علبة شكمان تمبرا

[mezo73]

علي فكره انا عربيتي نفس موديل عربيتك بس هي 1400 كربراتيروعلي حد علمي شكمان ال1600 مختلف عن ال1400 فهل السعر ده سعر شكمان ال1400 ؟؟

انا كمان عربيتي 1400 كاربرتير
بس انا عاوز اقولك حاجة هنا في مصر التمبرا النصر كانت 1600 بس
بالنسبة للشكمان علي ماشوفت عربيات كتير الشكمانات 1400 زي 1600 ماعدا اللي بتنزل بعلبة بيئة بتبقي 3 علب
وفي عربية شوفتها العلبة الكبيرة اللي ورة هي هياها اللي مختلف ان في امامها علبة مثلثة وماسورة لغاية الموتور
بالنسبة للعام نقدر نقول ان 1400 زي 1600 علبة في الوسط صغيرة وعلبة في الاخر كبيرة
ونفس تخانة المواسير واحدة
بالمناسبة من سنة لقيت شكمان كامل استيراد بتاع ال2000 سي سي بس مختلف تماما

[hany121]

متشكر جدا يا ميزو علي اهتمامك والمعلومه المهمه ده وياريت اللي يغير فينا الاول يفيد الباقيين بالتجربه..

[galilio_mad]

شكمان ال 1400 هو هو ال 1600

العربية اللى بيتكلم عليها الاخ ميزو انجكشن و متشال علبة البيئة ( العلبة المثلثة فى الانجكشن بس )

[hany121]

يا جماعه انا سالت النهارده علي شكمان ابو اليزيد. اتصلت بالمصنع قالولي 680 جنيه واتصلت برقم موبايل تقريبا مبيعات قاللي 800 جنيه.. لو حد يقدر يتاكد من السعر يا ريت يقولنا..

أستاذ مايكل . العلبه اللي حضرتك جبتها اخبارها ايه معاك وجبتها منين ولو حد سأل علي سعر العلبه اللي في النص يا ريت يقولنا بكام لان لو اسعار ابو اليزيد ده حقيقيه يبقي هضطر اجيب علبتين استثماري جداد..

[hany121]

غيرت الشكمان كله ما عدا المشترك من عند ابو اليزيد اللي في الملك الصالح ب 545 جنيه لكن الشكمان عامل صوت عالي جدا وزنه. يا تري ده عادي في الاول وهيروح ولا الشكمان فيه مشكله علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...

[galilio_mad]

غيرت الشكمان كله ما عدا المشترك من عند ابو اليزيد اللي في الملك الصالح ب 545 جنيه لكن الشكمان عامل صوت عالي جدا وزنه. يا تري ده عادي في الاول وهيروح ولا الشكمان فيه مشكله علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...

ارجعله تانى و خليه يربطه تانى لو محتاج
و لو ما غيرتش جوان المشترك يا ريت تغيره و تربطه تانى بعد التغيير بيوم او يومين بالكتير عشان بيريح

و لو عندك فكرة , سعر المشترك كام ؟؟ لانى اتصلت من فترة بالمصنع و قاللى الشكمان كله بالمشترك ب 980جم

[abdelmessih67]

غيرت الشكمان كله ما عدا المشترك من عند ابو اليزيد اللي في الملك الصالح ب 545 جنيه لكن الشكمان عامل صوت عالي جدا وزنه. يا تري ده عادي في الاول وهيروح ولا الشكمان فيه مشكله علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...

الاخ الفاضل هاني ممكن أعرف فين بالضبط فرع أبو اليزيد اللي في الملك الصالح و هل له فروع أخرى و التليفونات لو سمحت .

[hany121]

ارجعله تانى و خليه يربطه تانى لو محتاج
و لو ما غيرتش جوان المشترك يا ريت تغيره و تربطه تانى بعد التغيير بيوم او يومين بالكتير عشان بيريح

و لو عندك فكرة , سعر المشترك كام ؟؟ لانى اتصلت من فترة بالمصنع و قاللى الشكمان كله بالمشترك ب 980جم

أزيك يا جاليليو .يا رب تكون بخير

المشترك بتاعي كان ب 140 جنيه

[hany121]

الاخ الفاضل هاني ممكن أعرف فين بالضبط فرع أبو اليزيد اللي في الملك الصالح و هل له فروع أخرى و التليفونات لو سمحت .

أستاذ عبد المسيح. فرع الملك الصالح بعد نفق الملك الصالح وانت جاي من المنيل رايح القلعه.. بعد ما تعدي النفق اسأل علي كشري ابو حنفي هتلاقي المركز جنبه.. وده رقم موبايل ممكن تعرف منه اقرب فرع لحضرتك 0166653641..

لو فيه اي استفسار انا تحت امرك.

[abdelmessih67]

أستاذ عبد المسيح. فرع الملك الصالح بعد نفق الملك الصالح وانت جاي من المنيل رايح القلعه.. بعد ما تعدي النفق اسأل علي كشري ابو حنفي هتلاقي المركز جنبه.. وده رقم موبايل ممكن تعرف منه اقرب فرع لحضرتك 0166653641..

لو فيه اي استفسار انا تحت امرك.

شكرا يا اخ هاني تعبتك معايا

[osha966]

الشكمان كامل عند ابو اليزيد ب 660 جنيه - والعلبة الخلفية ب 330

[hany121]

انا ناوي اغير الشكمان كلة ان شاء الله عند ابو اليزيد
وانا مجربة قبل كدة في كذا عربية
والخلاصة لاني مابحبش اعمل حاجة وارجع اعملها تانية لانها من وجة نظري مضيعة للوقت وللفلوس
انا عربيتي موديل 91 ايطالي
والشكمان اللي فيها الاصلي بتاعها طبعا كتر خير الدنيا
الشكمان كلة سليم من الجسم الخارجي
ولكن المصفي من جوة دابت وبتشخلل جوة
طبعا ابو اليزيد مصنع محترم بعد ماقفلو شركة اسكندرية للشكمانات
وبيشتغل بتصميمات ومواصفات مش علي مزاجو
واهم حاجة انة جلفانيزد
ومش بعد التركيب تلقية منفس من الدوسر اللي بيعملوها علي التنايات ويقولك الصوت هايروح لما الشكمان يكربن
او مكتوم لانة بنفس المواصفة
نصيحة توكل علي الله

للاسف يا ميزو ابو اليزيد طلع ما يفرقش حاجه عن اللي بيحصل من الصنايعيه..

انا بعد ما ركبت الشكمان عندهم لقيت صوته عالي. رجعتلهم ورفع العربيه لقي الوصله بين العلبه الوسطي والخلفيه بتنفس من عند الافيز والمهندس قالي احنا اسفين وده غلطتنا وهنظبطها.. ودق بالاجنه والشاكوش علي اجزاء حوالين الافيز والتنفيس منع.. وبعدها قالي خلاص مش هينفس تاني وعموما لو عايز تغيره اغيرهولك فقلتله طالما انك متأكد انه مش هينفس تاني خلاص مش مستاهله تغيير..

تاني يوم لقيت الشكمان بينفس من نفس المكان ورجعتلهم تاني والمهندس ما كانش موجود وبعد ما رفع العلربيه وشاف التنفيس لقيته بيجيب اجنه وشاكوش وهيدق عليه تاني فرفضت وقلتله يغير العلبه وبعد محاولات اقناع ان الشكمان سليم وانه هيمنع التنفيس واستني بس عليه لما يكربن والكلام الخايب ده صممت علي التغيير وغيرو العلبه الخلفيه بعلبه تانيه وربط الافيز وجرب. :b4_556: التنفيس برده موجود ولما تسد الشكمان بايدك تسمع التنفيس من اللحام بين العلبتين والدوسر اللي حوالين العلبه فقالي انا مش عايز الغي الافيز والحم فقلتله لو هو ده الحل علشان التنفيس يتمنع الحم فقعد يبنط في بعض الاجزاء حوالين الافيز وبرضه فيه تنفيس وقعد يحلف ان الكربون بعد اسبوعين هيمنع التنفيس فقلتله انتو بتصنعوا شكنانات معظم العربيات اللي بتتجمع محلي عليز تقنعني اني لما اشتري عربيه من دول وانا في المعرض هلاقي الشكمان صوته عالي وبينفس واهي عربيات لا مشيت ولا كربنت وعموما ورغم اني مش مقتنع ورغم اني فضلت اركب عندكم وادفع تقريبا 400جنيه ذياده عن الاستثماري علشان ما اسمعش موضوع الكربون والحجج ده الا اني هستني بدل الاسبوعين تلاته وانا متاكد ان التنفيس مش هيروح لان الكربون ممكن يمنع او يقلل الصوت لكن ما يسدش اخرام بتنفس

[osha966]

يا جماعة أنا غيرت العلبة الخلفية والعلبة الوسطى عند أبو اليزيد يوم 12/3/2010 ب 660 جنيه. هى نظيفة جدا بس عيبها ان الصوت عالى ومختلف عن صوت الشكمان الفابريكة للأسف. وطبعا بعد الفابريكة ما تلاقيش

[hany121]

يا جماعة أنا غيرت العلبة الخلفية والعلبة الوسطى عند أبو اليزيد يوم 12/3/2010 ب 660 جنيه. هى نظيفة جدا بس عيبها ان الصوت عالى ومختلف عن صوت الشكمان الفابريكة للأسف. وطبعا بعد الفابريكة ما تلاقيش

اكتم الشكمان بايدك واتاكد ان مفيش تنفيس