التمبرا بتضرب مدافع

[ZALABANY]

ياشباب العربيه بتاعتي تمبرا كاربيراتير مش انجيكشن بتضرب مدافع بس على فترات متباعده
ولاحظتها لما ابقى على سرعه 100 مثلا واشيل رجلي من على البنزين وبعدين أحطها تاني تروح ضاربه مدفع غير كده ما بتضربش
مع العلم اني غيرتلها البوجيهات وبحط بنزين من امارات مصر اللي قبل كارفور ياتري المشكله ممكن تكون فين

[galilio_mad]

اضبط كهربا الاول و بنزين 90 ( ال 90 فى المكن ده احسن من 92 )
و الكهربا تتضبط بالمللى و لا تقديم ولا تأخير
جرب و شوف الدنيا فيها ايه

و بعدين اللى بتسمعه و بتحس بيه مدفع كهربا و لا كتمه جامده و بتروح بعد ثانيه او اتنين ؟؟؟

[ZALABANY]

شكرا على سرعة ردك جاليليو باشا
لا هي مدافع مش كتمه وبعدين هو مش المفروض الاسبراتير ده الكتروني بيظبط نفسه انا اعرف ان اللي بيتظبط الاسبراتير العادي لكن تقصد ايه بأظبط الكهربا

[cheetos_892005]

انا حصلي كده مرتين بس في
131
مره كان السلك اللي خارج من الموبينه للسبلاتير العازل بتاعه وقع و كان ملمس في الصاج
تاني مره كان الشاكوش عايز يتمسح بس
شوف وجرب

[Ashraf_Ashraf]

اعتقد دى تقسيمه سير الكاتينه محتاجه مراجعه علشان تظبط توقيت الشراره

[ZALABANY]

اعتقد دى تقسيمه سير الكاتينه محتاجه مراجعه علشان تظبط توقيت الشراره

يعني يفك سير الكاتينه ويراجع على تركيبه ولا ايه بالظبط يا باشا

[Ashraf_Ashraf]

ايوه ياباشا بتروح للميكانيكى بيفك اول بوجيه ويشوف منه حركه البستم مع ذنب التقسيمه لو مش مظبوطه هيفك السير ويعدله على التقسيم الصح
بالتوفيق وابقى عرفنا وطمنا عليك

[ahmed_su]

الاشعال الكترونى يا باشا بس الاسبراتير فيه تقديم وتاخير

بواسطة مسمارين تهويهم شوية وبيتحرك كام درجة فى اتجاه عقارب الساعة

وعكس اتجاه عقارب الساعة - وافضل بنزين مع المحركات دى هو الـ 90 فعلا زى ماقلك جاليليو باشا

[mezo73]

بص ياباشا في 3 اسباب للمدافع
الاول زي ما الاخوة تفضلوا وذكروا ان الكهرباء ذيادة وعايزة تتقلل شوية مع ظبط الهوا بتاع الكاربرتير لتظبيط الخليط الهوا والبنزين
الثاني وهو عدم ضبط التاكيهات واللي بيحصل في الحالة دي ان التاكيهات بتبقي محملة فالصباب ميبقاش مقفول تماما ويعدي شوية بنزين في غير الشوط المناسب ويسبب المدافع
السبب الثالث هو ان يكون في شربون علي وش البستم ولما الموتور بيسخن الشربون دة بيبقي عامل زي نار الفحم بمجرد البنزين مابينزل علية بيشتعل ويسبب الاشتعال المفاجئ في غير الشوط المناسب

[ZALABANY]

بص ياباشا في 3 اسباب للمدافع
الاول زي ما الاخوة تفضلوا وذكروا ان الكهرباء ذيادة وعايزة تتقلل شوية مع ظبط الهوا بتاع الكاربرتير لتظبيط الخليط الهوا والبنزين
الثاني وهو عدم ضبط التاكيهات واللي بيحصل في الحالة دي ان التاكيهات بتبقي محملة فالصباب ميبقاش مقفول تماما ويعدي شوية بنزين في غير الشوط المناسب ويسبب المدافع
السبب الثالث هو ان يكون في شربون علي وش البستم ولما الموتور بيسخن الشربون دة بيبقي عامل زي نار الفحم بمجرد البنزين مابينزل علية بيشتعل ويسبب الاشتعال المفاجئ في غير الشوط المناسب

mezo73 تسلملي على الرد والتحليل انا اظن ان السبب هايبقى الاول او التاني لأن العربيه مش بتبقى سخنه وه ي بتضرب مدافع
ahmed_su شكرا على المعلومه يا باشا
ash_rsi أفادكم الله يا باشا

[ZALABANY]

رحت للميكانيكي قالي البوجيهات وحشه وغيرها وما كلفش خاطره يبص حتى قطع الكلام
رحت لواح تاني فك البوجيهات نضفها وفتح افسبراتير وقعد يعمل بالمفك على الفحمه اللي جوا وقالي انه لقاها معلقه المهم العربيه اتظبطت
يويمين ورجعت تضرب مدافع تاني مش عارف اعمل ايه بفكر اغير بوجيهات الأول واظبط تاكيهات وبعدين اشوف الدنيا فيها ايه

[galilio_mad]

خلى ميكانيكى بيفهم يبصلك على الاسبراتير
او ممكن تاخد ميكانيكى و تروح لحد بتاع استيراد , تجرب اسبراتير تانى

و لو الاسبراتير بتاعك راكب على الكامة ممكن تجيلى و تجرب ببتاعى

[ZALABANY]

خلى ميكانيكى بيفهم يبصلك على الاسبراتير
او ممكن تاخد ميكانيكى و تروح لحد بتاع استيراد , تجرب اسبراتير تانى

و لو الاسبراتير بتاعك راكب على الكامة ممكن تجيلى و تجرب ببتاعى

يعني أنت شايف يا جاليليو اني اجيب اسبراتير استيراد وما اجربش اغير البوجيهات والتاكيهات ولا اجرب اظبطهم وبعدين شوف الإسبراتير
سؤال هي المدافع دي ممكن تضر العربية في حاجه

[galilio_mad]

التاكيهات تكتم و تنتش , ما سمعتش ان التاكيهات بتضرب مدافع
جرب البوجيهات , و ما تشتريش اى حاجة قبل ما تجرب
يعنى ما تروحش تشترى اسبراتير قبل ما تتأكد انه هو المشكلة

و برضو انا باتكلم عميانى , ما شفتش المشكلة

[Eldalyuwk]

ممكن اذا المشكلة دى اتحلت تفيدنا بالحل لان عندى نفس المشكلة