مشكلة منتدى فيات

[sherifahmed]

يا جماعة احنا فى مشكلة
الفكرة ان فى نوعين من عربيات فيات فى المنتدى لا يمتوا بصلة لبعض
عربيات مصرية من انتاج النصر بمواتير فيات
و عربيات فيات قلبا و قالبا
و بنظرة و حده كدا هنلائى تناقض رهيب فى الموضوعات فى نفس الصفحة
ناس عاملة رابطة للفيات 131
و ناس بتتكلم على فيات برافو مثلا
عربيتين من اجبال مختلفة تماما و اللى بيسأل عن دبه مالوش دعوة بالتانية
ودا وضع فريد مش مشتركين فبه غير مع منتدى سيات بس المشكلة عندنا ضخمة جدا بسبب انتلج شر كة النصر للعديد من الموديلات التى تحمل اسم فيات
فى النهاية ارجو من الادارة فصل المنتدى لواحد فيات نصر و التانى فيات
ياريت الناس تشارك باقتراحتها

[CryptonX]

ياريت , و اعتقد انها اتطلبت قبل كدة .


سيارات شركة النصر ملهاش اي علاقة بفيات ! و لا بتنزل بعلامتها حتى ! دي بواقي عربيات روسي تركي من تصميمات قديمة لفيات و ملهاش دعوة بفيات خالص حاليا .

سيارات فيات في مصر ( فيات فيات مش نصر ) :

سيارات لا تنتج خلاص :

-فيات 127 ( القديمة الايطالي مش نصر 127 )
- فيات 128 ( القديمة الايطالي مش نصر 128 )
- 131
-132
- اونو


سيارات حديثة ( منها لا تنيتج و لكنها جديدة نسبيا ) :

- تمبرا
-تيبو
- اونو فاير
- بونتو
- جراند بونتو
- برافو
- برافا
- ماريا
-لينيا
-باليو
-سيينا
-500
- باندا

---

نصر و بولونيز و شاهين و دوجان و فلوريدا و زاز و وووو و ..لا يندرجوا تحت فيات , لازم يتعملهم قسم خاص بيهم تحت اسم شركة النصر .

الموديلات القديمة من فيات 131 - 132 وخلافه ممكن يتقسم قسم فيات لاتنين واحد للموديلات الحديثة وواحد للموديلات القديمة .

وضع فيات خاص جدا في المنتدى علشان وضع فيات في مصر خاص جدا .. محدش عايز يرمي عربيته القديمة ( و ده حقه طبعا ) و بما انها كانت انجح سيارات في مصر فده سبب انتشار الموديلات القديمة الي الان .

من حق ممتلكيها تكوين نوادي و مواضيع و مناقشة كل ما يحلوا لهم طبعا , ولكن من حق الناس انها تعرف ان في موديلات جديدة من فيات و محتاجة برده كلام و نقاشات .

ارجو تقسيم فعلا القسم الي اتنين و جعل سيارات شركة النصر في منتدى فرعي اخر .

[ahmadmidop]

فعلا لازم بجد يبقى في تقسيم

[Sala7.Bravo]

انا معاكوا برضو و كده الاستفاده هتكون اكبر لكل الناس

[Ghamrawy]

اضم صوتى لصوت اخونا فى الله كريم

[aljurjani]

منتدى فيات عجيب غريب وهو أكثر منتديات نايل موتورز بعثاً على ........*. فليس من المعقول أن نظل نقرأ عن ال 132 وال 128 بل والمهزلة ال 1100 في منتدى يضم اللينيا والبرافو والجراند بونتو والسيينا.

في الحقيقة منتدى الفيات هو بالأساس منتدى ........*

العضو الفاضل برجاء مراعاة أنتقاء الألفاظ حرصاً على مشاعر الأعضاء
______________________________________
مشرف الأوروبى 1

[Anti_virus_abdo]

صحححححححححح لازم الاداره تشوف حل

[islambana]

طيب ماهو كده هيبقي هنقسم كل الاقسام بيجو برضه ناس بتتكلم عن ال305 وال 504 وناس بتتكلم عن ال307 وال 308
وفولكس برضه ناس بتتكلم عن الجولف والباسات والبولو وناس بتتكلم عن البيتلز يبقي كده المنتدي هيتقسم 1000قسموكل 5 او 6 يبقوا في قسم وبالتالي الاستفاده تقل
ده رأيي الشخصي

[CryptonX]

طيب ماهو كده هيبقي هنقسم كل الاقسام بيجو برضه ناس بتتكلم عن ال305 وال 504 وناس بتتكلم عن ال307 وال 308
وفولكس برضه ناس بتتكلم عن الجولف والباسات والبولو وناس بتتكلم عن البيتلز يبقي كده المنتدي هيتقسم 1000قسموكل 5 او 6 يبقوا في قسم وبالتالي الاستفاده تقل
ده رأيي الشخصي

ماشي بس مش بنفس الكم الهائئئئئئئل الي علي فيات يعني بيجو حتلاقي موضوعين تلاتة قدام و الباقي جديد , فولكس فاجن في كمية مواضيع عن البيتلز بس في كمية مواضيع كبيرة عن باقي الموديلات !

انما الفيات حتلاقي 3-4 مواضيع عن فيات الجديد , و 1000000000 موضوع عن سيارات اصلا لا دخل لها بفيات !

بلاش تقسيم جديد او قديم .. بس خلوها فيات بس .. مش بولنيز و شاهين و فلورديا و نصر و مصر و رمسيس !

[fadynabil]

أضم صوتي ليكوا

[Moe86]

أضم صوتي أنا كمان

[Ahmed Hamdy]

ياريت فعلا ..

[Karim_Monir]

الموضوع غاية في الصعوبة
لان تطبيق التقسيم لازم يكون منطقي
يعني لو قولنا فيات ونصر
هاتلاقي واحد ب 132 موديل 78 بيقول انا فيات
لو قولت ايطالي وغير ايطالي هانظلم التصنيع التركي والاسباني والصين والبرازيلي
الحل اللي ممكن يكون مناسب شوية
موديلات ما قبل 2000
وموديلات ما بعد 2000
وعامة هو الاقتراح تحت المناقشة في الادارة
لحين الوصول لقرار صائ
وشكرا لاهتمامكم بالمنتدى

[CryptonX]

الموضوع غاية في الصعوبة
لان تطبيق التقسيم لازم يكون منطقي
يعني لو قولنا فيات ونصر
هاتلاقي واحد ب 132 موديل 78 بيقول انا فيات
لو قولت ايطالي وغير ايطالي هانظلم التصنيع التركي والاسباني والصين والبرازيلي
الحل اللي ممكن يكون مناسب شوية
موديلات ما قبل 2000
وموديلات ما بعد 2000
وعامة هو الاقتراح تحت المناقشة في الادارة
لحين الوصول لقرار صائ
وشكرا لاهتمامكم بالمنتدى

جميل انا ارجح الاختيار بتاع 2000 او بعد 2000 بس مش عارف هل 2000 تعتبر السنة الفاصلة فعلا ؟

و نرجع سنة ورة .. يعني اول بونتو نزلت في مصر تقريبا في 93-94 .

شكرا لاهتمامكم .

[NaderNabil]

جميل انا ارجح الاختيار بتاع 2000 او بعد 2000 بس مش عارف هل 2000 تعتبر السنة الفاصلة فعلا ؟

و نرجع سنة ورة .. يعني اول بونتو نزلت في مصر تقريبا في 93-94 .

شكرا لاهتمامكم .

كده الشاهين و الفلوريدا و ال128 هايخشوا في ما بعد ال 2000

و يبقى رجعنا تاني لنفس النقطة

موضوع محير جداً...هي كده شركة النصر...علطول تاعبانا في كل حاجة :)