سؤال عن كاسيت الجراند بونتو

[wesamone5]

لو سمحتوا انا عايز اعرف حكايه الكاسيت بيتاع الجراند بونتو المانوال ان هو اوديو فقط مافيهوش ام بى ثرى
فانا عايز اعرف هل فى وسيله تانيه فى العربيه ممكن اوصل ام بى ثرى او الموبايل او حتى usb
او فى عربيات ممكن نخرج من الكاسيت من ورا سلك يتوصل بالام بى ثرى او الموبايل علشان حوار اسطوانات الاوديو ده رخم اوى
يا ريت حد يرد عليا علشان انا بأذن الله هحجزها
وكل سنه وانتو طيبين

[wesamone5]

ومعلش برضو انا سمعت ان فى باكدج 1 و2 لو سمحتوا لو حد يعرف الفرق بينهم يقول

[Dr. Halawa]

يا عم هاتلك mp3 modulator ب50 جنيه بتاعة كده بتركب مكان الولاعة و تركب فيها فلاشة بالحجم اللى انت عايزه و بتلقط على الراديو بس يا ريت ما تسمعشى بيها تامر حسنى اعععع

[wesamone5]

الف شكر يا باشا
انا اصلا ما بسمعش تامر حسنى هههههههههههه
بس انا اول مره اسمع عن الموديلاتور ده بس هو هتبقى جوده الصوت بتاعته حلوه ومعلش انا مش فاهم هيشتغل ازاى على الراديو
وبعدين دى كده ما تكلش بطاريه العربيه

[sherifahmed]

وبعدين دى كده ما تكلش بطاريه العربيه

هى دى مشكلته فعلان
على اى حال هاتلأقيه حضرتك فى اى راديو شاك

[Dr. Halawa]

لا ما بياكلش من بطارية العربية لانه ما بيشتغلش الا و العربية دايرة و فى منه دلوقتى ببطارية و جودة الصوت نضيفة جدا و هتللقيه فى اى مول كمبيوتر فكك من راديوشاك غالى اوىىىىىى و كده كده صينى

[wesamone5]

بجد شكرا جدا ليكو كلكو انتو بجد ناس محترمه جدا

[tooltool123]

فكرة الجهاز دة يا باشا ان انت بتظبط الراديو عندك في العربية علي اي محطة وبعدين بتظبط الجهاز علي نفس المحطة وتشغل الاغاني علي الجهاز فبتشتغل علي الراديو اللي في العربية

ممكن تريح دماغك من كل دة وتجيب موبايلn79 موجود فية الحوار دة

[elysmeen]

بيركب لها وصلة (aux)فى توكيل كلاريون وتمنها حوالى 75 جنية

[Ralliart]

ركبaux لان الموديلاتور صوته مهما كان مبيبقاش نقي والجراند بونتو كاستها بيركب فيه aux ممكن حضرتك تشتري الوصله وتخليهم يعملوها في التوكيل