السيارة بتسخن على السريع

[szrateb]

منذ حوالي 3 سنوات سخنت سيارتي الفيورا 127 ووش السلندر ضرب وعند تغييرة كان يوجد جوان واحد فقام الميكانيكي بتركيب جوانين لتقليل السخونة.. ومنذ ذلك التاريخ يوجد عيب غريب في السيارة وهي أنها تسخن عند السير بها بسرعة وهذا العيب يظهر في فصل الصيف فقط عند السير على سرعة 80كم فأعلى.
قمت بتغيير الردياتير وضبط التاكيهات وعلبة الشكمان حتى اني قمت بتغيير الجوانات مرة أخرى وركب الميكانيكي 2 جوان جداد ولازال العيب موجود..
موش عارف أنا رأيي أنه كان يجب تركيب جوان واحد وليس اثنين
هل هذا صحيح وان لم يكن هل يعرف احد سبب هذا العيب وشكرا

[m_elkhishin]

فكرة الجوانين كما يعتقد الميكانيكبة كالآتي:
لما بتعمل عمرة وش سلندر بيتجلخ وش السلندر فى المخرطة وعشان يعوض النقص اللي حصل ده بيركب جوانين. بس أنا لي رأي شخصي

موضوع الجوانين ممكن يكون بيقلل حرارة العربية فعلا نتيجة انه غالبا بيكون سمك الجوانين أكبر من القيمة اللى المخرطة كلتها. وبالتالي غرفة الاحتراق حجمها بيكبر شوية ويترتب علية ان نسبة الانضغاط compression ratio بتقل مما يقلل الضغط على البساتن والتأثير السلبي لذلك ان عزم العربية بيقل

أنا مهندس اتصالات مش ميكانبكا وبالتالي ده تحليل شخصي قابل للصواب أو الخطا فارجو من أصحاب الخبرة التصحيح ان وجد

[sab3aawy]

عايز أسال سؤال

بتسخن يعنى بتوصل لكام؟

90، وللا بتعدى 90؟

[szrateb]

الحرارة بتوصل 90 وبتعدي لو ماشي على طريق طوالي مثل الدائري على سرعة 70-80 فأعلى
مع العلم أن الطبيعي للثيرموستات الموجود في السيارة أن المروحة تعمل عند درجة حرارة 70 وتبطل عند 60 تقريباً
وأنا في العادة اقفل الكونتاكت لو فيه اشارة او الطريق واقف في الطريق العادي علشان اعطي السيارة فرصة لتبرد قليلا (ولو وقفت مدة أكثر من 4 دقائق عادة تبطل المروحة)
وهناك ملاحظة اخرى أن المروحة تظل دايرة دائما طالما اشتغلت( والسيارة دايرة) وذلك في فصل الصيف اما في الشتاء فقلما تبطل المروحة وذلك يكون إما في الجو البارد جدا او في ساعات الصباح الأولى
على فكرة أنا جربت احط مياه خضراء ولكن لم يتحسن الموضوع وكشفت على طلمبة المياة والميكانيكي قال انها سليمة وكذلك سير الدينامو

[NaderNabil]

i have the same exact problem in my 127 too!
And i have just did a nos 3amra 2months ago..
and checked everything and it is all fine
but the tempreture on high ways always exceed 90

[szrateb]

هل معنى ذلك أن هذا شئ طبيعي في السيارة 127 وعادي أن المؤشر يزيد على 90 ولكن ما هي الحرارة القسوى المسموح بها يعني عند أي درجة حرارة اقف بالعربية لتبرد

[szrateb]

مفيش رد يا أهل الخبرة :?

[szrateb]

مفيش رد يا اهل الخبرة :?

[fady]

انا كنت راكب فيورا لمده طوبله و لم تكن عندي المشكله دي و كنت باطلع كل يوم على المحور و العربيه بتجري لغاية 120 و لكن الحرارة كانت عاديه.

[Abonora]

ركبوا ريداتير لادا المنيوم +مروحة لادا +ثرموستات 60~80

وادعولي جامد اوييييييييييييييييييييييي :D

[ahmed1981]

لو الحرارة تسعين يعني على النص خليك ماشي
طالما المروحة شغالة
لو زاد عن كده حاجة بسيطة خليك ماشي
يعني لو الحرارة ثابته على النص أو بعده بشوية بسيط والمروحة شغالة على طول يبقى ما يهمكش وخليك ماشي عادي وإعتبر ده حرارة طبيعية
لو وصل إلى قبل الآخر بربع في الحالة دي تقف تبرد العربية وتعرف ان السخونة مش طبيعية

وعند ذلك أسألك
هل الموتور خفيف؟؟؟؟؟؟؟؟؟؟؟؟
هل طرمبة المية بتقلب كويس؟؟؟
هل الكربراتير مضبوط؟؟؟؟؟؟؟؟
هل الإسبراتير مضبوط؟؟؟؟؟؟؟؟
هل الرادياتير نضيف؟؟؟؟؟؟؟؟؟؟

كل اللى فات ده لو مش تمام يسخن العربية

والله أعلم
م/أحمد :D

[thegoodhacker]

السلام عليكم ورحمة الله وبركاته.......
هل تم اصلاح العطل؟وكيف ذلك؟
انا كان عندي سيارتين 127 ولذلك عندي خبرة بتلك السيارة الاصيلة
ال127 تصميم الفابريقة بها ان الثيرموستات يعمل عند درجة حرارة 90 لكي يشغل مروحة الرادياتير....وعندما تعمل المروحة ستجد ان درجة الحرارة انخفضت عن ال90 .......لذلك اعتقد انك لازم تعمل فحص للمروحة و الثيرموستات الخاصة بها و ايضا هل انت واثق ان عداد الحرارة يعمل بشكل سليم؟؟؟؟؟؟؟؟