بالله عليكم محتاج رايكم فى الاونو ده

[funnyjonson]

السلام عليكم انا اتعرض عليا اونو بس مش عارف اقيمها

اولا هى اونو لونها سماوى موديل 94 ايطالى استعمال من الزيرو صاحبتها انسه فى كلية

هى رشة برا نظافه بالكامل نفس اللون الحوض فابريكه وعند العتب والباب مرشوش نظافه اكيد لانها 94

الموتور صوته تحفه والكونتاكت حلو هى عامله بعد 200 كم وفيها بطارية جافه متغيرلها زيوت قريب

مفهاش اى كماليات ولا اى بارومه لون الفرش جلد رصاصى تقريبا الفابريقه

ممكن اعرف هى كده يبقى فيه حاجه تخوف ولا لأ وسعرها يعمل كم من الاخر لو عايزها لنفسى

والرش ده يقلل قيمتها بعد كده ؟؟؟ هى كمان بتقول سحبها حلو اوى بس انالسه مركبتهاش


هى رخصتها انتهت من يومين بس دفعت الضريبه يعنى انا هسجل باسمى هل لازم اعمل العقد فى الشهر العقارى علشان اضمن حقى ولا كفايه انى هسجلها باسمى على طول

ممكن اعرف صرايبها كام 1000 سي سي و موديل 94
ومصاريف التسجل كم
والمفروض الورق الى اطلبه ايه

ارجوكم ساعدونى

[funnyjonson]

يار ب

[amrbakly]

بص اولا بالنسبة للملكية، انا نقلت ملكية في الشهر العقاري و لسة مروحتش المرور علشان لسة الرخصة فيها شهرين كمان، التسجيل تقريبا حيعمل معاك حوالي 250 جنية في التلات سنين علي ما اعتقد لما سألت من كام شهر بس ممكن علشان انت موديلك اقدم يبقي اقل شوية.

بص هو انا معرفش اسعار السوق دلوقتي انما هي في العادي كانت تعمل بتاع 30 - 29 مثلا، بس بصراحة العربية ماشية كتير 200 الف مش شوية و كمان فكرة انها فاضية دية غلسة قوي

بص حاول تعصر البنت و توصل لـ 26 او 25 لو قدرت بس معتقدش انها ممكن توصل لكدة قوي لأن اساسا العربيات الصغيرة سعرها متهزش قوي يعني، و نصيحة روح شوف الماتور و قيس قوتة في اي بنزينة

[funnyjonson]

ططيب هى لو العربيه بتسحب حلو يبقى كده لسه بحالته
والمفروض نتيجة قياس الموتور تبقى كم فى 100

واهم حاجه الميكانيكى يشوفها ايه وكفايه ميكانيكى ولا البنزينة وخلاص ولا الاتنين

[shshtawy]

بس ياباشا دى على كده اخرها 24 الف جنيه وتبقى انتا كمان عامل معاها واجب
ثانيا الاعتاب اكيد مش رشه نضافه اكيد كانت متخرشمه
وانتا بتقول متور عامل 200 الف كيلو ياعنى انتا هتخده هتعمره انتا او تسقط متور
اهم حاجه سمكرى يشفلك الشاسيه وميكانيكى يشوف الموتر
التراخيص ياسيدى تسجل فى الشهر العاقرى هيعمل فعلا 350 نقل ملكيه والتراخيص بالدمغه والتامين الاجبارى حوالى 650
700 جنيه بالرش بكل حاجه

[shshtawy]

الورق هى هتعملك كده بقى عقد مسجل فى الشهر العقارى
وهتاخد العقد مع الرخصه ولازم الرخصه تبقى معاك وتشوف المخلفات بتاعتها كام بتاريخ اليوم علشان ميرجعكش فى الترخيص
خد بالك العقد بعد تسجيله فى الشهر العقارى بيقع حوالى شهر بالضبط ياعنى لازم ترخص خلال شهر ياكده ياما العقد يعتبر لاغى وتسجل بعقد تانى واتاكد فى العقد من 3 حاجات
1- رقم الموتر هو الى فى الرخصه مضبوط
2- رقم الشاسيه
3 رقم اللوحات المعنديه هى الى فى شهاده المخلفات ولا لا لان ممكن تجبلك مخلفات لوح وعربيع تانيه وبجد دى حصلت معايا

[amrbakly]

اية يا ششتاوي شخرمت العربية يا راجل

علي فكرة العتب في الغالب اساسا بيتخبط و انت واقف، انا شخصيا عندي عتبة مخبوطة مثلا من عجلة من عجلات المطار، هل معناها اني كنت فاحت العربية مثلا؟

و بعدين مش أكيد أن 200 الف يبقي الماتور مسافر، و ليا تجربة بصراحة كان صديق الله يحرقة مفتري، فوت ماتور لانوس عند 30 الف كيلو فالمسألة مش بالكيلو متر يعني

انا لسة عند رأيي يا جونسون روح اكشف علي حالة الموتور و لو لاقيتها فوق 75% يبقي كويس اخر حاجة، و العفشة و الشاسية سمكري يشوفهالك و توكل علي الله يا عمنا لو لاقيتها كويسة انطلق

[amrbakly]

للعلم صحيح انا نقلت ملكية اونو 98 في الشهر العقاري بـ 600 جنية تقريبا

[shshtawy]

ربنا معاك واكشف زى ما الناس مقالت لحضرتك وابقى طمنى

[amrbakly]

انت عملت اية يا عم جونسون؟

[funnyjonson]

الميكانيكى قالى هى مرشوشه بس الى الى مقفل البويه بلدى شويه بس مش مشكله والماتور حلو بس الفرامل واطيه اوى الماستر بيمسك عجلتين بس

قالى تتظبط بس مش عارف الرش ده بيقلل القيمه بتاعتا مع انها بتحلف عمرها ما خبطت شاسيه هى خبطيت الباب والرفرفين وهما دول الى اتعملو بس هى افتكرت ان لما تعملها عمره كامله ده كده كويس بس السمكرى حمار

[M.Hassan47]

أقولك اتكل على الله و اشتريها واقلبها تاكسى يمكن تنفعك

[shshtawy]

انا مش قلتلك انها مخبوطه
اصل 80/100 من الى بيرش العتاب بتبقى خبطه