أعمل عمرة موتور للعربيه 128؟؟؟؟؟

[ameirnabel1977]

السلام عليكم ورحمه الله وبركاته ،،،،

اولا العربيه اللي انا هاتكلم عليها مش بتاعتي ، دي بتاعت واحد صاحبي بس هو مش بيفهم فى العربيات خالص وانا حاسس انه بيتنصب عليه فقلت مافيش غير نايل موتورز هي اللي هايفديني .
ندخل فى المفيد.
اللي حصل ان صاحبي ده لسه متعلم السواقه جديد وربنا كرمه واشتري عربيه 128 موديل 1984 ( موتور 1100 سي سي) ، انا مش عارف ازاي باضبط العربيه سخنت منه وهو ماشي من غير ما ياخد باله....
وهو فضل ماشي بيها سخنه لحد ما الموتور طلع دخان .....
فطبعا البيه ركن شويه وبعدين خد العربيه على ميكانيكي ما يعرفوش اصلا فطبعا الميكانيكي قاله ان العربيه محتاجه عمره .
يا ريت لو حد يقولنا هي فى الحاله دي هاتكون فعلا محتاجه عمره ولا لأ ولو هي محتاجه عمره هاتتكلف كام ؟؟؟؟

[ameirnabel1977]

هو الموضوع صعب اوي كده..................

ربنا يسهل و اي حد يعرف يحل المعضله دي

[semsem_uno]

والله يا باشا انا علي حد علمي ان ده مكن يبقي جوان وش السلندر
و بعدين الدخنة لونها ايه
و استني شوية هتلاق ناس ردت من اللي معاهم 128 او كده معلش انا كان نفسي اساعدك بس محصليش الموقف ده خالص و ربنا يسهل ان شاء الله

[jhlv]

ممكن يكون جوان وشسلندر وبس
وده في حدود١٥٠جنيه وربنا معاك

[newhansol]

طب مانعرف الاول الدخنة كانت اية سببها
لو مفيش مية يبقى جوان وش سلندر ياريت يكون كدة ومايكون وش السلندر قفع من السخونية زى الصناعية مابيقولو دى حاجة
ولو سخنت علشان مفيش زيت يبقى كدة شكرا الضرر اكبر
اكيد هاتكون لدعت سبيكة ودة اقل واجب طبعا من قلة الزيت
ومن الاخر يعنى المكنة دى هاتعمر فشوف حد عدل وعمر عندة المكنة وماتروحش لاى حد لانة الصنايعى هايقطم ضهرك فى الفلوس وهايقعد يغير كل حاجة فى المكنة علشان يخليك تصرف وفى نفس الوقت بيريح دماغة .....معلش الى حصل حصل خلاص فكر كدة بهدو واعرف هاتعمل اية وخلى بالك ان 99.9 % من الصنايعية حرامية وعايزين الحرق
وربنا يسهلك الحال وتقع فى حد ابن حلال يحللك المشكلة دى باقل خساير (وماعتقدش انك هاتلاقى )

[أبو إياد]

مافيش عمره تيجى مفاجاءه كده
هو 90% جيوان وش سلندر وبيكلف 150ج بالمصنعيه
ولو حاجه اكبر بتكون طرمبه مياه

[asaeed]

أنت لو ساكن قريب من امبابة أو المهندسين أنا تحت أمرك ممكن أعرفك بالميكانيكي إللي عملي طقم شنبر لموتور عربيتي البولونيز وللعلم أنا مسقط موتور 132 الـ 1600 سي سي
بس هو بسم الله ما شاء الله صنايعي كويس ونظيف في شغله وأمين في صنعته وبيراجع على شغله قبل ما يسلم ومصنعيته رخيصة بالنسبة لصنايعية تانية وهو اسمه الأسطى يونس رقم موبايله: 0181492820 ممكن تكلمه هو جدع وخدوم