رابطة ملاك الفيات باليوو

[ahmadmidop]

ولا يهمك ياباشا ...اولا حضرتك انا سمعت انها اتوقف استيرادها سنة 2008 وسمعت بردو ان في شكل جديد هينزل ... بس بكره ان شاء هطلب التوكيل واتأكد لحضرتك .. بالنسبة للعربية مش وحشة وكان في منها 1000 سي سي وكان في 1500 سي سي .. الاختلاف في الشكل بسيط انا معايا الي هيا 1000 موديل 2006 بصراحة هيا عربية مش وحشة والحمد لله شغالة كويس مين يوم ماجبتها يعني هيا عربية محترمة بالنسبة للفئة بتاعتها يعني هيا احسن من البيكانتو واوسع واحسن من الاسبارك واوسع واحسن منi10 ..
بس يعبها حاجة واحدة ان قطع غيارها مش منتشرة اوي في القاهرة بس يعني لو حضرتك في القاهرة في محلات قطع غيار كتير للفيات .. والتوكيل اسعاره زي باقي التوكيلات .... هوا دا عبها الوحيد
واي استفسار انا تحت امرك

[ya_broker]

ياريت لو تقولنا معلومات اكتر عنهر
ال1000 سي سي كام حصان
ال1500 سي سي كام حصان
ايه الكماليات الموجوده فيها
التسارع بتاعها
و شكرا

[ahmadmidop]

للاسف العربية دي مفيش ناس كتير يعرفوها في منها 1000 سي سي و في منها 1300 سي سي و همه شكلين مختلفين عن بعض تماما و هيه مزودة بمحرك سعة 1.2 ليتر

- باليو فول اوبشن مزوده 1-بتكييف 2-سنتر 3- كمبيوتر صغير بيستخدم في حجات صغيره يعني مثلا فيه مقياس الرحلات لما تخليه صفر قبل ما تبدا تطلع اي رحله و في منتصف الرحله مثلا تشوف بقى عدد الكيلوات الي انت مشيتها و معدل البنزين الي فاضل و معدل البنزين ده يكفي لكام كيلو كمان و معدل السرعه و معدل حرق البنزين ديه وظائف الكمبيوتر الصغير 4- فيها اربع سماعات و مش مزوده بكاست لو عايز كاست اطلبه لوحده ده ب1000 جنيه 5- زجاج كهرباء للعربيه المانويل الزجاج الكهرباء الاتنين الي قدام بس يعني 2 زجاج كهرباء بس

-اما عن سعرها فا ال1300 سي سي ب 68000 جنيه و ال1000 سي سي ب 59000 جنيه

الاوبشن ده بالنسبة للفئتين .... بصراحة انا معرفش كتير عن 1500 بس انا هتكلم عن 1000 اللي معايا وهيا 62 حصان ...انا جبتها موديل 2006 ب 60000 جندي
الكماليات :
-تكييف- سنتر -زجاج كهرباء الاتنين الي قدام بس- باور -2 ايرباج-abs-اربع سماعات اتنين في الباب اللي قدام واتنين على الرف الخلفي - فتح الشنطة والتانك من الداخل....
التقييم:
الحمد لله انا من يوم ما جبتها وانا متابع مع التوكيل ومفيش مشاكل المشكلة الوحيدة الي حصلت عطل موتور طرمبة البنزين وغيرتة بره.
العربية بصفة عامة كويسة ومش وحشة بالنسبة لسعرها عندي احسن من البيكانتو بكتييير واحسن من السبارك .. العفشة تحس انها ناشفة شوية بس ده بيدي ثبات كويس للعربية التابلوه ممكن تحس انه بسيط (اذواق) بس بليل بيبقى تحفة الاضاءة البرتقالي بتعمل شغل برده.. بالنسبة للموتور مناسب جدا لحجم العربية يعني مثلا 128 الجديدة 1300 سي سي بس نفس عدد الاحصنة .... صوت الموتور اول لما تدور عالي شوية بس لما تسخن الصوت بيبقى طبيعي ... وعزل الصوت كويس مش وحش برده.... ......اعلى سرعة انا جبتها 140 وكانت العربية ثابتة بس ماحولتش ازود العمر مش بعزئة لان بتهيئلي لو زوت عن كده العربية هتبقى خفيفة الواحد ماينساش نفسة برده العربية هاتشباك و1000س سي للعلم العداد 200 كيلو...........".
لو في اي استفسارات تانية او طلبات انا في الخدمة