اذا كانت بارومه و اتعالجت
لو فيه اى استفسار تانى ما تترددتش فى السؤال

[mobitic]

افضل موديل فيها الـ 89 شراعه زجاج موتور 1500 ab

الله ينور عليك
بس تعديل بسيط لحضرتك وهو ان الشراعة الزجاج بدأت مع موديل 90 لأنى عندى موديل 89 والشراعة الخلفية فيه من البلاستيك
بس بجد معلومات حضرتك وتحيزك للبولونيز مخلينى فرحان قوى
تقبل تحياتى

[a_hashad]

الله ينور عليك
بس تعديل بسيط لحضرتك وهو ان الشراعة الزجاج بدأت مع موديل 90 لأنى عندى موديل 89 والشراعة الخلفية فيه من البلاستيك
بس بجد معلومات حضرتك وتحيزك للبولونيز مخلينى فرحان قوى
تقبل تحياتى

مضبوط لأن فعلا و انا بشترى البولونيز بتاعتى لاقيت عربيات كتيره موديل 89 و لكن الشراعه بلاستيك بس خلينى اقولك حاجه بداية الشراعه البلاستيك فى بولندا كانت فى 1987 و عقبال مانزلتلنا تقريبا كده فى منتصف 89 لأن عربية والدى اشترينها سنة 1996 و هى نصر 1500 موديل 1989 كانت الشراعه زجاج و عربيت اشتريتها فى 2006 وهى FSO صاحبها كان جاى بيها من السعوديه موديل 1989 برضه شراعه زجاج فواضح كده و الله أعلم ان النصر للسيارات كان عندها ستوك و بتخلصه سنه 89 قبل ما تنزل الشكل الجديد ، و خلينى اسألك هو اشارات السياره الأماميه (النور الصغير +الإشاره)فوق الأكصدام على الأجناب بالطول و لا تحت الإكصدام بالعرض؟
اى استفسار بالنسبه للبولونيز انا تحت أمركم

[you147]

لا اله الا الله اولا ان العربيه دى من اقوى العربيه سمعت انها فتحت شا سبه العربيه البولونييز قوه وتنانه بس هناك فكره اللى يدلع تشيلو على راسك واللى يخدمك ترفسو ؟؟؟؟؟ عجبى على وانا معايا عربيه بولونسز فيها غاز كاش مكربن البساتم بتاعها بتجيب فى الغاز 140 اما بنزين تجيب كام
0120812335 رقمى