Tweet
الاخوة المشرفين واهل الخبرة اريد تحليل دقيق للسيارة ريتمو مالها وماعليها وسوقها اخباره ايه؟
لأن لى صديق مقبل على شراء واحدة ومش عارف افيده.
لأن لى صديق مقبل على شراء واحدة ومش عارف افيده.
-
-
هي نفسها ال 128 مع فرق الشكل
تقدر تقول إنها 128 هاتش باك
لكن طبعا الريتمو لم تجمع في مصر
وفي النهاية لابد من التأكد من الحالة الجيدة لأنها لو مش نضيفة هتفضل فاتحة بقها على طول
وأنا عن نفسي أفضل ال 128 الحديثة نسبياً بعد 1995 عن الرتمو[I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
[/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE] -
ياباشا الريتمو حاجة وال 128 حاجة تانية خالصصصصصص واضح ان حضرتك متعرفش عنها معلومات خالص الريتمو اقرب للريجاتا فى قطع الغيار الميكانيكية وبعض قطع الفتيس والكبالن ومجموعة الدبرياج وبعض اجزاء الموتور :shock: الريتمو موتورها احسن من 128 بمراحل واسألنى انا معايا ريتمو وركبت 128 بالهبل الريتمو العزم ماشاء الله العزم والطلعة فظاع والتجميع كويس يمكن علشان العربية خفيفة اوى وزنها بموتور 2000 سى سى كان 850 كيلو يعنى بموتورها الحالى ال 1300 سى سى اقل من كدا العربية عيبها الوحيد ضعف البودى بالنسبة للموتور ذو العزم القوى علشان كدا بتفتح شاسية بسهولة جداااا ونادر متلقيهاش فاتحة شاسية علشان كدا اما تجيبها بص ع الحتة اللى تحت صاجة البطارية دايما بتكون مشروخة او فاتحة
التقييم النهائى ::
المميزات:
1- الموتور جامدا جداااااا وهتشد مع عربيات متتخيلش انك تشد معاها :shock:
2- التجميع سلس جدا جدا بعكس ال 128
3 -العربية ناعمة عكس ال 128 تحس انها فى نعومة ال 127
4 - لو حافظت عليها مش هتفتح بقها خالص على عكس ماقال الاخ احمد
5 - توفير فظيع فى استهلاك البنزين اقسم بالله كانت العربية مش مظبوطة وبعمل بيها 230-240 فى الصفيحة
6 - شبابية جدا جدا وسهل تظبيطها وبيبان عليها التظبيط ومش منتشرة عكس ال 128 فية ناس يشوفوها يقولولى اية دية :roll:
العيوب :
1- العربية مش ثابتة ع الارض فى الغرز وفى السرعات العالية بعد 130 لكن لو محملها بتبقى كويسة او لو هتجرى جنطها احسن
2 - صاج العربية خفيف نسبيا مقارنة بال 128 الصاج اقرب لل 127 بس والله مستحمل معايا بلاوى
3 - العربية لو بالرادياتير الاصلى بتسخن شوية انا ريحت دماغى وغيرت رادياتير عملت واحد عمولة والله مابتعديش 70-80 بالليل او بالكتير اووووووووى مبتجبش ال 90 لو الصبح وفى الحر والمؤشر بيبقى ع النص يعنى مظبوطة
4 - العربية لو هتلعب بيها وهتتعافى عليها ممكن تفتح شاسية علشان كدا لو هتلعب بيها حطلها مداد يمسك اخر المساعدين الاتنين من فوق بيسموها strut
اخيرا وليس اخرا العربية والله ماشاء الله حلوة ومش علشان معايا والله واحسن بكتير من ال 128 كشكل واداء وتوفير بنزين ورخص قطع الغيار وتوافرها :lol:[COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
[/SIZE][/URL][/B][/COLOR]Comment
-
ليه هو الأخ أحمد قال إيه ؟ ؟ ؟ ؟ ؟ ؟ ؟ ؟ ؟المشاركة الأصلية كتبت بواسطة sameh.acc
مش المفروض ده كلامه ؟ ؟ ؟ ؟إزاي الكلام ده عكس كلامكالمشاركة الأصلية كتبت بواسطة ahmed1981
إنت بتقول يحافظ عليها وأنا بقول تكون نضيفة (نفس الكلام)
يبقى إزاي كلامك عكس كلامي
وعلى فكرة أنا ركبت ال 128 وركبت الريتمو وشايف إن ال 128 ال 1300 تحديدا أفضل من الريتمو
هذه وجهة نظري التي لا ينازعني فيها أحد مع إحترامي لكل وجهات النظر الأخرى
وطبعاً وجهة نظر حضرتك يا أستاذ sameh.acc مهمه برضه والقرار في النهاية لصاحب الإستفسار
قد تكون زعلت لأن عربيتك ريتمو وأنت مبسوط منها عشان كده بتقول:بلاش نتهم بعض لمجرد الإختلاف في الرأيالمشاركة الأصلية كتبت بواسطة sameh.acc
رأيك إن الريتمو أفضل ورأيي إن ال 128 ال 1300 أفضل (إيه المشكلة مش لازم كل الناس تمشي برأي واحد واللي يخالفه يبقى ميعرفش حاجة ولولا إختلاف الأذواق لبارت السلع)
والنهاية هي إفادة السائل مني ومنك ومن غيرنا
والخلاف لا يفسد للود قضية مع كامل إحترامي لرأي حضرتك[I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
[/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]Comment
-
ياباشا كلام حضرتك صح انا كنت بعلق بس على "هي نفسها ال 128 مع فرق الشكل
تقدر تقول إنها 128 هاتش باك " وموضوع الرأى ان الريتمو افضل او ال 128 افضل دية أراء بس والله انا مش بقول كدا علشان عربيتى بالعكس انا خلاص هبيعها علشان ناوى اجيب حاجة جديدة ..واى عربية لو محافظتش عليها بتبفتح بقها بسرعة واختلاف الرأى لايفسد للود قضية ,,, وأكيد الهدف النهائى افادة السائل وياباشا ربنا ميجيبش زعل ابدا ,,,[COLOR=Navy][B][URL="http://www.youtube.com/watch?v=E17EQGDUshc"][SIZE=4]رســـالـه لكل الناس اللى بتشد وبتحب تعمل غــرز
[/SIZE][/URL][/B][/COLOR]Comment
-
ربنا يبارك فيك
وشكرا جزيلا لك[I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
[/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]Comment
-
بعد كلام الاخوه الكرام ما اقدرش اقول حاجه.شوف انت حترتاح لمين اكتر و شرط الحاله الممتااااااااااازه
بس علي فكره العربيه في منها مصري تجميع الشركه العربيه AAV
و كانت برضه محترمه و متهيالي فيه منها نصر بس مش متاكد اوي.Comment
-
بصوا يا جماعة انا شايف إن إختلاف الأعضاء مصلحة لأي سائل
يعني لما عضو بيسأل علي عربيتين في ناس تذكر مميزات عربية و ناس تذكر مميزات العربية التانية و بالمثل للعيوب
فبالتالي السائل بيلم كل وجهات النظر و ياخد قراره
و لازم نحترم عقلية السائل إن عنده القدرة علي معرفة الصواب و الخطأ من بين الأراء المذكورةComment
-
شكراا للجميعComment
Comment