يا جماعة هو في كتالوج صيانة للشاهين؟؟؟!!!

[HRH_Sameh]

هو في كتالوج صيانة للشاهين؟؟؟
سؤال غريب بس نفسي اعرف له اجابة
العربية كانت جاية معاها كتيب صغير كده مكتوب فيه كلمتين والسلام !!
لو فيه كتالوج كويس ومفيد وحد جابهولنا يبقى باشا ويستاهل السلامة

ملحوظة: موديل 2004 لو هايفرق !!! :twisted:

شكرا مقدما للي هايرد :D

[فادى]

الأمر لا يحتاج لكتالوج يا عزيزى فمواعيد الصيانة واحدة لكل السيارات تقريبا.
عموما سيارتى شاهين 1600 مو 2006 و معها كتالوج صيانة مفصل.
و سوف أخبرك بمواعيد الصيانة للشاهين و لأى سيارة أخرى
- اكشف على مستوى الزيت و المياه كل أسبوع و زدهما ان تطلب الأمر.
- تغيير الزيت فى مواعيدة حسب نوعه و يفضل الزيت السوبر مع تغيير الفلتر كل تغييرين للزيت.
- كل 10 ألاف :
- الكشف على زيت الفتيس و الكرونة.
- تربيط العفشة.
- تغيير شمعات الاحتراق.
- الكشف على الرشاشات.
- الكشف على زيت الباور(ان وجد) و الفرامل.
- الكشف على سير الدينامو و تغييره ان لزم أو اعادة شده.
- الكشف على الزوايا و اعادة ضبطها ان لزم.
- الكشف على الاطارات.

كل 20 ألف :
- تغيير فلتر الهواء.
- تغيير فلتر البنزين (فى حالة الشاهين الكربراتير)

كل 30 ألف :
- تغيير فلتر البنزين.(فى حالة الشاهين الانجيزكشن).
- تغيير زيت الفتيس و زيت الكرونة.

كل 40 ألف :
- تغيير سير الكاتينة (مهم جدا)

و لاحظ انه يمكن اهمال معظم عمليات الصيانة و اجرائها عند الحاجة فقط ماعدا سير الكاتينة و الفلاتر(الزيت و الهواء و البنزين).

[HRH_Sameh]

شكرا يا فادي
وكان عشمي يكون ليها كتالوج محترم!!!!