عروض فيات

[mragh]

النهاردة فيات عمله شوية خصومات في الأهرام

فيات بونتو تبدأ من ٨٥٩٠٠
لينيا تبدأ من ١٠٤٩٠٠
برافو تبدأ من ١٢٦٩٠٠

[Dreamer77]

بس ش كل الالوان متاحة بالاضافة الي انها موديلات 2009 وليس 2010 بس برضة مش وحش

[amrbakly]

خصومات في عين ابوهم

و بعدين لينيا ايييييييييييية هي بتتباع اصلا؟ اللينيا اساسا كانت بتبدأ من 97000 اول ما نزلت و العربية فاشلة لحد النهاردة بسبب ان البهوات رايحين جايبين عربية تمنها 100 الف جنية كامة واحدة و 77 حصان، بصراحة حرام فيها المبلغ دةـ لأنك لو قارنت فعلا ممكن تشتري السوران في الفولكس أو البولو و للعلم اقوي منها و ارخص و طبعا لأنهم أكثر انتشارا منها في خلال سنتين تلات سنين حتلاقي قطع غيارهم مرمية في السوق، إنما بقي لو اللينيا دية بمعدلاتها الحالية حيطلع عينك علشان تجيب لها بعد كدة قطعة غيار و تفضل محبوس في التوكيل

و اذا اتكلمنا عن الأوكتافيا الإية 4 فالفرق مش رهيب يعني حوالي 14 الف مثلا يعني في القسط ميطلعوش 150 جنية فرق في القسط

بصراحة فيات عملت اكبر غلط لما سحبت التوكيل من النيل الهندسية، ايام النيل الهندسية كان كم الفيات اللي بيجري في الشوارع تقريبا زية زي الهيونداي، انما من ساعة ما بقت فيات اوماترا، حد يقدر يقول بيشوف كام عربية فيات جديدة من موديل 2003 في شارعهم؟

[loodaa]

اللينيا اللي في العرض التربو 120 حصان مش ال77 بالرغم من ان ال77 حصان اللي مش عاجبين بعض الناس بيدوا عزم على الrpm القليل أكبر من مواتير تانية كتير أكبر في السعة اللترية والقدرة الحصانية مع العلم ان معظم الطرق في المدن وحتى الطرق السريعة بتمشي فيها على rpm قليل حوالي 3000 maximum وما بتزدش عن كدة الا لو بتشد أو حتعدي ال120 كيلو في الساعة وهنا يبان فرق ال horse power .

[Ghamrawy]

اسعار حلوة و خصوصا للبرافو و اللينيا بس برضو يخلى الواحد يفكر فى موضوع مكاسب الوكيل ..يعنى خفض و برضه لسه كسبان ..يبقى هو كسبان قد ايه فى الاسعار القديمة ؟

[amrbakly]

لا يا لودا و اتحداك حتروح تلاقي العرض علي الـ 77 حصان مش علي 120، انت لو أخدت بالك حتلاقيهم كاتبين علي اعلي فئة في كل موديل لكن لما تروح حتلاقي العرض علي اقل واحدة

و بعدين دول نصابين لسة رافيعن البونتو كلاسيك 5000 جنية و شالوا منها الجنوط و الفوجات

[eng_dhussain]

مجرد توضيح العرض على 120 حصان ياريت الى يقول معلومه يكون متأكدا منها
شكرا

[loodaa]

بالنسبة يا عمرو لرفع سعر البونتو كلاسيك فده غلط جدا وكمان يشيلوا منها الجنوط و الفوجات يبقى استهبال.
أما اللينيا فأنا مش واثق من انها ال77 ولا ال120 بس في الاهرام كانوا كاتبين مواصفات ال120 حصان في الاعلان للينيا و مواصفات ال 77 للجراند بونتو فهل ده خطأ مطبعي وللا قصد الله أعلم, عموما لو حد راح و سأل حيعرف أكيد.

[amrbakly]

مجرد توضيح العرض على 120 حصان ياريت الى يقول معلومه يكون متأكدا منها
شكرا

هل اتصلت و سألت و متأكد من المعلومة إذن ؟

[Migo123]

العرض على الفئتين

77 حصان ب 105
120 حصان ب 115

والاتنين مفيش جنوط ومفيش فوج لايت امامي وفيهم كل حاجه تانيه

البرافو ال 120 حصان ب 129900
وفي فئه من اللينيا بنفس السعر تزيد جنوط 16 ً وفوج وتكييف تاتش و Blue & me ونواكل داخليه وخارجيه وسيتي داريف (للباور)

[amrbakly]

كويس يا ميجو أنك جبت المفيد علشان كان في ناس بتقاوح بس

[sherifahmed]

من الاخر بأه حاكيلكوا قصة اللينا بالظبط اول فئة طبعا
اول ما اوماترا جابت لينيا مصر كانت ب108000 و الكلام دا من حوالى سنتين
شوية كدا و لما العربية مابعتش بسبب الماتور عاملوها ب95000
بعد معرض اخبار اليوم اللى فات علوها تانى ل108000 و لما سألت محمد الشحات فى فرع التوكيل فى مدينة نصر ليه؟
اللى عشان اليورو ارتفع روحت ايله مش معنة يعنى ارتفع على اللينا بس؟ سكت و حاول يتوهنى
اللى حاصل انهم اتغروا لمل باعوا كام واحدة واللك الحق استغل الصيف و الناس مش فاهمة و اعلى السعر و انزله ل105000 عشان الناس تشترى و تقول ان دا عرض
بس على مين انا متابعهم كويس و بعد ما الميجان بأت ب105000 و بماتور اكبر هاينزلوا سعرها

[Migo123]

عرض الميجان بالصدفه نزل معاهم في نفس اليوم
واعتقد انه كده قتلهم تماما

[Ghamrawy]

من الاخر بأه حاكيلكوا قصة اللينا بالظبط اول فئة طبعا
اول ما اوماترا جابت لينيا مصر كانت ب108000 و الكلام دا من حوالى سنتين
شوية كدا و لما العربية مابعتش بسبب الماتور عاملوها ب95000
بعد معرض اخبار اليوم اللى فات علوها تانى ل108000 و لما سألت محمد الشحات فى فرع التوكيل فى مدينة نصر ليه؟
اللى عشان اليورو ارتفع روحت ايله مش معنة يعنى ارتفع على اللينا بس؟ سكت و حاول يتوهنى
اللى حاصل انهم اتغروا لمل باعوا كام واحدة واللك الحق استغل الصيف و الناس مش فاهمة و اعلى السعر و انزله ل105000 عشان الناس تشترى و تقول ان دا عرض
بس على مين انا متابعهم كويس و بعد ما الميجان بأت ب105000 و بماتور اكبر هاينزلوا سعرها

طبعا كلامك مظبوط جدا
بالاضافة فعلا ان سعر اللينيا ال 120 حصان هو هو 115 الف و الكلام ده لما سالت عليها من شهرين و كانت من غير جنوط و لا فوج و الفئة التانية منها اللى كانت كاملة كانت لسه نازلة ايامها و كانت بس مش فاكر كانت بكام
يعنى التخفيض الحالى الفعلى هو على الجراند و على البرافو و خصم اهبل ايه يهنى 4000 و لا 5000 ملطوش ؟

[kareemhisham]

طبعا كلامك مظبوط جدا
بالاضافة فعلا ان سعر اللينيا ال 120 حصان هو هو 115 الف و الكلام ده لما سالت عليها من شهرين و كانت من غير جنوط و لا فوج و الفئة التانية منها اللى كانت كاملة كانت لسه نازلة ايامها و كانت بس مش فاكر كانت بكام
يعنى التخفيض الحالى الفعلى هو على الجراند و على البرافو و خصم اهبل ايه يهنى 4000 و لا 5000 ملطوش ؟

بس هو الحقيقة البرافو نزلت 10 و 15 الف ملطوش