انضمام توكيل جديد لعالم الغباء

[sherifahmed]

كلكه طبعا عرفتو انى قصدى على اوماترا
امبارح بالصدفة البحتة فوت على توكيل فيات و اعدت اتفرج على لينيا
و بسأل على الاسعار
طبعا انا كونت عارف ان اول فئة ب95 و التانية ب103
لئيت الهانم بكل سعادة بتقولى الاسعار زادت شوية و خد بالك من شوية دى
95 بائت ب108
103 بائت ب114
فعلالالالالالالالالالالالالالالالالالالا شوية

[Ashraf_Ashraf]

ماتيجى نتبرع ليهم والنبى احسن دول غلابه
الاسعار فى الدنيا بترخص الا عندنا ونفسى حد يقولى ليه
يعنى الدولار واليوريو ثابتين ضرايب ثابته ايه اللى يخليهم يغلوا زياده الطلب يعنى ولا ايه
ولا الجشع الشديد فى تحقيق مكاسب على حساب الناس

[M.almaghraby]

بكره اومترا دي جدا والله

[abou_ruqi]

ما يمكن تربو او ايزي ترونيك ؟

[sherifahmed]

ما يمكن تربو او ايزي ترونيك ؟

مافيش لينيا ايزى ترونيك و التربو اغلى من دول كمان
لينيا فيها 4 مستوبات
1.4 77 حصان من غير جنط و لا فوجات(ب108 عفريت يركابوهم)
1.4 77 حصان كاملة ب114
1.4 120 حصان من غير جنط و لا فوجات
1.4 120 حصان الكاملة اللى كانت لسة نازلة فى اوتوماك

[Ashraf_Ashraf]

مافيش لينيا ايزى ترونيك و التربو اغلى من دول كمان
لينيا فيها 4 مستوبات
1.4 77 حصان من غير جنط و لا فوجات(ب108 عفريت يركابوهم)
1.4 77 حصان كاملة ب114
1.4 120 حصان من غير جنط و لا فوجات
1.4 120 حصان الكاملة اللى كانت لسة نازلة فى اوتوماك

ماهو علشان كده مشاء الله الله اكبر الشركه ماعتدتش بتبيع وفيات تقريبا بقى موديلات القديمه فقط هى اللى موجوده ربنا يوفقهم ويقفلوها عن قريب زى ماقفلت قبل كده

[abou_ruqi]

لا يبقي ربنا معاهم

[karmouty918]

مش فاهم يعني ..و دة من كتر ما مبيعاتهم مكسرة الدنيا..يلا خليهم يشربوها بقي مع اخوتها

[Hacker5]

نفسى افهم حاجة
ليه فيات عمرها ما كان ليها توكيل كويس فى مصر
دة التوكيل اتغير بتاع 4 مرات و كلهم زى الزفت اخرهم النيل الهندسية

[amrbakly]

لو فعلا طلع رفع الأسعار دة حقيقي يبقي في داهية يعني التوكيل دة

دة توكيل فاشل فعلا و ضيع فيات بجد

فعلا الواحد من بعد 2005 مبقاش يشوف فيات في السوق خالص

تقريبا الناس بطلت تشتريها بسبب سياسات التسويق الفاشلة للشركة

و حديكم مثال بسيط، شوفوا اعلان برافو في الأهرام و انتوا تعرفوا ان الشركة دية بجد غبية و لا بتعرف تبيع حتي جرايد

فين ايام النيل الهندسية كان الفيات مالي الشوارع

[SeiffoZ]

هو طبعا رفع الأسعار بعربية مواصفتها لا يحبها الشعب المصرى (1400 سى سى و مانوال) و المصريين ثقافة ال1600 دى عندهم عقيدة ...

لكن سؤال:-
إنتوا ليه مسترخصين الفيات؟؟
مع إحترامى لكن اللينيا برقبة الإلانترا و السيراتو و الأوبترا و الكورى ...

[amrbakly]

هو طبعا رفع الأسعار بعربية مواصفتها لا يحبها الشعب المصرى (1400 سى سى و مانوال) و المصريين ثقافة ال1600 دى عندهم عقيدة ...

لكن سؤال:-
إنتوا ليه مسترخصين الفيات؟؟
مع إحترامى لكن اللينيا برقبة الإلانترا و السيراتو و الأوبترا و الكورى ...

ماشي اتفق معاك عليهم كلهم ما عدا السيراتو بصراحة

يعني دية حالة شاذة شوية عن الكوري فعلا، الكيا اساسا طول عمرة ما عدا البرايد سيدان عربية كويسة لأنها تقريبا عربية مازدا

الفكرة مش استرخاص الفيات

عربية 105 الف جنية و 77 حصان كامة واحدة

لية يعني ، بصراحة كتير فيها الفلوس يعني، ما هو الجولف 1400 سي سي و تقريبا 80 حصان رغم أن الجولف علي ما اعتقد اتقل من من اللينيا و في الأخر الماني و اسمها جولف برضة

[sherifahmed]

هو طبعا رفع الأسعار بعربية مواصفتها لا يحبها الشعب المصرى (1400 سى سى و مانوال) و المصريين ثقافة ال1600 دى عندهم عقيدة ...

لكن سؤال:-
إنتوا ليه مسترخصين الفيات؟؟
مع إحترامى لكن اللينيا برقبة الإلانترا و السيراتو و الأوبترا و الكورى ...

مش مسألة استرخاص بس ليه يرفع فجأة سعر العربية من 95 ل 108
يعنى 13 الف جنيه و هى هى العربية
انا بكره اللى بيستعبط الشعب

[loodaa]

والله أنا شايف ( ده رأي مش اشاعة ولا خبر) العربيات كلها حتبدأ تغلى تاني عشان الشركات الأم(بغض النظر عن التوكيل) تعوض الخسارة بتاعتها و بسبب ان التكلفة الثابتة مع قلة الانتاج حتزيد وبالتالي تمن العربيات حيزيد تاني و يمكن أزيد من الأصل قبل الأزمة. المشكلة عندنا ان التوكيلات لما الاسعار رخصت ما نزلوش السعر بتاعهم ولو غلت حيغلوها و يقولوا انهم بيشتروها غالية أما بالنسبة للينيا فهي اصلا مش رخيصة في باقي العالم والفيات كله مش رخيص احنا اللي مرخصينة عندنا بسبب مصنع الزفت النصر للسيارات اللي يقفل أحسن ويريحنا.

[Ghamrawy]

معقول الجراند ترخص 3000 و اللينيا تزيد 13000 ؟؟ بأى منطق الكلام ده ؟
احتمال يكوموا عملوا كده علشان لما الناس تلاقى ان فرق السعر بينها (القديمة) و الجديدة اللى ب 130000 الف بقى قريب يقوموا يدخلوا على الجديدة بقلب جامد و كده كده التوكيل ده بخيل مش بيخزن عربيات يعنى بتحجز و تستنى اكتر من شهر علشان تستلم يعنى ممكن تسأل على اللينيا القديمة و يقولك خلاص مافيش مش حاتنزل تانى زى البرافو كده الا لو عايز اللى بتبدا من 135000