إعـــــــلان

**SharpArrow** · 11-10-2009, 01:19 AM

المهم و انا هناك كان فيه معرض صغير موجود فيه 1 لينيا و1 جراند بونتو و صلحه
ااااا اقصد عربيتين بس يعني
المهم قلت اخش اشوف اسعارهم وصلت لايه في التوكيل و كده
لقيت اسعارهم زي ما هي بس المهم اني سألت المهندس اللى هناك البونتو الايفو هتنزل مصر امتى قاللى ان التوكيل مصرحش لسه هتنزل امتى مش عارف ليه
و هو بنفسه متضايق جدا ان توكيل الفيات في مصر ضعيف جدا و نفسه يعمل دعاية محترمة لعربياته (واحد من عشاق الفيات, مش اي حد يعني) و قاللى معلومة مهمة اوي ان الشركات الاوربية بتقيس القدرة الحصانية لعربياتها و الموتور داخل العربية يعني الموتور شايل وزن العربية كامل على عكس الكوري والياباني بيقيس و الموتور برة العربية
ساعتها بس فهمت انا طلعت ازاي من اللانسر 1.3 و الكورولا 1.3 و الياريس كمان
قلت حتى لو شلت الموتور من العربية و قيست قدرته و اداني 85 زي العربيات الياباني دول هتطلع منهم بديهي لانها اصغر و اخف
و قلت يبقى اكيد اللانسر اللى انا بطلع منها بمنتهى السهولة لو قيست قدرتها الحصانية والموتور داخل العربية هيكون بوزنها ده اكيد مش اكتر من 55 حصان
و كذلك بقية العربيات (الكورولا اديها 60 او 65 بالكتير و الياريس زيها تقريبا)
فا حاجة غريبة اوي طب ليه الياباني مبيحطش مقاييس مظبوطة لامكانيات عربياتهم لاني عمري ما همشي بالموتور بس!
و المشكلة عشان الاوربي صادق في امكانيات منتجاته الناس فاكرة ان الكوري و الياباني يطحن الاوربي فا يقلك انا ليه اشتري برافو 120 حصان بس ما اشتري هوندا سيفيك 145 حصان احسن و اصلا البرافو ال 90 حصان تطلع من الهوندا اساسا (جربتها بنفسي موديل 2009 سحبها زبالة مووووووت بالنسية لعربية 1600) يعني الـ 116i او 316iتطلع منها ببساطة
و هكذا و يقلك اجيب سيراتو 1600 سي سي و 121 حصان و زي الفل ليه اجيب لينيا 1400 سي سي و 77 حصان بس
فا الموضوع ده مأثر جدا جدا في مبيعات الاوربي (كدب الياباني وا لكوري على الناس)
و بجانب ضعف التوكيل و سرقته لمالكي السيارات الاوربي فا طبعا محدش هيشتري اوربي

**Ghost2** · 11-10-2009, 06:43 AM

لالا هو مش للدرجة دي .. يعني السيراتو الجديدة 124 حصان لكن الصافي بتاعها 108 .. واللانسر البومة 124 برده .. والصافي حوالي 109 .. يعني مش وحش ..لان الاوكتافيا صافي 105 بس الموتور لما بيكون اتنين كامة بيفرق بعد كده .. واداؤه بيفرق اوي بالذات بعد ال 100 كيلو

**SharpArrow** · 11-10-2009, 01:15 PM

المشاركة الأصلية كتبت بواسطة moe86 مشاهدة المشاركة

مصنعيات 180
فلتر زيت 40
بوجيهات 120
فلترهواء 85
منظف محرك فوم 25 (بصيت على الموتور لاقيته مغسول أى كلام خالص)
مياة بطارية 2.5
زيت موبيل1 214
طقم تيل فرامل 220
خصم 33 لأنى حجزت و رحت فى معادى
ضريبة مبيعات 85
الاجمالى 937 !!

غريبة انا ملاحظ فرق اسعار بين جسر السويس و البرقان
هو طبعا نفس اللى حصل في صيانة ال 20000 عندي بالمللي
بس خدو مصنعيات 120 جنيه
و الفوم بتاع الموتور 16.5 بس
بس انا قلتلهم نضفوه بالهوا و بس
ما علينا و مفيش حجز بس هو عملي خصم كلي 5% من غير حاجة و دفعت كله 855 جنيه
انت دفعت اكتر بكتير من اللى دفعته

**SharpArrow** · 11-10-2009, 01:20 PM

المشاركة الأصلية كتبت بواسطة moe86 مشاهدة المشاركة

البرقان: ماجربتوش بس حسيت من كلام hibbsa انة مش أد كدة
أبو رواش : ماجربتوش برضو

هو مش مش اد كده هو زيه زي جسر السويس تقريبا (ميتخيروش)

المهم انا اول مرة اسمع عن ابو رواش ده هو فيه مركز صيانة فيات هناك؟
اصل انا ساكن في 6 اكتوبر فابورواش يبقى اقربلي كتيييييييير جدا

**abdelmessih67** · 11-10-2009, 01:32 PM

سعر البوجيهات مغالى فيه بشدة أولا ال ngk ياباني و تشتريه من يوسف ب 32 جنيه على الاكثر و حتى أغلى نوع champion انجليزي عند يوسف اللي هو امام البرقان في فيصل ب 70 جنيه و بيركب لكل الفيات .

بصراحة البرقان صنعتهم كويسة جدا لكن اسعارهم مغالى فيها أنا عملت صيانة للتكييف عندهم ( كشف و تغيير زيت كمبرسور و شحن كامل ) و خدوا 300 جنيه و بعدها التكييف شغال زي الفل لاني رحت لاكثر من صنايعي و اسها حاجة عندهم : غير الكمبرسور .

أنا مش عارف أقولك ايه عربيتي تمبرا مو98 يعني مش جديدة و بالتالي عمري بأروح للتوكيل الا لو فشلت في ايجاد بديل ( كفؤ ) خارجي و لكن عربيتك زيرو و يمكن تستخسر تصلحها بره و لكن أكيد هيكون أوفر , ربنا يباركلك فيها

**Moe86** · 12-10-2009, 09:59 AM

غريبة ان فى اختلاف فى الأسعار , شكلى كدة حاروح البرقان فى صيانة ال 30000 علشان أجربه يمكن يبقى أحسن شوية من جسر السويس ( لأنهم مش عاجبننى خالص)
أنا سمعت ان فى مركز فى ابو رواش بس معلومة مش مؤكدة , لو اتأكدت فعلا حاقول

**SharpArrow** · 12-10-2009, 12:16 PM

هو انا في البرقان ركبولي تيل فرامل جديد تمام
و الفرامل زي الفل بس مش زي الفرامل اللى قبلها اللى كنت شاكك انها abs اساسا هل هم مظبطوهاش كويس ولا التيل اللى عندهم مش اصلي 100% ولا التيل لسه بياخد وضعيته مثلا ولا ايه الموضوع ده
انا قلت استني يومين و اكلمهم و اسألهم عن الموضوع ده
هل حد عنده فكره او قابله حاجة زي كده؟

**Moe86** · 12-10-2009, 03:41 PM

نفس الخكاية حصلت معايا , يومين كدة و رجعت الفرامل جامدة زى الأول ,تقريبا التيل بياخد وضعيته زى ما قلت
لو الموضوع طول كلمهم طبعا

**fouady** · 12-10-2009, 05:09 PM

Please any body tell me about any think make my write arbic i wanna to speek :(

**Moe86** · 13-10-2009, 05:57 AM

المشاركة الأصلية كتبت بواسطة fouady مشاهدة المشاركة

please any body tell me about any think make my write arbic i wanna to speek :(

دة انجليزى دة يا مرسى ؟

**bahaahssn** · 13-10-2009, 06:21 AM

لا ده اكيد مش انجليزى
انا متأكد و عن تجربة و تحدى و القطنة مبتكدبش
دى لغة جديدة اكتشفوها فى اماكن متفرقة من مصر بس الصراحة مش عارف اسمها
(منقول للأمانة)

**Dr. Halawa** · 13-10-2009, 06:23 AM

النيل الهندسيه للتوكيلات
القاهره
الكيلو 28 كم 28 طريق مصر اسكندريه الصحراوى المنطقه الصناعيه
35391278 - 35391277 - 35391276 - 35391275
ده اللى فى ابو رواش

**fouady** · 13-10-2009, 05:14 PM

srry gays el kalam herb :S

Comment

إعـــــــلان

.

اسعار التوكيل و بره التوكيل( مش ممكن)

اسعار التوكيل و بره التوكيل( مش ممكن)

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment