اي حد عنده جراند بونتو ارجو المساعده!

[safeeagent]

السلام عليكم ورحمة الله وبركاته
انا بقالي فتره بدور على أي معلومات عن الجراند بونتو اوتوماتيك ومش لاقي حد عنده العربيه
من اول ما شفت العربيه دي وانا معجب بيها بس المشكلة ان انا معرفش قطع الغيار بتاعتها متوفره ولا لأ واسعارها عامله ايه والتوكيل كويس ولا لأ وهل قطع الغيار بتبقى عنده ولا بيتأخر فيها ويا ريت اسعار بعض القطع زي القطع الاستهلاكية و الفوانيس والازاز..........
وهل العربيه فيها اي مشاكل في الكهربا او الموتور او الجير......
وجزاكم الله كل خير

[safeeagent]

ايه يا جماعة محدش عبرني !

[aymoz]

أنا كان نفسي اجيبها بس لغيت الفكرة لانها مش موجودة دلوقتي زيرو خالص ومش معروف هتنزل امتى تاني

[safeeagent]

العربية موجوده يا باشا في اوماترا عادي خالص

[Ahmad Shawky]

العربيه ممتازه انا عندى واحده ولسه جيبها من 3 اشهر تقريبا
تحفه فنيا فعلا
ولو ليك اى سؤال اسالنى فيها
ولو على الشراء فى ناس بتبعها كسر الزيرو حاول تشوف الناس دى ولون العربيه دى خسارة تتباع

[safeeagent]

اخيراً لقيت حد عنده العربية الحمدلله
يا ريت بقى تقولي على أي حاجة مش عاجباك في العربية او التوكيل ويا ريت لو تعرف اسعار قطع الغيار عاملة ازاي واستهلاك البنزين عامل ايه؟ وبتستلم فوري ولا بتتأخر
بالنسبة للعربية المعروضه ربنا يوفقه بس انا عايز كاتيجوري 2 بمثبت السرعة وعايز لون اسود
ويا ريت لو عندك معلومات عن البونتو ايفو هتنزل بدل الجراند بونتو في 2010 ولا هتفضل بشكلها (في نظري الجراند احلى مليون مرة) ومعلش تعبتك معايا

[safeeagent]

ايه يا جماعة انتو رحتو فين؟؟؟؟

[Ahmad Shawky]

اولا مثبت السرعه الى فيها مش حلو بكلام ناس كتير يعنى هتدفع فلوز زياده 10 الف جنهيه على حجات هبله وده الى خلانى اجيب كاتيجورى 1
وسحبها كويس وبنزينها فى الضياااااع ضعيف جدا
ااما بانلسبه للتسليم فكلو بيدور على كسر الزيرو دلؤاتى علشان ارخص واستلام فورى
لكن التوكيل قدامك شهرين بعد متدفع علاشن تستلم



وشكرا

[abohalmos]

اولا مثبت السرعه الى فيها مش حلو بكلام ناس كتير يعنى هتدفع فلوز زياده 10 الف جنهيه على حجات هبله وده الى خلانى اجيب كاتيجورى 1
وسحبها كويس وبنزينها فى الضياااااع ضعيف جدا
ااما بانلسبه للتسليم فكلو بيدور على كسر الزيرو دلؤاتى علشان ارخص واستلام فورى
لكن التوكيل قدامك شهرين بعد متدفع علاشن تستلم



وشكرا

ممكن حضرتك توضح يعنى ايه بنزينها فى الضياع و ضعيف جدا

يعنى قصدك انه بتستهلك قليل و لا ايه ؟؟؟؟؟؟

[safeeagent]

اولا مثبت السرعه الى فيها مش حلو بكلام ناس كتير يعنى هتدفع فلوز زياده 10 الف جنهيه على حجات هبله وده الى خلانى اجيب كاتيجورى 1
وسحبها كويس وبنزينها فى الضياااااع ضعيف جدا
ااما بانلسبه للتسليم فكلو بيدور على كسر الزيرو دلؤاتى علشان ارخص واستلام فورى
لكن التوكيل قدامك شهرين بعد متدفع علاشن تستلم

وشكرا

مش عارف اشكرك ازاي على ردك بس ممكن توضحلي ازاي مثبت السرعة مش حلو؟
يعني مش بيقوم بعمله؟
ويعني ايه بنزينها ضعيف؟
سمعت عن شيرين كار وانهم بيسلمو فوري وبضمان الوكيل تنصحني بيه ولا لأ
وبالنسبة لكسر الزيرو فهو قليل جداً لان العربية نادرة وانا عايز لون اسود ومش هينفع اجيب عربية لونها مش عاجبني ،هبقى مش مستريحلها

وبشكرك مرة تانية على مساعدتك وجزاك الله خيراً

[safeeagent]

كان عندي سؤال كمان هي فيها esp ولا لأ؟؟

[loodaa]

لأ طبعا هي مش البرافو يعني هو فيها abs+ebd فقط