عيوب السيارة الشاهين وبكل صراحة ( وحشة جدا )

[zizophone]

فوق بقي كل اللي قولتة دة حاجتين مهمين جدا

أنها اخر عربية في الفيات ممكن تمسك سعرها و تجيبها غالية جدا و ترميها برخص التراب و الفاصل اي موقع اعلانات بيع سيارات شوف تمنها كام في المستعمل و شوف تمنها في الجديد

تاني حاجة أنها حالة من حالات القبح من اول الطاسات و البدي اللي شكلة عامل زي كشك السجاير لحد التابلوة و الصالون اللي بيفكرني بالتلاجة الإيديال القديمة اللي قعدوا برضة ينتجوا فيها 40 سنة بدون تغيير، و كلمني بقي عن الكاوتش اللي حوالين القزاز

بصراحة عربية صنعت لتجمع كل عيوب السيارات القديمة و الحديثة و تغور في ستين داهية حتي لو الواحد حيركبها بـ 10000 جنية

العربية دية فعلا عاملة مثال للصناعات الإشتراكية العقيمة اللي بتفكرني بكوريا الشمالية ، و الله انا لما روحت تركيا شوفتها هناك تاكسي و بس و اقل ما بشوفها هنا في مصر

والله انا متفق معاك جدا جدا مش انا معايا شاهين 2007 حسبي الله ونعم الوكيل في الشركة الي طلعت عربية زي دي في 2007

[medozaed]

المشكله الاساسيه فى الشاهين هى حاجه وحده بس انها منتشره جدااا كسياره تاكسى
الحكايه دى بتخلى كل قطع الغيار بتعتها مغشوشه ومن الصعب انك تلاقى قطعه غيار اصليه
يعنى مثلا البوجيهات الى بتباع ليها ب20 جنيه الاربعه بعد ما شتريتهم لاقيت العربيه مابتسحبش وضعيفه وكرهت سعتها العربيه بس بعد كده جبت طقم فرنساوى ب85 جنيه خلا العربيه مختلفه تماما
ونفس المشكله حصله مع تيل الفرامل الاى اشتريه ولاقيه بيصفر والى مابيفرملش والى بيدوب ويتحول لبودرد فى اسبوعين
بالنسبه للعربيات الكورى واليابانى كل قطع العيار اصليه حتى المستورده بيبقى نظيف مش مغشوشه لان المستهلك ملاكى فقط وليس سائق تاكسى

[medozaed]

وتاكيد على كلامى ان الناس بتقول ان قطع غيار العربيه دى رخيصه ودا كلام مش صحيح
لما تدور على قطعت الغيار الاصليه بتاعه الشاهين تلاقى ان قطع الغيار غليه يعنى مثلا الرفرف الامامى الاصلى الى مكتوب عليه tofas بيتباع ب220 جنيه

[zizophone]

هههههههههههههه كمان طيب اتفضل ياعم وانا على فكرة مع نفس الرأي بتاعك يا ميدة لاني لما اتكسر الاكصدام وحبيت ادور على الاصلي المرن طلع ب 160 جنية الخلفي ياعني ولا الهيونداي اهو , خدنا احنا منها اية بقي علشان تبقي كمان قطع غيارها غالية

[mrghost]

ياجماعه انا معايا شاهين موديل 2004 وبرضه جاتلى فتره كده كرهتها لما ركبت عربيات انعم منها وحسيت بالفرق وخلاص كنت ناوى ابيع بس بصراحه انا حسبتها بالعقل شويه
-اولا بلدنا لازم عربيتك تتخبط فيها او تتجرح على الاقل فالواحد بدل مايجيب فانوس ب300 او 400 جنيه هتجيبه ب65 جنيه
-حكايه البنزين ودى تفرق جامد مع اى حد خصوصا لو هتحط 80 وتوفر النصف بالظبط
-مطبات شوارع المحروسه كفيله بانها تقضى على اى عربيه
-حكايه الصيانه ومعظم الكلام اللى بنسمعه عن التوكيلات واللى بيحصل فيها انما دى هتعملها عند اى حد بره
-قطع الغيار لو الاصلى هتبقى معمرة
-وبعدين ياجماعه عارفين عيب العربيه الاساسى ايه؟انها تقفيل مصرى دى لو كانت تركى بالكامل والله كانت هتفرق خالص

[ahmad--ezzat]

هههههههههههههه كمان طيب اتفضل ياعم وانا على فكرة مع نفس الرأي بتاعك يا ميدة لاني لما اتكسر الاكصدام وحبيت ادور على الاصلي المرن طلع ب 160 جنية الخلفي ياعني ولا الهيونداي اهو , خدنا احنا منها اية بقي علشان تبقي كمان قطع غيارها غالية

معلش سؤال بره الموضوع...

هو حضرتك بتحب ريهام عبد الغفور اوى كده ليه

[zizophone]

معلش سؤال بره الموضوع...

هو حضرتك بتحب ريهام عبد الغفور اوى كده ليه

هههههههههههههههههههههههه مش عايز اقولك انا ضحكت قد اية من الكومنت بتاعك العسل دة وانا فعلا بموت فيها بجد لاني كنت بحبها جدا ولما قعدت معاها لاقيتها انسانة جميلة قووووووي , وبعدين هو في حد مش بيحب ام يوسف دي رقيقة وطيبة موت ففعلا انا بحبها وحفضل احبها ان شاء الله

[medozaed]

يازيزو بيه انتا الى غلطان محدش قلك تشترى عربيه شاهين موديل 2007 ب65000 جنيه
انا كونت شاريها سنت 1999 ب37000 جنيه
فبالنسبه ليه هى عربيه رائعه بالنسبه لسعرها يعنى لما ابيعها هابيعها ب35000 مثلا يعنى محافظه على سعرها جدااا

[zizophone]

ههههههههههههههه تصدق هي لا تتركب 98 ولا 2020 حتي

[medozaed]

يعم حاول تحبها انتا بتركبها ازاى وانتا بتكرها قوى كده
حاول تشوف المميزات الى فيها
وحاول تتجنب العيوب

[samcar]

من زمان وانا شايف ان العربيه دى مقلب كبير - بس السوق المصرى له احكامه - بس حاجه غريبه انت بتقول فى السبعينات ما كانوش مهتمين بحياة السائق او الراكب- انا شايف ان فى مصر العكس هو الصحيح الفعربيات الجديده المجمعه مصرى اثبتوا ان حياة البنى ادم بترخص سنه عن سنه

عموما الشاهين دى فعلا ما كانش يصح ابدا تزيد عن 35 الف جنيه - لكن زى ما قلت ده السوق المصرى ابو العجب

[CryptonX]

انا شخصيا بفضل ال131 او التمبرا حتى عن الشاهين .

و لو حنقول ان السيارة في تركيا 70% ( انا ركبت شاهين مستوردة من تركية - باور و ازاز كهرباء كانت انضف الف مرة من الي هنا )

يبقى بعد تجميعها في مصر حتهبط ل 30% زي حال اي سيارة من اي مصنع اي كلام زي معظم مصانع تجميع السيارة في مصر ماشاء الله .

[ابوهاشم]

معلش ليا سؤال
مش الدوجان شاهين تجميع تركى ولا انا غلطان

[الريس]

strange

Mr. Zizo
every market goes with what suits its buyers, sellers and government rules.
by the way your writing style reminds me with an old nile motors member, he used to call himself zizo as well

[رامى خيال]

تقييم العضو غير موضوعى مع احترامى .......لا توجد سيارة بالدنيا مفيهاش ولا ميزة