رأيك في توكيل أوماترا

[yoko]

يا ريت كل واحد يقول رأيه في التوكيل لإني نفسي أجيب لينيا بس خايف من التوكيل

[yoko]

يا ريت الي يصوت يقول سبب إختياره

[semsem_uno]

بص هو اوماترا حلو مفيش مشاكل بس ف قطع الغيار غالي او مبالغ شوية

[yoko]

بص هو اوماترا حلو مفيش مشاكل بس ف قطع الغيار غالي او مبالغ شوية

أنا شايف إنه معقول والمهم هل معاملتهم كويسة ولو لا قدر الله فيه مشكلة في العربية بيصلحوها ولا تروح وترجع أكتر من مرة بنفس العيب
معلش متعقد من توكيل قبل كده

[semsem_uno]

هههههههه
هو مش وحش ده علي حد علمي و تجربتي والله

[Moe86]

أنا مش راضى عن أداءهم (عندى بونتو) , لازم تزعق علشان تاخد حقك.
بس على فكرة أغلب التوكيلات فى مصر كدة

[yoko]

أنا مش راضى عن أداءهم (عندى بونتو) , لازم تزعق علشان تاخد حقك.
بس على فكرة أغلب التوكيلات فى مصر كدة

المشكلة إني في كليه وبعيده عن البيت بتاع ٦٥ كم فعنديش وقت أتخانق
وأنا هجيب عربية عشان خلاص إتخنقت من منصور وإتخانقت هناك كتير مع كل الي في التوكيل لحد ناس في مجلس الإدارة ومش عايز أعيد التجربة تاني

[bahaahssn]

منصور من انضف التوكيلات فى مصر على فكرة يعنى لا يقارن بغبور و بى ام مثلان
و انا رأيى من اللى سمعتو من مشاكل الناس مع التوكيل انو افضل منهم
يعنى مشاكل الناس بتنحصر فى الوقت و الحجز و ارتفاع اسعار قطع الغيار و ديه حاجات مفيش توكيل فى مصر مش موجودة فيه
لاكن المشكلة الحقيقية ان التوكيل يتهرب من الضمان و الحقيقة مش موجود عندهم خالص

[yoko]

منصور من انضف التوكيلات فى مصر على فكرة يعنى لا يقارن بغبور و بى ام مثلان
و انا رأيى من اللى سمعتو من مشاكل الناس مع التوكيل انو افضل منهم
يعنى مشاكل الناس بتنحصر فى الوقت و الحجز و ارتفاع اسعار قطع الغيار و ديه حاجات مفيش توكيل فى مصر مش موجودة فيه
لاكن المشكلة الحقيقية ان التوكيل يتهرب من الضمان و الحقيقة مش موجود عندهم خالص

ولو قلتلك إني إتخنقت معاهم ومعظم الي معاهم أفيو إتخانقوا معاهم بسبب تهربهم من الضمان وإن زي ما بتسلمهم العربية زي ما بتستلمها ومبيصلحوش حاجة!!!
وإدخل على منتدى شيفروليه وشوف

[safeeagent]

مشكلة الافيو في العربية نفسها tps و فرامل وكدا
طبعاً لو كان المنصور توكيل محترم كان وقف بيعها لحد ما المشكلة تتحل انما هو قعد يبيع في العربية بعيوبها وطبعاً مستحيل يصلح كل الافيوهات اللي في مصر نفس مشكلة الكمبيوتر في الفورد فوكاس ودا راجع لان مفيش رقيب عليهم !!

[SharpArrow]

بص هما زي ما قالولك التوكيلات كلها زي بعض مع اختلافات طفيفة
بس انا نسبيا عاجبني توكيل اوماترا
هو شغال و في الصيانة بيدوك العربية مفيهاش اي مشاكل من اي نوع

بس فيه نقطة مهمة انت ذكرتها و لازم تاخد بالك
اشتري عربية ميكونش فيه ناس اشتكت منها او يكون فيها مشكلة تصنيع او تقفيل او او
لو اشتريت عربية كده مش هتزعق ولا هتعمل مهما كان التوكيل (الا لو كانو حرامية زي توكيل لادا رحتلهم مرة واحدة بس و بعدها رحت ميكانيكا يعدل وراهم)
اما بالنسبة للينيا فا هي قمة الاحترام و مفيهاش اي مشكلة من اي نوع بس قطع الغيار
نااااااااااار
انا معايا بونتو كلاسيك تمن الفانوس في التوكيل 1100 جنيه بالضريبة
في الكيلاني ب 450 جنيه بس
ده مثال انما لما تيجي تعمل صيانة للعربية لازم قطع الغيار تكون من التوكيل و الا مش هيقبلوها حتى ولو كانت 100% اصلي
فا هتدفع دم قلبك يا تخرج من الضمان
يعني عيب توكيل برضه
انما غير كده مش هتقابل اي مشكلة من اي نوع ان شاء الله
و ربنا يوفقك لما فيه الخير

[yoko]

بص هما زي ما قالولك التوكيلات كلها زي بعض مع اختلافات طفيفة
بس انا نسبيا عاجبني توكيل اوماترا
هو شغال و في الصيانة بيدوك العربية مفيهاش اي مشاكل من اي نوع

بس فيه نقطة مهمة انت ذكرتها و لازم تاخد بالك
اشتري عربية ميكونش فيه ناس اشتكت منها او يكون فيها مشكلة تصنيع او تقفيل او او
لو اشتريت عربية كده مش هتزعق ولا هتعمل مهما كان التوكيل (الا لو كانو حرامية زي توكيل لادا رحتلهم مرة واحدة بس و بعدها رحت ميكانيكا يعدل وراهم)
اما بالنسبة للينيا فا هي قمة الاحترام و مفيهاش اي مشكلة من اي نوع بس قطع الغيار
نااااااااااار
انا معايا بونتو كلاسيك تمن الفانوس في التوكيل 1100 جنيه بالضريبة
في الكيلاني ب 450 جنيه بس
ده مثال انما لما تيجي تعمل صيانة للعربية لازم قطع الغيار تكون من التوكيل و الا مش هيقبلوها حتى ولو كانت 100% اصلي
فا هتدفع دم قلبك يا تخرج من الضمان
يعني عيب توكيل برضه
انما غير كده مش هتقابل اي مشكلة من اي نوع ان شاء الله
و ربنا يوفقك لما فيه الخير

شكرا وأنا لسا معدي على التوكيل النهاردة وأنا راجع من الكلية(أصلهم جمب البيت) بصراحها شكلهم محترمين جدا ومنظمين وكانوا مدخلين عربيات جديدة كلها بيشيكوا عليها قبل ما يبعتوها المعرض عشان يسلموها للناس وسألت عن أسعر الصيانة أنا شايفها معقولة مش غالية أوي يعني ال٥ ببلاش(زي كل التوكيلات)
ال١٠ ب٥٠٠ وشوية
ال٢٠ ب٧٥٠ (شاملة البوجيهات)
ال٣٠ زي ال١٠
ال٤٠ ب١٣٥٠ (بدون تيل)أو ١٧٠٠ وشوية بالتيل
أنا بصراحة شايفها كويسة جدا الأفيو كل ٥ ألاف كنت بدفع حوالي ٣٨٠ أو أقل بشوية
والشبكة القدامانية ب٤٥٠
الفانوس قدام ١٣٠٠
ف انا شايف إن التوكيل يعتبر كويس (وبصراحة كل التوكيلات حرمية في أسعار قطع الغيار)

بس الي أنا متأكد منة بعد زيارتي للتوكيل إني أخيرا هترحم من منصور وخناقاتة