إعـــــــلان

Collapse

.

,
See more
See less

عملت صيانة لعفشة التمبرا

Collapse
X
 
  • Filter
  • الوقت
  • Show
Clear All
new posts

  • عملت صيانة لعفشة التمبرا

    من فترة كان عندي شوية اصوات في العفشة سيئة جدا
    بس اكتر حاجة كان في صوت طقة في العفشة من الناحية الشمال صوت جامدة جدا ورحت لكذا واحد ويفك ويركب ويقولي مافيش حاجة
    المهم اخر حاجة روحت للميكانيكي بتاعي اعد يفك لغاية لما توصل ان في بوش في المكان اللي في الدشمة الشمال اللي بيركب فيها المقص
    المهم روحت عزبة شلبي جبت جانبين دشمتين بالطنابير وجهاز الفرامل بالمقصات
    المهم المقصات كانت علي حظي جديدة نوفي ونوعهم اوكاب
    وجبت جوز كابالن جداد
    والراجل فك العافشة وفك المساعدين وغسل بلي المساعدين ودة كان بيعمل صوت لما بحود الدركسيون وشحمهم وكانت المساعدين كويسين وركبهم وركبنا الكبالن وغيرت كاوتش الزيت بتاع الفتيس
    من الحظ الكويس برضو ان الطنابير جديدة والتيل اللي راكب فيهم كان جديد
    ملحوظة انا كانت مقصاتي مقاس 13 والطنابير 13
    لما جبت الجانبين جبتهم بالمقصات مقاس 17 زي التمبرا اللي موجودة لان مقاس 13 دة كان بينزل في موديلات التمبرا القديمة والتيبو
    والطنابير مقاس 14
    وجبت بجملة الصيانة 2 خرطوم فرامل امامي
    ورجلشت الفرامل الخلفية
    وظبط زوايا
    والعربية بعد كدة بقت حاجة تانية خالص
    الاصوات اختفت تماما والدركسيون بقي خفيف والعربية حسيت انها مسكت نفسها وبقت زي الفل
    ماشاء الله ولا حول ولا قوة الابالله
    والقصة دي اتكلفت حوالي 600 جم
    بس والله حسيت بكل جنية بعد ماركبت العربية
    ارجو اني اكون افادتكم بقصتي مع العافشة
    ملحوظة تانية وانا عند الراجل في عزبة شلبي جبت ثرموستات كوعه فكهولي من موتور
    لان العربية عندي كانت بتاخد وقت علشان تسخن فعرفت ان الكوعة بيبقي جوااها كاوتش بيكو اتاكل وبيفوت المية لما ركبتة العربية بقت تسخن بسرعة وانا ماشي بتبقي الحرارة ثابتة عند 82 درجة ولما الحرارة تزيد الثرموثتات بيفتح ويعدي المية ولقيت حاجة تانية حصلت في العربية ان معدل استهلاك البنزين قل والميكانيكي قالي بسبب الكوعة لانهابتثبت الحرارة عند افضل نقطة للمحرك لاحسن اداء مع درجة الحرارة وان مش فتاكة انك تنزل درجة حرارة العربية عن الدرجة اللي مفروض تشتغل عندها ( علي فكرة الكوعة اللي موجودة في مصر جديدة بدون ثرموستات )
    وانا تحت امركم في اي سؤال
    ما اعظم ان تكون غائبا حاضرا علي ان تكون حاضرا غائبا

  • #2
    مبروووووك وربنا يباركلك فيها
    [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

    Comment


    • #3
      ما شاء الله
      لكن هو كل قطع الغيار المتاحة ااسيارة استيراد ولا الجديد متوفر؟
      [SIZE="6"][COLOR="Green"][SIZE="3"][I]سبحانك اللهم و بحمدك ؛ أشهد ألا اله إلا أنت ؛ أستغفرك و أتوب اليك[/I][/SIZE][/COLOR][/SIZE]
      [COLOR="Teal"] [COLOR="Indigo"][/COLOR] [/COLOR]

      Comment


      • #4
        المشاركة الأصلية كتبت بواسطة mezo73 مشاهدة المشاركة
        ( علي فكرة الكوعة اللي موجودة في مصر جديدة بدون ثرموستات )

        الاتنين موجودين , كوعة بس او كوعة بالثرموستات

        و الف مبروك على الشغل و ربنا يباركلك فيها ان شاء الله
        [SIGPIC][/SIGPIC]
        I Got Petrol In My VEINS

        Comment


        • #5
          [QUOTE=Qamar;3872028097]ما شاء الله
          لكن هو كل قطع الغيار المتاحة ااسيارة استيراد ولا الجديد متوفر؟[/QUOTE
          الاتنين موجودين
          بس هي الظروف جت كدة علشان كنت عاوز اغير الدشم ودي مافيش منها جديد
          ولا في العربيات الجديدة
          يعتي احد اصدقائي معاه لانسر بومة طلع علي الرصيف الدشمة اتعوجت سأل في التوكيل مالقاهاش جبناها استيراد
          ما اعظم ان تكون غائبا حاضرا علي ان تكون حاضرا غائبا

          Comment


          • #6
            معلش من باب الفضول , ممكن اعرف الجنبين بكام ؟؟؟
            اصل انا عملت القصة دى قبل كده عشان Upgrade الفرامل و ما اتكلفتش كده خالص

            انا كنت جايب جنبين كاملين ( مقصات و مساعدين و سوست و كبالن بالاكسات و دوشم و كاليبرات و تيل و طنابير حالتهم 85% )
            و كل ده كان ب 500ج و ما ركبتش الكبالن و رجعتهم و اخدت 100ج
            [SIGPIC][/SIGPIC]
            I Got Petrol In My VEINS

            Comment


            • #7
              يا جاليليو باشا
              الجنبين بدون المساعدين والكبالن + الكوعة بحوالي 350
              ومتنساش اني جبت جوز كبالن جداد وفي مصنعية تركيب واشتريت خراطيم فرامل وزيت وشوية تناتيش كدة
              ومتنساش الجنبين تقريبا جداد لانج بدون مبالغة
              ما اعظم ان تكون غائبا حاضرا علي ان تكون حاضرا غائبا

              Comment


              • #8
                مبروك على التظبيطات يا باشا هو الميكانيكي بتاعك فين

                Comment


                • #9
                  مبروك على التظبيطات يا باشا هو الميكانيكي بتاعك فين
                  اه يا ريس ياريت تقولنا فين الميكانيكي بتاعك

                  اصل انا غيرت مقصين و كبلنين بس جبتهم جداد المقصات عملت 450 و الكبالن عملوا 200 و ركبتهم بـ 150

                  شكلي كده اتعمل عليا مصلحة حلوة
                  [CENTER][B][glow1=#2922f0] (( رحمة الله عليك يا صبحي )) [/glow1][/B][mtohg=#ffffff]http://bit.ly/ZXIsoG[/mtohg]
                  جروب الكريستاله عالفيسبوك http://on.fb.me/1jsS9Z2
                  [/CENTER]

                  Comment


                  • #10
                    ياجماعة انا ساكن في اخر الدنيا والميكانيكي بتاعي جانبي
                    انا ساكن في مدينة ضباط الهايكستب بين العبور والشروق علي طريق الاسماعيلية
                    والميكانيكي فاتح عندنا في المدينة واعتقد انة صعب ان حد يجيلة من برة
                    انا كان نفسي اخدم
                    ما اعظم ان تكون غائبا حاضرا علي ان تكون حاضرا غائبا

                    Comment


                    • #11
                      المشاركة الأصلية كتبت بواسطة mezo73 مشاهدة المشاركة
                      يا جاليليو باشا
                      الجنبين بدون المساعدين والكبالن + الكوعة بحوالي 350
                      ومتنساش اني جبت جوز كبالن جداد وفي مصنعية تركيب واشتريت خراطيم فرامل وزيت وشوية تناتيش كدة
                      ومتنساش الجنبين تقريبا جداد لانج بدون مبالغة
                      معلش اصل انا واخد على اسعار بورسعيد :)
                      [SIGPIC][/SIGPIC]
                      I Got Petrol In My VEINS

                      Comment

                      Working...
                      X