مطلوب اونو من اسكندرية

[funnyjonson]

السلام عليكم انا عايز عربيه اونو من(( اسكندريه)) فقط حاله جيده موديل 94 او فوق

اهم حاجه السعر...... مناسب و يكون فيها تكييف شغال وحالة العربيه كويسه ومش مهم اى كماليات تانيه


ولو فيه عربيه ولو حد عايز رقمى يبعتلى على الخاص

وارجو الرد بسرعه ورفع صور للعربيه وكل بياناتها مره واحده فى الرد على الموضوع

[أبو صلاح]

لا تعليق
اتفضل هنا

http://www.nilemotors.net/Nile/showthread.php?t=65981

مش ده كلامك برضه ؟

[funnyjonson]

أبو صلاح على فكرة اعتقد انا حر اشترى الى عايزه واغير راى براحتى وده فلوس وده حاجتى الى هجيبها ومفيش حد يقولى هات ايه ولا اعمل ايه ولا انت شايف حاجه تانيه

[أبو صلاح]

فلوس ايه يا ابو فلوس
كلها معاها فلوس
احنا هنا في المنتدى لازم يكون عندك مصداقية
مش اي كلام يتقال وخلاص
وبعدين يا سيدي انا بسالك عن سبب تغيير رأيك ؟
تقعد تقولي فلوسي ومش فلوسي

[semsem_uno]

صحيح هي الأونو مالها؟؟؟؟
هو كل واحد حر بس متحكمش علي عربية غير لما تعرف عنها و الأونو مفيش اصلا وجه مقارنة بينها و بين ال128 و ال127

[maka]

لا تعليق
اتفضل هنا

http://www.nilemotors.net/nile/showthread.php?t=65981

مش ده كلامك برضه ؟

ايه يا ابو صلاح مالك شداد على الراجل كده ليه وبعدين الراجل شكله لسه جديد

فى العربيات وممكن يكون سمع معلومة غلطة و لا حاجة عن الاونو وواجبنا اننا

نصلحها له و اى واحد بيشترى عربية وخصوصا لو كانت الاولى بيبقى متردد جدا.

متزعلش من كلامى انا بعتب عليك علشان انت اخ اكبر وعضو قديم هنا

[maka]

أبو صلاح على فكرة اعتقد انا حر اشترى الى عايزه واغير راى براحتى وده فلوس وده حاجتى الى هجيبها ومفيش حد يقولى هات ايه ولا اعمل ايه ولا انت شايف حاجه تانيه

فلوس ايه يا ابو فلوس
كلها معاها فلوس
احنا هنا في المنتدى لازم يكون عندك مصداقية
مش اي كلام يتقال وخلاص
وبعدين يا سيدي انا بسالك عن سبب تغيير رأيك ؟
تقعد تقولي فلوسي ومش فلوسي

فيه ايه يا جدعان مينفعش اسلوب الحوار ده ابدا ده حوار هدام ومش هيفيد حد بحاجة غير حرقة الدم

ارجوكم متشدوش مع بعض تانى .

[أبو صلاح]

حصل خير يا جماعة

[maka]

حصل خير يا جماعة

جزاك الله خير

[funnyjonson]

متشكر يا سمسم ويا maka

وفعلا كل الى اعرفه ان الاونو شبه 127 او نفس مواصفات الموتور تقريبا

[funnyjonson]

فين الجماعه

[semsem_uno]

العفو يا باشا عادتا نظام العليق مختلف في الأونو من ورا عن ال127 و 128 خالص يعني ديه مقصات و الأونو حاجة عاملة زي الدنجل كده بس ده احسن في الراحة و في الثبات علي الطريق جدااااا و الأونو عادتا هتريحك كتير و هتحس انها عاءلية كمان مش هاتش باك و معمرة و اقوي بكتيير و مفيش حوار الشاسيه اللي بيفتح زي الباقي و الكلام ده و مفيش سخونية و سريعة و خفيفة
بص من الأخر مفيش وجه مقارنة و هتغير وجهة نظرك عن الفيات و ده عن تجربة واتمني ليك التوفيق في عربية كويسة يا رب :)

و حصل خير و تحياتي ليكم جميعاا

[semsem_uno]

و بالنسبة للموتور الأونو 1000 سيسي و في 1300 انما ال127 900
بس فرق السما و ألأرض بين الأتنين و الأونو موتورها عصبي اوي و سريييع و تجميعه احلي و بيسحب و بيستحمل اكتر

و معلش طولت عليك :)

[funnyjonson]

بالعكس ده معلومات قوية جدا بس انا مش عارف اجيب عربيه كويسه والله وزهقت من الوسيط تقريبا كل الى فيها تجار ولو حد عادى التجار بتبهدله علشان تاخدها منه برخص التراب وانا مش بحب كده يعنى حصل معايا موقف جننى واحده اتصلت بيها قالت انها عايزه تبيع ب 25 الف وهى كانت موديل 93 المهم اتاخرت عليها يوم اتصلت تانى لاقيتها باعتها ب23 وحسيت ان الى اخدها تاجر الاسبوع الى بعده نزلها فى الوسيط ب 28 وهى هى العربيه وانا لما اتصلت بيه قولتله العربيه ده كانت وقفه فى الحته الفلانييه وانت ا خدتها بكذا الراجل اتجنن عرفت ازاى يعنى ده يرضى ربنا هى هى العربيه وتدفع فيها زياده 5 الاف يرضى مين بس

[semsem_uno]

حسبي الله و نعم الوكيل
ما هما بيعملوا اكتر من كده و ممكن ياخد قطع الغيار السليمة و يحط حاجات متصلبة علشان يحقق اعلي مكب و يبيع السليم كمان