Tweet
عايز رأيكم فى فيات ماريا 2002 و فيات برافا 2002 من حيث قطع الغيار و الثبات ولازم صيانة فى التوكيل ولا لأ و اعادة البيع؟؟؟؟؟؟؟
وهى الأحسن و لا لانوس 2002
وهى الأحسن و لا لانوس 2002
-
-
بص يا باشا
العربيات ديه نزلت بمواتير و كماليات احسن من الألماني و الثبات و الكلام ده اصلا مش المفروض تتقارن و عربيات فعلا يتقال عليها وحش
بس المشكلة ان هنا في مصر هقولك الدايو علشان قطع الغيار و اعادة البيع و الميكانيكية يفهمو فيها اكتر
انما كمقارنة فا مفيش وجه بين الوحوش الأيطالةو ديه و الدايو و الكلام ده طبعاFIATIAN INSIDE... -
طيب ممكن حضرتك او اى حد يدينا معلومات على العربيتين دول اكتر .. لانى بفكر جديا انى اشترى واحده منهم ...[CENTER][B]all- all this, it- it's not me, inside, I am, I am more[/B].
[mtohg=null]http://www6.0zz0.com/2014/11/23/07/616065184.jpg[/mtohg][B]
اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
[/CENTER]Comment
-
هقولكو علي حاجة
ديه نمرة الكيلاني 0225799069
ده بقي شغال في كل الأيطالي و عنده كل قطع غياره
كلموه و اسألو علي قطع الغيار و اعرفوا منو العنوان علشان مش فاكره اويFIATIAN INSIDE...Comment
-
حبيب قلبى والله بتفهم والله ...............بتفهم.........
العربيات دى اساسا تحفة الماريا عامل بالظبط زى الفكترا والله بالظبط.......ويمكن احلى بس انا بحب البرافا اكتر لانى بحب الهاتش باك............عموما اشترى اى واحدة فيهم وهاتعرف انك كسبان كسبان.........فرق شاسع مابينهم ومابين اى عربية تانية
انا عن نفسى اكمل بس تمن البرافا وهارشق فيها ..........وعلى فكرة انا ركبت الاتنين..........
ومش بتلاقى اى حد راكبهم اصلا.........
يا دكاترة جامعة يا مهندسين.......دة الشائع.........My "facebook" Account is "Ahmed Aymn Arbiat"Comment
-
يا باشا الله يخليك والله كلك زوء و انا متابع مواضيعك والله و ردودك يا باشا عجباني جدا و نفسي اتعرف علي حضرتك والله
تحياتيFIATIAN INSIDE...Comment
-
حضرتك ناسى اعاده البيع والصيانه والكلام دة ....المشاركة الأصلية كتبت بواسطة i_am_legend مشاهدة المشاركة
امال الناس مش بتجيب اللينا ليه...مهو عشان خوفا من الوكيل
على فكره العامل الاساسى فى نجاح السياره فى البلد اللى انت فيها هى سهوله صيانتها بالاضافه انك لما تفكر تيجى تبيعها متغلبش وتستنى كتير....لان زى ماحضرتك عارف الناس بتخاف من الفيات والفورد والفولفو والكلام دة
واللى صاحب الموضوع انا ارجح الانوس...عربيه محترمه وسهل التعامل معها وعمليه وهتريحك ودة طبعا مش عشان الانوس افضل من الفيات لا...بس خليك فى اللى نعرفوا زى ما بيقولوم/ احمـد عـزتComment
-
انا قايل فوق ان الدايو افضل علشان اعادة البيع و قطع الغيار ارخص و اوفر زي الفوانيس و فلتر الهواء و الأكصدام مثلا و ديه حاجة معروفةالمشاركة الأصلية كتبت بواسطة ahmed20_08nubira مشاهدة المشاركة
ثانيا الفيات اي ميكانيكي بيفهم يقدر يتعامل معاه كويس مش واحد متعود علي نوع معين و خلاص
تاني حاجة ياريت بس لو حضرتك تدخل علي يوتيوب و تعمل سيرش علي البرافا و الماريا او علي موقع ويكي بيديا برده و تقولي رأيك في الدايو بعد كده علشان هتتقرف منها :) (مع فاءق احترامي طبعا و اختلاف الأزواء)
و انا كاتبلهم كل حاجة فوق و القرار ليهم يعني انا كاتب المميزات و العيوب
تحياتيFIATIAN INSIDE...Comment
-
من برضه قلت لحضرتك الدايو تعبانه ججدا بالنسبه لماركه ايطالى محترمه ليها خبره فى صناعه السيارات الصح.....المشاركة الأصلية كتبت بواسطة semsem_uno مشاهدة المشاركة
النقطه اللى الناس مش فاهماها لحد دلوقتى ان الفيات الجديد غير 128 وال 131 و 132....الموضوع اختلف تماما والعربيات اصبحت مختلفه واسعار قطع الغيار مختلفه يعنى انا معتقدش مثلا ان ميكانيكى يفهم فى اللينيا التربو ولا البرافو الجديده.....
انا واحد كنت هشترى السيينا الجديده (التقفيل الصينى)لما رحت التوكيل ولما نزلت دمشق ولايت حجات غريبه واسعار اغرب...عرفت ليه الناس بتبعد عن الفيات...وعلى فكره معظم قطع غيارها بتاعت بترا....بس اهو بقا
الواحد مش حمل وجع قلب وعدم راحه بال....فبنتجه اللى الدايو والهيونداى والحجات الحلوه بتاعتنا ولعلمك الدايو والهيونداى عربيات ممتازه جدا...والكورى دلوقتى فى ناس بتفضله عن اليابانى....شركه هيونداى ابتدت تكتسح العالم كله...م/ احمـد عـزتComment
-
كلام جميل :)المشاركة الأصلية كتبت بواسطة ahmed20_08nubira مشاهدة المشاركة
بس خد بالك ان فيات فيها امان اكتر من كل العربيات ديه و مواتيرها برده شديدة و جودة احسن طبعا و علي فكرة احنا معانا اكسيل :) و فاهم قصد حضرتك ان الكوري اريح
من الأخر الفيات مظلوم و الناس فاكرة انه لسه فعلا 128 و 127 مع ان حتي الناس ديه لو فاهمة هتقول العكس لأن العربيات ديه لسه شغالة كويس لحد دلوءتي
و انا سعيد اني اتكلمت مع حضرتك جدا و لو عاوز مني اي حاجة انا تحت امركFIATIAN INSIDE...Comment
-
على فكرة يا جماعة فرق اسعار قطع الغيار مش بعيد قوى بردة وحتى لو اغلى حاجة بسيطة اسمى راكب عربية اوروبى محترمة ومميزة جدااااااااااااااااااااااااااااا
وشكلها وجوهرها لايقارن بسعرها .......(الميزة فى بلدنا ان العربيات المحترمة والمميزة بتتباع بسعر زهيد)
شعب غريب بيحب يركب الحاجات التعبانة.....
بدليل كدة شوف الفيكترا.....والفورد...مونديو..... السيات كوردوبا ...والتوليدو....والميتسوبشى جالانت.....والفولفو......والكريسلر نيون الامريكانى....ونسيب كل الصواريخ دى ونركب لانوس وفيرنا وعربيات متجمعة مالهاش اصل.....موتور اوبل على شاسية كريستالة على مش عارف مين....عربيات غرييييييييييبة..........
انا ادفع 45 الف او اكتر فى عربية لانوس او فيرنا ثباتها ضايع بعد ال100 وماشية 4-5-6-سنين........
وكمان ولا فيها امان ولا فيها اى حاجة ليه يعنى..........
ماريا وبرافا وفيكترا وممكن المونديو عربيات زى ما قال الكتاب............
خليك مميز
...................................My "facebook" Account is "Ahmed Aymn Arbiat"Comment
-
ماشاء الله المناقشه جميله جدا ... والله يا جماعه الواحد بيسفيد جدا من المقارنات اللى بتتعمل دى ..
طب يا جماعه مفيش موضوع كده فى المنتدى يوضح مثلا تمن قطع الغيار للبرافا والماريا .. انا شفت قبل كده كذا موضوع معمول منهم ف قسم ا لفيات هنا للبونتو .. لكن مشوفتش خالص للعربيات زى البرافا والماريا ..
وياريت لو حد يقدر يقولى ايه عيوب العربيتين دول .. قصدى يعنى لما اجى اكشف عليهم .. اخلى بالى من ايه غير الحاجات الاساسيه ..
وانا قدامى برافا 1998 .. وماريا 2002 . والاتنين نفس السعر تقريبا .. بس انا شكل البرافا عاجبنى اكتر ...
ياريت رأيكم وان شاء الله خير :)[CENTER][B]all- all this, it- it's not me, inside, I am, I am more[/B].
[mtohg=null]http://www6.0zz0.com/2014/11/23/07/616065184.jpg[/mtohg][B]
اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
[/CENTER]Comment
-
عربية تحفة سواء البرافا او الماريا و بالذات الماريا
بس عندهم مشكلة واحدة , قطع الغيار الخارجية شبة منعدمة كقطع جديدة ( الفوانيس , الصدامات .... الخ )
الحل فى الاستيراد , الحاجة موجودة و اسعارها مش مبالغ فيها
جميع القطع الميكانيكية متوفرة جديدة و بانواع و اسعار مختلفة و فى اصلى اصلى من اللى فى علبة فيات و عليه ختم فيات[SIGPIC][/SIGPIC]
I Got Petrol In My VEINSComment
-
شكرا لردك اللى يطمن يا galilio_mad
طب انا عندى سؤال ... هو القطع الغيار الاستيراد دى بتتشرى منين ؟ يعنى هروح بورسعيد مثلا عشان اجيبها ؟ ولا ايه ؟ و لا ليها محلات مخصوص هنا .. وايه الفرق اما تكون استيراد واما تكون حاجه تانى ؟
وقطع الغيار الميكانيكية متوفره بره التوكيل بشكل حلو ؟ وهل اى ميكانيكى شاطر يقدر يظبط ا لعربيه ولا لازم هروح بيها التوكيل وكده .. والمحلات بتاعت قطع الغيار الميكانيكية الاقيها فين ؟ ونفس الكلام لقطع الغيار الاستيراد
ياريت الكلام يكون اكتر على البرافا لانى بحب شكل العربيه دى جدا وان شاء الله ممكن يكون فى نصيب ..
ولو العربيه دى فيها اى عيب شائع ياريت حد يقول عشان اخد بالى منه ...
وهيه باور كامل ولا هاف باور ؟
والمفروض سعرها يكون فى حدود كام ل موديل 1998 ماشيه مثلا 150 الف كيلو وفابريكه داوخل بالكامل فول اوبشن وموتور 1600 سى سى
وشكرا جزيلا ...[CENTER][B]all- all this, it- it's not me, inside, I am, I am more[/B].
[mtohg=null]http://www6.0zz0.com/2014/11/23/07/616065184.jpg[/mtohg][B]
اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
[/CENTER]Comment
-
بورسعيد الاصل و الافضل بلا منافس
فى القاهرة حيبقى قدامك كذا سكة , الحرفيين , الكيلانى و يوسف بيجيبوا استيراد بالطلب
قطع الغيار الاستيراد ( قطع غيار استعمال الخارج ) بتبقى قطع من عربيات متقطعة بره و بتيجى تتباع هنا
العربيات هناك بتترمى وهى عاملة 40,50,60,70 الف , نادر قوى لما تلاقى عربية عادية عاملة الارقام الغريبة اللى بنشوفها هنا
فبالتالى الحالة العامة للعربية بتبقى ممتازة و فى قطع بتيجى كانها جديدة
و كمان الحاجة الاستيراد بتبقى اصلى بمعنى انها قطعة اصلية من بتاعة المصنع و دى مش حتلاقى زيها حتى لو اشتريتها اصلى[SIGPIC][/SIGPIC]
I Got Petrol In My VEINSComment
Comment