سخونه البونتو , مع التكيف وانت قارص علي العربيه راحت(بالصور)

[eng_ahesham]

انا كان عندي مشكله اني لما اكون مشغل التكيف في الجو العكر ده واقرص علي العربيه جامد تسخن
ركبت مروحه Sanden ياباني 100100 ظبتط الاداء وكمان زودت سقوعيه التكيف جامد

سعر المروحه 130جم والتركيب 50جم والواد خد 5 جنيه إكراميه:K_crying[1]:

ودي الصور

اول صوره دي فك الاكصدام الامامي علشان يبيت المروحه وخلي بالك يحطها بعيد عن وش المروحه التانيه ميبقاش الاتنين وشهم في وش بعض علشان ميسدوش الهوا علي بعض


والصوره التانيه دي شكل المروحه ساندن ياباني اصلي بصراحه مروحه نضيفه جدا



ودي اخر صوره للمروحه بعد ما ركبت واتقفلت وادعولي بقي

[eng_ahesham]

8 مشاهدات ومحدش رد واضح ان الناس هنا 100 100 وبجد اتخنقت

[MoMohsen]

يا باشا الف مبروك على المروحة...بس اثرت فى اداء التكييف بنسبه اد ايه؟
وهل يا ترى تنفع لاى عربيه و ليها مقاسات؟

[khalid_adel]

انا ليا سؤال عندكو
هي مش البونتو دي انجكشن وكنترول يونيت وكده ؟؟؟
ومش في مروحه مخصوص بتشتغل مع فتح التكيف غير المروحه الاساسيه ؟؟
طب هو ازاي العربيه تسخن لما افتح التكيف يعني على كده لو الجو برد الحراره تنزل ولما يبقى حر الحراره تعلى شويه ؟؟
معلش اسئلتي كتيره لاني مستغرب الكلام ده كان في العربيات القديمه وبس ده اللي اعرفه ولو حصل في عربيه جديده بيكون بسبب عطل في حاجه معينه وتتصلح وترجع عاديه تاني اما الكلام ده بجد مش فاهمه او مش مصدقه

[Ashraf_Ashraf]

تصدق فكره حلوه ان الواحد يزود مروحه اضافيه الجو نار جهنم الصيف ده
مبروك مرتين على الفكره وعلى التركيب
بس ممكن اعرف جبتها منين

[amrbakly]

بصوا يا شباب

نفس المروحة دية بتبقي موجودة استيراد عند واحد اسمة محمد لطفي في شارع مجلس الأمة

ممكن تشتروها بسعر أقل برضة

و بعدين يا عم خمسين جنية تركيب لييييييييييييييييية

كتير قوي يا عم، انا عندي في الأونو الواد ركبهالي بعشرين جنية فلة شمعة منورة

[MoMohsen]

بصوا يا شباب

نفس المروحة دية بتبقي موجودة استيراد عند واحد اسمة محمد لطفي في شارع مجلس الأمة

ممكن تشتروها بسعر أقل برضة

و بعدين يا عم خمسين جنية تركيب لييييييييييييييييية

كتير قوي يا عم، انا عندي في الأونو الواد ركبهالي بعشرين جنية فلة شمعة منورة

'طب هيا سعرها كام استيراد ؟

[Michael_Lanos]

مبروك
بس انت ايه رائك فى البونتو عموما .... مميزات وعيوب

[amrbakly]

انا عملت معايا 75 استيراد

معرفش بتاعت هشام جديدة ولا استيراد

هي الفكرة في المروحة دية مكانها، لأن ممكن اي تريحية علي اي عربية قدامك في اشارة تتكسر و مشكلتها ان الريش مش بتتغير، يا إما تغيرها كلها يا مفيش

[amrbakly]

و خدوا بالكم يا شباب بالنسبة للناس اللي مركبة المروحة دية مع تكييف تركيب

لازم تخلوا الكهربائي يخليها تشتغل مع المروحة الرئيسية ، يعني الأتنين يشتغلوا مع بعض دايما علشان سببين

الماتور ميسخنش

أن السربنتينة بتاعت التكييف تفضل باردة لأنها لما بتسخن الكومبريسور بيفصل، و أكيد مع الحر دة طيعا السربنتينة حتولع مش بس حتسخن، و علشان كدة هشام تخيل ان سقوعية التكييف زادت، الحقيقة أن الكمبروسيور بطل يفصل لأنة مبقاش بيسخن علشان كدة بقي بيبرد احسن

[maka]

مبروك على المروحة وربنا يبارك لك فى العربية

[EslaM_NagY]

مبروووووك المروحة والتكيف الساقع

[creative]

مبروك على الفكرة الجامدة دى

[eng_ahesham]

انا فرحان اوي اوي وهبتدي اجاوب علي الاسئله واحد واحد بالدووووووووور

MoMohsen
1-زودت السقوعيه حوالي 30% يعني العربيه الاول كانت بتاخد وقت علشان تسقع كلها دلوقتي بسرعه .
2- ايوه يا باشا تنفع لاي عربيه وليها مقاسات مختلفه انا مركبها برضه في اوكتافيا A4 وماشاء الله روعه

khalid_adel
لا يا باشا مفيش مروحه مع التكيف غير المروحه الاساسيه هي مروحه واحده سرعتين بشتغل حسب درجه حراراه العربيه سواء مع التكيف او لا.

[eng_ahesham]

ash_rsi
بتاع التكيف هو اللي جابها من عنده وانا بثق اصلا في الراجل ده جدا وبتعامل معاه من 6 سنين عمره ما خيب ظني
وهي مرحه Sanden ياباني ياباني مش ياباني صيني