حيرة مابعدها حيرة ؟

[amrsabet]

السلام عليكم ورحمة الله وبركاته
انا اخوكم فى حيرة ومحتاج راى كل الاعضاء اللى ممكن رايهم يخلينى افضل عربية عن اخرى الحقيقة انا كنت عملت مشاركات لانى كنت بفكر اشترى عربية فى حدود مبلع 115000 وكنت بقارن بين :
- السيراتو sx اول فئة (وطبعا روحن التوكيل وبعد الوسايط لقيت انى اقرب ميعاد بعد 5شهور )
- الالنترا (واللى عرفته ان الشكل الجديد هينزل فى نهاية 2010)
- الi30 (والحقيقة دى اكتر عربية عجبتنى وارتاحت ليها خاصة الفئة اللى ب 115000 بس كنت معترض على انها بدون ايرباح وabs)

المهم انا اخترت العربية ال i30 وقولت انا مستنى موديل 2010 عشان ينزل واشتريها على طول وكانت المفاجاة الاعلانات اللى نزلت بتاعت العربية اللينيا

فقررت انى ارجع اعمل مقارن جديدة من الاول بين شريحتين من العربيات وفقا للمبلغ اللى اقصى حاجة اقدر ادفعها وهى :
- i30 بدون ايرباح ولا abs بس اتوماتيك السعر 115000
- اللينيا 1.4 توربو اعلى فئة بس مانوال وسعرها 113000 عشان عايز لون اسود (بس خايف نى اضايق من ان العربية مانوال وانا راكب اتوماتيك)

دول شريحة مبلغ 115000 نيجى لشريحة تانية لوربنا كرمنى وقدرت وهى شريحة 130000
وفيها عربيتين عجبنى مع اختلاف الفئات بينهم :
- فيات برافو 1.4 توربو الفئة التانية (كاسيت ومالتى فانكشن )130000
-تويوتا كرولا 1.6 mmt وكيل اول فئة السعر 130000 (بس مش بفضلها بسبب قلة الامكانيات لانها اول فئة)


انا بقيت هتجنن خلاص بين حاجتين لو فى حدود ال 115000 اركب i30 ولا لينيا هاى لاين
او لو وصلت لمبلع 130000 اركب تويوتا ولا برافو


انا اسف جدا للشرح المطول ده بس عشان يمكن الناس اللى بتشترى هاتحس بالحيرة دى خاصة انى فى الاساس انا راكب عربية نيسان سوبر صالون 2008 وعايز اغير العربية عشان اجيب عربية شبابية فى الوقت الحالى من العمر
ياريت تساعدونى بالمشورة الصح لانى بناء على كلامكم انا هختار بين العربيات اللى فاتت وشكرا مقدما لكل من سيشارك بالراى فى مساعدتى

[HOSAMSAMSOON]

ادخل هنا

[frame="9 10"]
ادخل على الموضوع دة ممكن يساعدك
http://www.nilemotors.net/Nile/99015-a.html
وطبعا الاستخارة فى الاول و الاخر
[/frame]

[Ghost2]

برافو طبعا .. دي وجهة نظر .. و انصار الياباني ميزعلوش

[Sala7.Bravo]

السلام عليكم ورحمة الله وبركاته
انا اخوكم فى حيرة ومحتاج راى كل الاعضاء اللى ممكن رايهم يخلينى افضل عربية عن اخرى الحقيقة انا كنت عملت مشاركات لانى كنت بفكر اشترى عربية فى حدود مبلع 115000 وكنت بقارن بين :
- السيراتو sx اول فئة (وطبعا روحن التوكيل وبعد الوسايط لقيت انى اقرب ميعاد بعد 5شهور )
- الالنترا (واللى عرفته ان الشكل الجديد هينزل فى نهاية 2010)
- الi30 (والحقيقة دى اكتر عربية عجبتنى وارتاحت ليها خاصة الفئة اللى ب 115000 بس كنت معترض على انها بدون ايرباح وabs)

المهم انا اخترت العربية ال i30 وقولت انا مستنى موديل 2010 عشان ينزل واشتريها على طول وكانت المفاجاة الاعلانات اللى نزلت بتاعت العربية اللينيا

فقررت انى ارجع اعمل مقارن جديدة من الاول بين شريحتين من العربيات وفقا للمبلغ اللى اقصى حاجة اقدر ادفعها وهى :
- i30 بدون ايرباح ولا abs بس اتوماتيك السعر 115000
- اللينيا 1.4 توربو اعلى فئة بس مانوال وسعرها 113000 عشان عايز لون اسود (بس خايف نى اضايق من ان العربية مانوال وانا راكب اتوماتيك)

دول شريحة مبلغ 115000 نيجى لشريحة تانية لوربنا كرمنى وقدرت وهى شريحة 130000
وفيها عربيتين عجبنى مع اختلاف الفئات بينهم :
- فيات برافو 1.4 توربو الفئة التانية (كاسيت ومالتى فانكشن )130000
-تويوتا كرولا 1.6 mmt وكيل اول فئة السعر 130000 (بس مش بفضلها بسبب قلة الامكانيات لانها اول فئة)


انا بقيت هتجنن خلاص بين حاجتين لو فى حدود ال 115000 اركب i30 ولا لينيا هاى لاين
او لو وصلت لمبلع 130000 اركب تويوتا ولا برافو


انا اسف جدا للشرح المطول ده بس عشان يمكن الناس اللى بتشترى هاتحس بالحيرة دى خاصة انى فى الاساس انا راكب عربية نيسان سوبر صالون 2008 وعايز اغير العربية عشان اجيب عربية شبابية فى الوقت الحالى من العمر
ياريت تساعدونى بالمشورة الصح لانى بناء على كلامكم انا هختار بين العربيات اللى فاتت وشكرا مقدما لكل من سيشارك بالراى فى مساعدتى

بص يا عمرو لو هتقدر تجيب البرافو يبقى أحسن طبعاً عربية تحفة ويبقى معانا عربيات ذي بعض :) أنا حاجز واحدة بس لو مش هتقدر إسأل عن اللينيا كويس وعن ال-i30 وعلى فكرة أنا معايا الالنترا يعني شبة ال-i30 ف كل حاجة وموضوع ال ABS ده وحش أوي بس ال-i30 شكلها تحفة بس بردو فكر فالبرافو عشان فيه فرق جامد :)

[amrbakly]

بص انا بصراحة محتار معاك، الأي 30 كويسة فعلا بس كتير عليها الفلوس دية بصراحة

نصيحة اصرف نظر عن الألنترا و السيراتو، فعلا عربيتين زي الزفت و ميستاهلوش الفلوس دية و علي عكس كل الناس بقي حقولك ان السيراتو اسوء كمان من الإلنترا، اركب فعلا السيراتو و اتفرج عليها كويس حتلاقي انها فعلا متستاهلش المبلغ دة نهائيا

انا رأيي فكر في الكورولا و اللينيا، و لكن لو انت بتاع تغيير و بيع و بتحب تغيير كتير ابعد عن اللينيا و هنا يبقي روح للكورولا لأنها بايعاة و سوقها حلو، انما لو انت من هواة التميز فكر في اللينيا

في نقطة الأتوماتيك و المانيوال انا شخصيا مبتفرقش معايا النقطة دية كتير بصراحة و ان كنت افضل المانيوال ربما بسبب التعود علي السواقة مانيوال

[amrbakly]

بص انا بصراحة محتار معاك، الأي 30 كويسة فعلا بس كتير عليها الفلوس دية بصراحة

نصيحة اصرف نظر عن الألنترا و السيراتو، فعلا عربيتين زي الزفت و ميستاهلوش الفلوس دية و علي عكس كل الناس بقي حقولك ان السيراتو اسوء كمان من الإلنترا، اركب فعلا السيراتو و اتفرج عليها كويس حتلاقي انها فعلا متستاهلش المبلغ دة نهائيا

انا رأيي فكر في الكورولا و اللينيا، و لكن لو انت بتاع تغيير و بيع و بتحب تغيير كتير ابعد عن اللينيا و هنا يبقي روح للكورولا لأنها بايعاة و سوقها حلو، انما لو انت من هواة التميز فكر في اللينيا

في نقطة الأتوماتيك و المانيوال انا شخصيا مبتفرقش معايا النقطة دية كتير بصراحة و ان كنت افضل المانيوال ربما بسبب التعود علي السواقة مانيوال

[amrsabet]

انا بشكر كل الاعضاء اللى ردو عليا بس انا محتار بين الi30 واللينيا يمكن عشان اللينيا فيها كماليات كتير جدا ومتورها جامد وامان وفى نفس الوقت مانوال والi30 شكلها حلو وواسعة واتوماتيك لكن فى المقابل مفيهاش absوايرباج حتى اعلى فئة فيها ايرياج واحده وabs وجنط 16
فطبعا لو وصلت للمبلغ ده يبقى البرافو افضل مليون مرة لكن فى فئة 115000 هى دى الحيرة :
-اركب عربية شكلها حلو واتوماتيك بدون وسائل امان
-اركب عربية فيها وسائل امان واوبشنز كتير بس مانوال

عشان كده انا بسأل كل واحد من الاعضاء لو كنت مكانى وراكب عربية اتوماتيك فول اوبشنز لما تيجى تغير هتركب اى من العربيات اللى فاتت

[SharpArrow]

عشان كده انا بسأل كل واحد من الاعضاء لو كنت مكانى وراكب عربية اتوماتيك فول اوبشنز لما تيجى تغير هتركب اى من العربيات اللى فاتت

بص هقلك على حاجة انت لو ركبت اوربي اصلا مش هترجع حتى للياباني مش الكوري بس
يعني بجانب موضوع الامان و ان اللينيا و البرافو واخدين 5 نجوم في اختبارات الامان EuroNCap الا ان قيادة السيارات في شيء من الجمال و الروعة اللى عمرك ما هتحس بيهم الا لما تجرب بنفسك و هتفضل تحس بجمال سواقتها مهما قدمت
البونتو الكلاسيك اللى معايا روعة في السواقة و بستسمع بكل لحظة فيها رغم ان بقالها اكتر من 8 شهور معايا
قبلها كان معايا لانوس و قبلها لادا
تصدق بايه كانت ارخم ايام حياتي هي ايام اللانوس
اللادا كانت اجمل منها بكتير في المتعة و التحكم
الكلام ده على الفئة دي فا مابالك بفئة البرافو
خلاصة الكلام
لو معايا 115000 هشتري لينيا او جراند بونتو ايزي ترونيك و انا مغمض
130000 برافو 120 حصان و انا مغمض و حاطط رجل على رجل و مش هبص للكلام التاني اللى انت قلته ده اصلا
هي الكورولا تحفة جدا بس مش هتبقى زي البرافو برضه
و طالما هتشتري شبابي اشتري الاسرع
برافو تطلع من كورولا رغم فرق المواتير

[amrbakly]

اسمع دية

الهيونداي اي 30 فيها مشكلة في الباور بتاعها

معلومة من واحد صاحبي لسة قايلهالي امبارح بالصدفة شغال في العربيات و قالي لو مش مصدق روح شوف صيانة غبور و شوف كام واحدة هناك واقفة صيانة

[amrbakly]

نصيحة بما انك خلاص صرفت النظر عن التويوتا ، احجز اللينيا

الله يحرق دية توكيلات، لو فتحوا التيست درايف للفيات فعلا المبيعات حتختلف اختلاف غريب

بس شركة غاوية فقر نعملهم اية