خاص اسعار قطع غيار اللينيا الأصلية خارج التوكيل

[bahaahssn]

سلام عليكم النهاردة جيبلكم اسعار قطع غيار اللينيا الأصلية خارج التوكيل (عند الكيلانى)
مع التأكيد على ان اسعار الكيلانى اغلى من اسعار باقى المحلات فى الحرفيين


1- تيل فرامل امامى ايطالى اصلى 400
2- تيل فرامل امامى اسبانى 190
3- مراية كاملة 450 تايوانى عالية بجودة الأصلية مع تأكيده على ذلك
4- طقم طنابير امامية اصلية ايطالى 400
5- المقص الأمامى ايطالى اصلى 440
6- الفانوس الأمامى الأصلى 1100 (أغلى من التوكيل )
7- الأكصدام الأمامى الأصلى الأيطالى مفاجأة 1700 فقط
مع التأكيد على توافر جميع قطع الغيار الأصلية للفيات لينيا

[fouady]

تنبيه بمخالفة القاعدة رقم 6 بند ب
ممنوع الكتابة بالفرانكو

الرجاء مراجعة قوانين المنتدى
___________________
مشرف الأوروبى 1

[Ahmed R08]

مجهود راااااااااااااااااااااائع

العربيه دى بجد مش عارف ناقصها ايه تانى.......

[Moe86]

غريبة فعلا ان الفانوس الأمامى الأصلى أغلى من التوكيل !

[Ghost2]

تسلم ايديك يا بهاء .. مش عارف اقولك ايه . المفروض اوماترا تخليك مدير الدعايا للعربية دي .. مشكور جدا يا اخي بهاء

[bahaahssn]

عادى و الله ياحمد بس انا حاسس ان الموضوع تحدى
لأن المصنع الكورى بيستهيين بينا الى اقصى حد و معندوش معيار الأمان موجود اصلان فبيبعتلنا عربيات
امانها لا يصلح للبنى ادميين الألنترا و سيرااتو و كل الكلام ده
اليابانى و الأوربى الأمان عندهم اجبارى مش اختيارى
يعنى مينفعش منصور يروح لأوبل و يقولهم هاتو استرا او فكترا من غير اير باجز و ايه بى اس
لكن ينفع يقول لشيفورليه الفرع الكورى هاتى كل اللى عندك من غيرهم
سيراتو ايه ولا الانترات ايه اللى ادفع فيها 110 ولا 120 الف و ميكونش فيها ايه بى اس و اير باجز
ده حتى يبقى حرام ربنا بيقول اعقلها و توكل
لو العربية هتحمينى بنسبة 1 % ازيد و ارخص كمااان و اقوى كمان يبقى حياتى اهم لأن ربنا هيحاسبنى عنها و هل اهتميت بيها ولا لأ
فما باللك عربية هتحميك بنسبة 200% اكتر و ضمانها غير محدد الكيلو متر
و اذا حد مش مقتنع بالكلام ده يدور فى منتدانا الحبيب كام واحد من اصدقائنا هنا عملوا حوادث مميتة و ربنا كان مخلى الأيه بى اس و الأير باجز سبب فى نجاتهم
حاجة من اتنين يا الكوريين يحترمونا زى اليابانيين و الأوربيين و يخلوا الكلام ده اجبارى
يا بلاش منوو يا راجل دى السيريون وان و الألتو فيهم امان اكتر من الألنترا و السيراتو حاجة تكسف
معلش انا طولت عليكم بس الواحد مخنوق من عدم احترام الأخريين لينا و أخص بالذكر مستر بريزدنت غبور و امثاله و التجار اللى بيتاجرو بحياتنا و ملناش قيمة عندهم

[SeiffoZ]

العربية ناقصها شوية دعايا , و الأوتوماتيك ينزل مصر منها!

[HOSAMSAMSOON]

شكرا

[frame="9 10"]
مشكور مجهودك
بس كان الافضل تحطة فى موضوعك مع اسعار التوكيل علشان يكون موضوع واحد فية كل الاسعار
ولا انتا عايز الموضوع دة يتثبت كمان
بالشكل دة المنتدى حيحط اسمك بدل اسم مو اضيع مثبتة
[/frame]

[bahaahssn]

معلش يا عم حسام بس انا معرفش ازاى احط الموضوع فى نفس الصفحة مش فى صفحة تانية او ازاى اعدل اللى كاتبو فعملت موضوع جديد فى نقطة مهمة عايز اقول عليها قطع الغيار بتاعت الصيانة زى الفلاتر فى منها انواع لكبار المصنعين فى العالم و رخيصة جدا كمان تيل الفرامل موجود منو انواع ريمسا اسبانى و فيدرال ميجل و مبيعدوش ال 190 ج و فى الحرفيين فى حدود 150-175
اما الفلاتر الهوا و الزيت فأسعارهم زى اى عربية رخيصة 40-50ج

[HOSAMSAMSOON]

حل من اتنين

معلش يا عم حسام بس انا معرفش ازاى احط الموضوع فى نفس الصفحة مش فى صفحة تانية او ازاى اعدل اللى كاتبو فعملت موضوع جديد فى نقطة مهمة عايز اقول عليها قطع الغيار بتاعت الصيانة زى الفلاتر فى منها انواع لكبار المصنعين فى العالم و رخيصة جدا كمان تيل الفرامل موجود منو انواع ريمسا اسبانى و فيدرال ميجل و مبيعدوش ال 190 ج و فى الحرفيين فى حدود 150-175
اما الفلاتر الهوا و الزيت فأسعارهم زى اى عربية رخيصة 40-50ج

[frame="9 10"]
والله يا عم انا معجب بيك و بمعلوماتك
بس الموضوع سهل
قدامك حل من اتنين
1- تحط لنك للموضوع الجديد كنوع من المشاركة فى الموضوع القديم مع اعادة كتابة الاسعار خارج التوكيل
2- تعيد كتابة الاسعار من تانى فى الموضوع القديم كتعليق او رد او مشاركة و تطلب من الادارة اضافتة كتانى تعليق ليك فى الموضوع القديم
هى كل الفكرة علشان معلوماتك القيمة تكون متجمعة فى موضوع و احد ويكون وافى و كامل غير مجذء
بالتوفيق
[/frame]

[bahaahssn]

الله ينور عليك يا عم حسام منكم نستفيد يا ريس بس قوللى ايه رأيك فى اللون الزهرى بتاع اللينيا

[semsem_uno]

والله يا باشا انتا عاجبني جدا
و والله شبه الكلام ده بحطو فعين اي حد يقولي كوري او ياباني و علي فكرة امان الياباني برده ولا حاجة مع الأيطالي عامتا اءمن سياراات
ده غير الجودة بتاعت الخامات و حاجات كتير اوي يا جماعة والله

[M.Mosaad]

عادى و الله ياحمد بس انا حاسس ان الموضوع تحدى
لأن المصنع الكورى بيستهيين بينا الى اقصى حد و معندوش معيار الأمان موجود اصلان فبيبعتلنا عربيات
امانها لا يصلح للبنى ادميين الألنترا و سيرااتو و كل الكلام ده
اليابانى و الأوربى الأمان عندهم اجبارى مش اختيارى
يعنى مينفعش منصور يروح لأوبل و يقولهم هاتو استرا او فكترا من غير اير باجز و ايه بى اس
لكن ينفع يقول لشيفورليه الفرع الكورى هاتى كل اللى عندك من غيرهم
سيراتو ايه ولا الانترات ايه اللى ادفع فيها 110 ولا 120 الف و ميكونش فيها ايه بى اس و اير باجز
ده حتى يبقى حرام ربنا بيقول اعقلها و توكل
لو العربية هتحمينى بنسبة 1 % ازيد و ارخص كمااان و اقوى كمان يبقى حياتى اهم لأن ربنا هيحاسبنى عنها و هل اهتميت بيها ولا لأ
فما باللك عربية هتحميك بنسبة 200% اكتر و ضمانها غير محدد الكيلو متر
و اذا حد مش مقتنع بالكلام ده يدور فى منتدانا الحبيب كام واحد من اصدقائنا هنا عملوا حوادث مميتة و ربنا كان مخلى الأيه بى اس و الأير باجز سبب فى نجاتهم
حاجة من اتنين يا الكوريين يحترمونا زى اليابانيين و الأوربيين و يخلوا الكلام ده اجبارى
يا بلاش منوو يا راجل دى السيريون وان و الألتو فيهم امان اكتر من الألنترا و السيراتو حاجة تكسف
معلش انا طولت عليكم بس الواحد مخنوق من عدم احترام الأخريين لينا و أخص بالذكر مستر بريزدنت غبور و امثاله و التجار اللى بيتاجرو بحياتنا و ملناش قيمة عندهم

اولا احييك علي مجهودك الكبير
ثانيا العيب مش علي المصنع الكوري و لا علي غبور العيب علي المشتري
يعني لما غبور باشا منزل الالنترا مفيهاش اي عوامل امان و تتباع زي الرز و بسعر مغالي فيه جداااااااا يبقي العيب عليه هو
و لا لما عربيه زي السيراتو و الكارينز شكل شيك بس و دي الميزة الوحيدة و اذواق كمان تتحجز و ناس تستني 4 و 5 شهور علشان تستلم و تتباع سوق سودا باوفر برايس و سعرها يوصل 126 الف يبقي دة عيب كيا
اسف دة عيب ذوق مصري بيجري و را شكل و سمعه و اعلان و دعايه مش بيكلف خاطرة يدور و يبحث
انا ليا واحد زميلي حاجز ال سيراتو ب 126 الف من شهرين و لسة قدامه 3 شهور علي الاستلام و باع عربيته يعني ماشي من غير عربيه ببقي هتجنن اقوله معاك فلوسك كاش تستني ليه قدامك اللينيا تحفه و هتوفر كمان حوالي 20000 يقولي علشان اعرف ابيع يعني خلاص السيراتو نزلت و اتجربت بقالها 5 سنين و الناس عرفت انها بتتباع سهل تفكير غريببببببببببببب عربيه جديدة في السوق و الناس قررت انها بتتباع سهل
انا بيجيلي ذهول لما بفتح باب الالنترا و لا الجيتز من خفيه الصاج بتاع الباب و عدم وجود عوامل الامان و سعرها مساوي لسعر الاروبي
طب الواحد يفكر ليه يعني مساله محسومه
سيلاريو و لا i10
بونتو و لا فيرنا و نيو اكسنت
رينو سيمبول و لا اوبترا
لينيا و لا سيراتو
بجد حاجة تغيظظظظظ و اسعار قطع غيار متقاربه جداااااااااااا
هو كل واحد حر في ذوقه بس فعلا ذوق غريب
بس مش العيب علي الصانع او التوكيل العيب علي المشتري

[HOSAMSAMSOON]

بدون تعليق

اولا احييك علي مجهودك الكبير
ثانيا العيب مش علي المصنع الكوري و لا علي غبور العيب علي المشتري
يعني لما غبور باشا منزل الالنترا مفيهاش اي عوامل امان و تتباع زي الرز و بسعر مغالي فيه جداااااااا يبقي العيب عليه هو
و لا لما عربيه زي السيراتو و الكارينز شكل شيك بس و دي الميزة الوحيدة و اذواق كمان تتحجز و ناس تستني 4 و 5 شهور علشان تستلم و تتباع سوق سودا باوفر برايس و سعرها يوصل 126 الف يبقي دة عيب كيا
اسف دة عيب ذوق مصري بيجري و را شكل و سمعه و اعلان و دعايه مش بيكلف خاطرة يدور و يبحث
انا ليا واحد زميلي حاجز ال سيراتو ب 126 الف من شهرين و لسة قدامه 3 شهور علي الاستلام و باع عربيته يعني ماشي من غير عربيه ببقي هتجنن اقوله معاك فلوسك كاش تستني ليه قدامك اللينيا تحفه و هتوفر كمان حوالي 20000 يقولي علشان اعرف ابيع يعني خلاص السيراتو نزلت و اتجربت بقالها 5 سنين و الناس عرفت انها بتتباع سهل تفكير غريببببببببببببب عربيه جديدة في السوق و الناس قررت انها بتتباع سهل
انا بيجيلي ذهول لما بفتح باب الالنترا و لا الجيتز من خفيه الصاج بتاع الباب و عدم وجود عوامل الامان و سعرها مساوي لسعر الاروبي
طب الواحد يفكر ليه يعني مساله محسومه
سيلاريو و لا i10
بونتو و لا فيرنا و نيو اكسنت
رينو سيمبول و لا اوبترا
لينيا و لا سيراتو
بجد حاجة تغيظظظظظ و اسعار قطع غيار متقاربه جداااااااااااا
هو كل واحد حر في ذوقه بس فعلا ذوق غريب
بس مش العيب علي الصانع او التوكيل العيب علي المشتري

[frame="9 10"]
والله كلامك مظبوط بس المشكلة فعلا ان الفيات للاسف فى الفترة الاخير رغم انها نزلت اكتر من عربية ناجحه بس للاسف في سعر اعادة البيع بيخسر عن الكورى و اليابانى
وفعلا من حق اى حد حيدفع مبلغ فوق 100الف جنية يدور ان القيمة دى متنزلش بسرعة
عندك زى الفيات بونتو و الفيات سيينا و التمبرا و غيرها كتير من العربيات الفيات بتخسر جامد جدا من سعرها فى اعادة البيع بالرغم من الحالة و الموديل بالمقارنة مع اى عربية تانية فى نفس سنة الصنع بس يابانى او كورى
زمان كنا بنتريق على الكورى و نقول دى عربيات مقلب و الفلوس فيها حرام
ودلوقت هيه عربية محافظة على سعرها
ومش بعيد فى الفترة الجاية الصينى ينزل عربيات عدلة و يدخل بقوة فى السوق
مقومات السوق المصرى للاسف بتعتمد على مقومات غلط
1- زى الدعاية و حتى لو على باطل
2- سعر العربية حتى لو زبالة
3-الابشن حتى لو مضروبة و بتبوظ تانى يوم
بس عربية زى دى و من شركة من اقوى شركات العالم فى العربيات و تارخها معروف و بس الدعاية ضعيفة
ملهاش مكان فى السوق
الكل لسة متخيل ان فيات يعنى عربية شعبية مش واجهة اجتماعية زى اليابانى او الكورى للاسف
مع ان السعر و المواصفات منافسة جدا جدا والسعر خرج عن سعر العربيات الشعبية القديمة
مينفعش انا النهاردة اكون راكب لينيا و علشان هية فيات يفتكروها الموديل الجديد للشاهين
دى مصيبة من كل الجهات
[/frame]

[M.Mosaad]

يا استاذي الناس مبتكلفشي خاطرها تقرا و تدور و تبحث
و موضع اعادةالبيع معني مش مؤمن بيه بس بعذرالناس فيه لاننا في مصر مش زي اوروبا او دول الخليج من السهل انك تجيب عربيه
انا بجد كنت ماشي مع زمايلي خارجين من الشغل في زسط البلد اللينيا واقفه في صف مع الكورولا الجددة و الفيرنا و السيراتو و الله العربيه فعلا جبارةةةة
و كلهم مكانوش يعرفوها و هما شايفينها من بعيد كل واحد يقول حاجة اللي يفتكرها كرايسلر واحد يقول الفا روميو انا الوحيد اللي كنت عارفها لاني متابعها و ناوي عليها علي الصيف الجاي انشاء الله لاني معايا سيريون ياباني
العربيه فعلا استايل رهيببببببببببببب و من بعيد تعرف انها اوروبي
يعني اللي بيدفع 126000 في سيراتو لما يجيبها و يوفر 10000 جنيه مش دول برضة يفيدوا في اعادة البيع
دة الواحد يشيل ال 10000 و يبقوا علي الاقل مصاريف الصاينه الدوريه لحد ال 100000 كم
اصحاب العقول في راحه