اول عربيه فى حياتى!!!!!!!!

[memononos]

السلام عليكم ورحمه الله

المهم انا معروض عليا عربيه 128 موديل 74 الشكل الجديد وموتورها حالته كويسه وهى بتجيب 120 بس عاوزه شويه نضافه والصالون مش نضيف من جوه بس هى مش مخبوطه خالص والدهان بتعها من بره مشقق شويه
المهم صاحبها طلب فيها 8000 جنيه بس وهما الى معايا كنت ناوى اجيب بيهم فيسبه ولا موتوسيكل صينى
المهم انا اتفقت مع الراجل ورايح اشوفها بكره بالميكانيكى ولو قالى امين هنروح نسجل فى نفس اليوم الصبح
تنصحونى باليه اخدها ولا في غيرها حاجه او اقصر واجيب فيسبه ولا موتوسيكل صينى وخلاص يعنى هتتعبنى معاها وهتقرفنى ؟

[M.FOUAD]

توكل على اللة و خدها لو مفيش فيها مصاريف كثير حتى لو طبقوا الموضوع بتاع تكهين الملاكي دة مش هتخسر حاجة لو عملوها بنفس اسلوب التاكسي

[ihabyossef]

أنا معايا الموديل ده بس هو الشكل القديم مش الجديد لأن الشكل الجديد من موديل 77
هي عربية زي الفل بجد توكل على الله وهى اكيد احسن من الفسبا أن شاء الله

[memononos]

لاسف الراجل محترمش واعده معايا وانا واخد الفلوس ورايح اسجل الراجل انسحب فى اللحظات الاخيره يلا قدر الله وماشاء فعل
المهم انا قدامى دلوقتى عربيه ريتمو وعربيه 128 والاثنين موديل ثمانينات يا ترى مين الافضل الريتمو ولا 128؟؟؟؟؟؟؟؟؟

[M.FOUAD]

لاسف الراجل محترمش واعده معايا وانا واخد الفلوس ورايح اسجل الراجل انسحب فى اللحظات الاخيره يلا قدر الله وماشاء فعل
المهم انا قدامى دلوقتى عربيه ريتمو وعربيه 128 والاثنين موديل ثمانينات يا ترى مين الافضل الريتمو ولا 128؟؟؟؟؟؟؟؟؟

انا افضل ال128 على اساس انها منتشرة اكثر بس

[memononos]

يا جماعه الراجل قرر يبيع على 8700 جنيه وهو جى بالعربيه من الشرقيه دلوقت ان شاء الله علشان نروح نسجل بركولى
ربنا يستر بس واقدر اسوق العربيه لحد البيت لحسن انا ممعيش رخص ولا حاجه خالص غير البطاقه دى سابع مره هسوق فيها عربيه فى حياتى اصلا ربنا يستر ومخبطش فى حد بقى

ويا ريت حد يقولى اجرائات عمل الرخصه وبتاخد قد ايه وقت؟؟؟؟؟؟؟؟؟؟؟