أفبدووووني ياشباب بالله عليكم

[SNIPER_4ISLAM]

السلام عليكم ورحمة الله وبركاته
اولا انا عضو جديد بس حبيت منتداكم جدا وبطريقة احترامكم لبعض ولخبرتكم الجميلة
والشباب اللي زي الفل مثل سبعاوي باشا المخضرم وحازم وحسام الجميع
فلذا وددت الاشتراك .. وارجو انا اكون عضو مرحب به وسطكم وهذا عشمي .. 8)

مش هطول عليكم ...
انا بحب العربية الريتمو في ناس بتقولي اه تمام وناس تانية لا لعيبوب قريبة من ال 128 بالاضافة انها مش سهلة في البيع وانا برضه مش ميال اوي ل 128 برغم اني اتعلمت عليها
بس بالنسبة للريتمو ...
لنفترض ان الحالة جيدة والموديل هنقول اول الثمانينات ..يعني في حالة تمام
بالله عليكم حد يرشدني
ريتمو
128
125
منتظر الرد
;)
الريتمو تعمل كام ... وايه عيوبها وايه مميزاتها وايه اللي ترشحولي في حدود 20 الف ان شاء الله او اقل

[ecybrarian]

أهلا بيك معنا ونورت المنتدى. انا في الحقيقة ما ليش في الفيات قوي على الرغم من إني تربية لادا في الأصل وجبت عربيتين فيورا قبل كده (في العصور الوسطى). علشان كده مش هاكلمك Technical لكن بشكل عام 128 احسن لك من الريتمو و125 من حيث السوق في البيع والشراء وفي قطع الغيار. على الأقل هاتلاقيلها قطع غيار جديدة مش استيراد....والله أعلم

[modux]

الترتيب من حيث الافضل ( وجود قطع غيار بسولة و اعادة البيع )

128
125
ريتمو

[hazem_khidr]

اهلا و سهلا بيك يا استاذ SNIPER_4ISLAM و ميرسي اوي علي ذوقك و كرم اخلاقك
بالنسبه للريتمو فشركه فيات بتعتبر العربيه الريتمو النقطه السودا في حياتها!!!!! ايوا فعلا و هيا اعترفت بدا علشان العربيه كانت نازله بمواتير قويه و شاسيهاتها ضعيفه فدايما تلاقي شاسيهاتها بايظه بس لو لقيت واحده من اللي باربع فوانيس من الامام و شبه الريجاتا كده و ما رشتش دواخل و حالتها حلوه ما تترددش علشان الموديل دا كان حلو جدا .
بالمسبه ل حبيبه قلبي ال 125 ف دي عربيه عظيمه فعلا و مش حتغلب في قطع غيارها لكن في قطع غيار غاليه زي الابواب و الديفرانش و الموتور يعني برضه لو حضرتك حتجيب واحده منها تجيب واحده ما فيهاش شغل خالص يدوب علي الركوب و بس علشان ما تصرفش عليها كتير و في الاخر مش تلاقي اللي انت صرفته و انت بتبيع...
بالنسبه لل 128 فطبعا دي قطع غيار في كل مكان و عربيه تتباع و تتشري في لحظه و هيا تعتبر احسن اختيار لو لقيت منها حاله نضيفه يعني الشاسيه مضبوط و قالب العربيه حلو مش معووجه ولا فيها مشاكل لانها مش بترجع لاصلها تاني بعكس ال 125 مثلا ولا بياثر فيها الكلام دا.
الخلاصه :
لو عاوز عربيه حماله قسيه و ما تشتكيش و ادائها كويس بس شكلها مش حلو اوي يبقي ال 125
اما لو عاوز عربيه شبابي يبقي يا الريتمو يا ال 128 بشرط الحاله السليمه جدا ان لم تكن ممتازه و لو لقيت ريتمو اتكل علي الله مش حتندم بس سليمه ماتكونش راشه دواخل و شاسيهاتها فابريكه

[SNIPER_4ISLAM]

متشكر جدا يا شباب علي ردكم الغالي ...ان شاء الله استخير وربنا يكرم
وفعلا منتدي عشرة علي عشرة والله
بالنسبة للريتمو كتير اسمع عن حوار الشاسيه ووو وتقريبا دي نفس الحاجة في ال 128
ال 125 بشكروا فيها بس .....لا تعليق
والناس عشان تقلب شكل الريتمو القديم للجديد بتغير الكابوت :lol:
هل ممكن استفيد اكتر براي استاذنا سبعاوي ؟
وبرضه محدش اتكلم عن السعر في حالة انه حالتها تكون نضيفة زي ما قال اخونا حازم خضر ماتكونش راشه دواخل و شاسيهاتها فابريكه

السعر نظامه ايه في الحالة النضيفة ؟
حوار شاسيه فابريكة ده ممكن ولا لأ ؟

[SNIPER_4ISLAM]

ومعلش :-) شباب والله الواحد بيحس انه وسط ناس فاهمة وخبرة وكأننا اهل واخوات من غير ما نشوف بعض
بيقال ان ممكن يتعمل حاجة في الشاسيه اسمها خوصة ولا شدادة عشان تقوي الشاسيه
وان الواحد ياخد باله من المطبات ... هل الكلام ده صحيح ؟ موضوع الخوصة ده
هل الريتمو مفيش ميكانيكية كتير فاهمين فيها ؟؟؟ :|

والفرق بينها وبين الشكل الجديد اللي هي باربع فوانيس او عيون من قدام ...اكيد في الماتور والسعر ... طيب حد يعرف حدود السعر كام ؟
انا عارف اني تقلت عليكم بأسألتي اللي زي الصواريخ
:shock: بس بصراحة الوحد يحب ياخد بالنصيحة والاستشارة منكم
ومتشكر علي ردودكم الفعالة والايجابية اللي تشجع الواحد انه يستمر عشان يتعلم ميبقاش مشاركة ويقلب والسلام ;)

[احمد الديب]

يا شباب افيدونا بالله عليكم من حيث عمل مقارن بين السيارات المستعملة الفيات واللادا والسوزوكي والجولف والسيات في حدود لا تزيد عن 30 الف وايهم احسن من حيث الاستهىك والتحمل وسهولة البيع

[احمد الديب]

يا شباب افيدونا بالله عليكم من حيث عمل مقارن بين السيارات المستعملة الفيات واللادا والسوزوكي والجولف والسيات في حدود لا تزيد عن 30 الف وايهم احسن من حيث الاستهىك والتحمل وسهولة البيع

[ahmedsamir79]

أنا لا أنصحك بالريتمو ---بناء علي تجربه منيله بستيين نيله

128 برقيبتها

[sokasoon]

• الاختيار السليم هو ال128 قطع غيار متوفرة
  
  شبابى باردوووو وفى الرينج اللى حضرتك حطو يعنى ممكن ب20الف
  
  تجيب 128 كويسة ونضيفة بس ماتستعجلش فى الشراء شوف ميكانيكى
  
  كويس يبصلك على العربية قبل ما تشتريها

[SNIPER_4ISLAM]

بجد والله كل ما بشوف ردود بتعلوا في نظري اكتر وبحس ان في ناس مهتمة ...
:( جميل يعني اكتر الناس بتقول 128 نضيفة ! :?
بس لا استسلام :-)
عاوز الفرق بين ال ريتمو 65 و 75 cl وفي كمان 85 تقريبا واللي يقولك الماني لا ايطالي ...
طيب فينك يا بشمهندس سبعاااااااااااااااااوي :roll: عاوزين تحليل شامل ومحايد ودقيق وحاسم واخلص من الحيرة دي ..
;) ....مش عارف بجيب الكلام الكبير ده منين
بس يلا
اي خدمة ياعم ;)

[tutankhamoun]

أنا رأيي المتواضع .......... إنسى موضوع الريتمو خالص و توكل على الله و اشتري 128 بحالة جيدة للإعتبارات السالف ذكرها من الأخوة الأعضاء و هي سهولة البيع و الصيانة و تواجد قطع الغيار بوفرة و رخص الثمن

[أبو ياسين]

انا جربت الريتمو سنه و نص وجربت 128 حوالى 5 شهور

الريتمو كانت تمام عن ال 128 اعطالها كانت اقل رحت بيها اسكندريه كذا مره من غير مشاكل و مره حاولت اسافر ب 128 و انا راجع جابت جوان بدون سبب واضح
مع ملاحظه ان الريتمو كان راكب فيها ماتور ريجاتا 1600 و ال 128 كانت 1100 و اكيد ده عامل كبير فى راحتى للريتمو عن 128
(كنت بامشى بيها لحد 160)

[SNIPER_4ISLAM]

حاجة تجنن :D
شكلها كده ال 128 ;) مع اني مش حاببها اوي بس عاوز حد يشجعني ويدلني ع الموديلات والاسعار
وجزاكم الله كل خير

[SNIPER_4ISLAM]

يا شباب في عربية معروضة علي ستروين اولست 95 .. بسعر وهمي ... بس قدر الله وماشاء فعل ..الكل حذرني منها
ياريت اسمع رايكم فيها ؟