سوال لاهل الخبرة بالفيات

[emam]

:shock: ارجو المساعدة فى اتخاذ قرار بشراء سيارة فيات 127 مويل 1976 2 باب 1000 cc (عمرة كاملة - فرش جديد - عفشة سليمة - دوكو وصاج بحالة معقولة) من ناحية قطع الغيار متوفرة ام لا - كفاءة السيارة - والافضل فى الايطالى ام الالمانى وكم تسحتق

ولكم وافر الشكر :roll:

[mido_mizzo]

شوف ياسيدى بالنسبه لقطع الغيار اكيد موجوده لانها من منتجات فيات اللى مغرقة السوق فمن ناحية قطع الغيار لاتقلق ومن ناحية سعر قطع الغيار رخيصة جدا بالمقارنه بماركات اخرى غير الفيات
من ناحية كفاءة السيارة فهى سيارة جميلة جدا وعملية ومنتشرة بشوارع مصر وموفرة فى البنزين ولكن يعيبها كما علمنا البشمهندس سبعاوى انها لا تتمتع بالثبات فى السرعات العاليه كما انها اكثر السيارات عرضة للانقلاب
من ناحية الافضل الايطالى ولا الالمانى الاتنين كويسين ولكن خد بالك ان فيات اصلا شركة ايطالية
ومن ناحية التمن بيختلف فبالنسبة للموديل 76 فهو موديل قديم وسعره تقريبا يتراوح مابين 10الى 12 الف حسب الحالة
والله اعلم وديه كانت معلومات بسيطة منى مؤقتا لحين الرد من بشمهندسنا العبقرى سبعاوى ملك الفيات

[sab3aawy]

إوعى البارومة

بص يا سيدى الفاضل

مختصر القصة كما رد عليك الإخوة الأفاضل انها عربية سهلة فى التعامل والصيانة وقطع غيارها تباع فى محلات الكشرى

بس القدم الشديد للسيارة يخلينا نقلق من حاجتين، البارومة والحوادث،

العربية لو شاسيهها سليم ومافيهوش بارومة او حوادث او مترقع مطرح البارومة قبل كدة اشترى واى مشاكل فيها تتصلح

لو الشاسية معوج او البارومة سارحة فيها فر منها كما تفر من اسد

مع الاخد فى الإعتبار انها عربية عالية وخفيفة على الأرض وقاعدة علجلاتها ضيقة ولذلك هى مش ثابتة على الأرض وعرضة للإنقلاب لذا فى حالة شرائك لها ينصح دائما بالتعامل معاها بمنتهى العقل

[KiNgMaX]

على فكرة العربية دى انها شفتها قدام عينى مقلوبة على طريق الكورنيش فى اسكندرية عند ملف سيدى جابر وهو ملف جامد شوية بس برضه مش لدرجة ان العربية تقلب بس ماعلينا العربية دى انصحك ابعد عنها
وزى ماقالك سبعاوى باشا انها عرضة للانقلاب بس على فكرة العربية كان فيها اربعة وطلعو كلهم من غير خدش
ربنا يسلمنا جميعآ ويحفظنا

[MMIsmail]

توكل على الله يا اخ سبعاوى واشترى بدل عجبك