الصيانة الدورية للـ 128 والـ 127

[jhlv]

شكرا للاخ اللي سآل لانه سؤال مهم والاخ اللي جاوب شكرا جزيلا وربنا مايعطلك عربيه

[islambana]

شكرا للاخ اللي سآل لانه سؤال مهم والاخ اللي جاوب شكرا جزيلا وربنا مايعطلك عربيه

امين يارب

[amrziedan312]

على فكرة أنا مهتم جدا بالسيارة من ناحية مواعيد الصيانة الدورية ولذلك عمري ما أشتكيت من العربية خالص وعمرها ما عملت معايا أي دقت نقص . ومن هذه الحاجات :
تغيير الزيت بزيت نضيف كل 2500 كيلو
تغير طقم الكهرباء والبوجيهات كل 10000 كيلو
تغيير السيور والفلاتر كل 10000 كيلو
تربيط العفشة وشراء أي شيء متهالك كل 15000 كيلو
تنظيف الكربراتير تقريبا مرتين بالسنة
تغيير زيت الفتيس تقريبا كل 25000 كيلو
غسيل الريداتير وتغيير الخراطيم كل دخلة صيف ودخلة شتاء
على فكرة كلها حاجات بسيطة بس عايزة كراسة وقلم وتحافظ عليها بالسيارة وكل شيء بالورقة والقلم عشان ما تتعبش وتزهق من العربية

[wael6]

جزاكم الله خيرا
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[wael6]

السلام عليكم
معايا سيارة 128 مو 77 1100 سي سي مره او اتنين اللى عملت 180 كم فى الصفيحه وبعد كده 125 كم وده داخل المدينه وكمان كنت الاقي العربيه مره بتسحب حلو ومرة مخنوقه وروحت للميكانيكي قالى عيب كاربرتير وهنضفه وان شاء الله هيظبط ولكن برده لسه الحال زى ما هو والعربيه مشت يومين حلو وبعدين مخنوقه فى سحبها وساعات تفصل على السرعه الهادية ما الحل وارجو الافاده علما انى غيرت نوع الزيت من بترومين اكسترا سوبر الى كاسترول

[islambana]

لو الاعراض اللي حضرتك بتقول عليها دي يبقي فعلا كربراتير وهتضطر فعلا تروح لاخصائي كربراتير علشان يوضبهولك ويغيرله البيكات

[Piowood]

فعلا يا جماعة ... احنا بنشتكي دايما من العربية دي ومشاكلها لأن احنا مش بنحط ايدينا فيها اللا لما بتبوظ وتخرب ..

يعني اخر مرة وانا ماشي لاقيت العربية نتشت وبطلت مني وطلع الكاربيراتير عايز ينضف عشان كان واكل تراب كتير ..

[Piowood]

على فكرة أنا مهتم جدا بالسيارة من ناحية مواعيد الصيانة الدورية ولذلك عمري ما أشتكيت من العربية خالص وعمرها ما عملت معايا أي دقت نقص . ومن هذه الحاجات :
تغيير الزيت بزيت نضيف كل 2500 كيلو
تغير طقم الكهرباء والبوجيهات كل 10000 كيلو
تغيير السيور والفلاتر كل 10000 كيلو
تربيط العفشة وشراء أي شيء متهالك كل 15000 كيلو
تنظيف الكربراتير تقريبا مرتين بالسنة
تغيير زيت الفتيس تقريبا كل 25000 كيلو
غسيل الريداتير وتغيير الخراطيم كل دخلة صيف ودخلة شتاء
على فكرة كلها حاجات بسيطة بس عايزة كراسة وقلم وتحافظ عليها بالسيارة وكل شيء بالورقة والقلم عشان ما تتعبش وتزهق من العربية

كلام حضرتك مقنع وممتاز .. انا معايا 28 مو 78 بس مجنناني عشان مش بحط ايدي فيها اللا لما تقول يا كفى ..

[i_Am_Legend]

يا جماعة ال128 مشكلتها ان قطع غيارها مضروبة ...........

لو قطع الغيار دى اصلى العربية هاتعمر معاك زى اى عربية ومش هاتروح للميكانيكى كتيير........

على فكرة انا مش بحب العربية دى خالص قاعدتها وشكلها بينرفزنى.......


علشان كدة انا مابركبش غير 127 وتوب كمان وبالذات ال1050 سى سى ......


اقولكم على معلومة جديدة عارفين ال127 التوب قطع غيارها الجديدة غالية عارفين ليه.......

لان كل القطع اصلية ال127 توب مالهاش قطع غيار مضروبة كلة بيبقى ايطالى والمانى .......

حد فتح كابوت 127 توب وشاف منظر الموتور عامل ازاى .........

حد سمع صوت موتورها ..........

يا جماعة اللى عايز يركب علربية نضيفة وسعرها حلو يركب 127 1050.........

ساعتها هاتعرف انك ركبت عربية وهاتعرف ان ال128 دى بطيخة بالنسبة لها...........

وتحيا فيات........

[i_Am_Legend]

ماحدش يعرف سير الكاتينة الكاوتش بتاع ال127 ال1050

بكام وايه انضف نوع لانى بفكر اغيرة.........

[wael6]

يا جماعة اللى عايز يركب علربية نضيفة وسعرها حلو يركب 127 1050.........

ساعتها هاتعرف انك ركبت عربية وهاتعرف ان ال128 دى بطيخة بالنسبة لها...........

وتحيا فيات........

بطيخهههههههههههه نمس ولا مانيوال
الله يكرمك اى شئ اهون من ذل التكسيات الحمد لله رب العالمين

[abosharbat]

عندى سوال كنت غيرت سرة العجلة الامامية اليمين وبعد ما غيرتها
الفرامل فى العجلة اليمين بقت تصفر ساعات مش على طول
وفى صوت زى صوت صاج بيخبط فى العجلة
وعلى فكرة الميكانيكى قالى ان التيل كويس ومش وحش
مش عارف الحل اية
على فكرة عندى 127

[i_Am_Legend]

عندى سوال كنت غيرت سرة العجلة الامامية اليمين وبعد ما غيرتها

الفرامل فى العجلة اليمين بقت تصفر ساعات مش على طول
وفى صوت زى صوت صاج بيخبط فى العجلة
وعلى فكرة الميكانيكى قالى ان التيل كويس ومش وحش
مش عارف الحل اية
على فكرة عندى 127

لاطبعا اكيد فى حاجة غلط......

ممكن يكون ماركبش السوست بتاعة التيل كوزيس او اللقمة بتاعة التيل.......

روح تانى واتاكد........

الميكانيكى الغبى وانا بركب تيل الفرامل الامامى كان هايركب التيل من غير التيلة اللى بتمنعة من الحركة .......

قولتلة ركبها قالى مش ضرورى ........

قولتلة لا معلش ركبها هاتفرق معايا قالى ياعم ماهو المبس بتاع الفرامل بيقفل عليها ويمنعها من الحركة قلتلة اسمع الكلام لو سمحت وركبها ........

دى اصلا وظيفتها ان التيل مثيخبطش او مايردش من مكانة ........

[wael6]

حد عند فكره مخالفة الانتظار الخاطئ بكام وشكرا

[mememsaid]

من الافضل كمان انك تكشف علي زيت الفتيس كل ما تغير زيت الماتور عشان ممكن الكبالن تنزل زيت