ماهو رأى مالكى اللينيا فى جودتها و أسعار قطع غيارها

[bahaahssn]

سلام عليكم
انا النهاردة روحت اوماترا الدقى اتفرجت على اللينيا ال تى جيت بتبدأ من 96000
120 حصان و من 0-100 فى 9 ثوانى
و فى كاتيجورى 2 سعرها 106000 و فيها كل حاجة من غير مثبت سرعة و كلو مانيوال
ديلوقى انا عايز اسئل اللى عندو العربية و اللى جربها
1- جودة السيارة عامة و هل هى كثيرة المشاكل زى الميجان مثلان ؟
2- ايه المشاكل اللى ظهرت فيها و هل التوكيل حلها فى الضمان ؟
3- هل قطع الغيار متوفرة ؟
4- اسعار قطع الغيار ايه ؟ حاجة زى تيل الفرامل مثلان و الفلاتر و طقم الكاتينة ؟
5- هل لازملها بنزين 95 فقط ؟ انا سألت التوكيل قالولى 92 و 95 بس انا مش مقتنع ب 92 دى
6- أسعار الصيانات عاملة ايه ؟
7- اداء و قوة السيارة عاملين اه و الثبات و الراحة ظ
معلش أنا اسئلتى كتير بس انا معنديش اى فكرة عن الفيات الجديدة و جودتها و كدة
و شكرا مقدما على المساعدة

[mohd2]

ممكن تكتب كماليتها

[bahaahssn]

الى ب 96000 فيها 2 اير باجز و 4 ازاز كهرباء و ايه بى اس و اى بى دى و سى دى
اللى ب 106000 فيها 6 ايرباجز و بلو اند مى و جنوط سبور و تكييف اتوماتيك

[ayman2]

باين كده ان محدش من الساده اصحاب الينيا عاوز يشارك لأنى سئلت معظم الأسئله دى من أكثر من 3 أشهر ومافيش رد ولسه متردد وخصوصا ان العربيه دى جامده جدا لكن ضعف الوكيل عامل قلق كبير

[Ghamrawy]

باين كده ان محدش من الساده اصحاب الينيا عاوز يشارك لأنى سئلت معظم الأسئله دى من أكثر من 3 أشهر ومافيش رد ولسه متردد وخصوصا ان العربيه دى جامده جدا لكن ضعف الوكيل عامل قلق كبير :u_thin1[1]:

الموضوع مش ضعف وكيل و بس
الموضوع ان العربية دى متغطية بفئات تانية من العربيات الكورى و اليابانى +ان الناس خايفة من اسعار قطع غيار العربيات الاوروبى+الفكرة السائدة فى معظم اهل البلد ان الفيات هى ال 128 و 132 و 131 و ازاى فيات تتباع بالمبالغ الكبيرة دى

[loodaa]

الموضوع مش ضعف وكيل و بس
الموضوع ان العربية دى متغطية بفئات تانية من العربيات الكورى و اليابانى +ان الناس خايفة من اسعار قطع غيار العربيات الاوروبى+الفكرة السائدة فى معظم اهل البلد ان الفيات هى ال 128 و 132 و 131 و ازاى فيات تتباع بالمبالغ الكبيرة دى

انا شايف ان ده فعلا هو السبب

[ayman2]

و كمان ان التربو بيضعف الموتور بعد 100.000 لكن حتى الأن لا يوجد دليل وخصوصا انه اتجاه سائد الأن لكن لو الوكيل قوى زى توكيل كيا مثلا وفيه مراكز خدمه فيها ناس بتفهم كان فيه حاجات كتير اتغيرت

[SeiffoZ]

و خاصة إن الوكيل مش عايز ينزل الدوالوجيك منها ...

غبى جدا ..

العربيات حاليا 80% بيتباع أوتو ...

بالدليل الليون و إفنسس مانوال فقط ... نادرا لما بتشوفها فى الشارع!!

ما بالك باللينيا ؟؟؟ رغم إنها عربية تحفة ... أنا بشوفها نفس إنتشار الليون و إن كانت أقل منها شوية

[enafea]

للاسف...افضل اختيار فى فئتها السعرية....بس للاسف الدعاية ليها شبه منعدمة