الموتور عندي بيجيب زيت من كل حته

[eng_ahesham]

السلام عليكم
يا جماعه انا عندي الموتور بيجيب زيت من كل حته
غيرت انا قبل كده جوان غطاء التاكيهات وايل سي البوبينه ومنع فتره وبعد كده بقي يجيب تاني مع اني كنت جايبهم من التوكيل.

وبعد كده بقي بيجيب من عند غطاء سير الكاتينه ومن عند العمه وبقي شكل الموتور غريب ويرعب انصحوني الله يكرمكم اعمل ايه وروح لميكانيكي متخصص بونتو فين غيثوا اخوكم

[Ashraf_Ashraf]

واضح ان موتورك خفيف جدا لدرجه انه بينفخ من كل ناحيه اعتقد انك تشوف الموتور الاول قبل ماتشترى اى جوانات تانى
الله يعينك

[mentaloss]

بص يا حبيبى معظم مواتير الفيات القديم تقريبآ فيها نفس المشكله وده راجع للتقادم فى العمر ممكن يكون الجوانات تهالكت وعايزة تتغير او اويل سيل او الحقيقه المره ان المكنه خفت زى الباشمهندس ما قال وبتنفخ زيت من كل حته وعلى فكره ان لسه عامل عمره وجابت زيت لدرجة ان الواحد زهق وبيفكر يبقلش العربيه ورنا يسترها معاك ومعانا.

[eng_ahesham]

بس مش الموتور لو خفيف هيبان
لما احمل
لما اجري
لما اشغل التكيف واشد واحرق
يبقي في دخنه
انا كنت مشغل التكيف وجايب علي الرابع 160 والعربيه كانت مرتاحه جدا
ولا دخنه ولا غيره
ولا انا كلامي غلط؟؟؟؟؟

[mentaloss]

عامة انا رأيى اعمل اختبار كبس موتور الأول واطمن على حالة موتور عربيتك وبعدين ان شاء الله اذا كان كل شىء تمام روح للميكانيكى وخليه يغير اللازم من جوانات وخلافه قبل ميفتيللك ويقوللك عايزه وعايزه....

[eng_ahesham]

واعمل الاختبار ازاي وفين وبكام الله يكرمك