مشكلة في بونتو 2004

[xAMAN]

السلام عليكم
انا ليا استفسار معلش هتعبكو
انا معايا بونتو 2004 وفي حاجة كده مخاوفاني لمبة الدركسيون منورة في التبلوه هل في زيت بتزود ولو فيه مكانه فين علشان انا سألت كتير ومش عارف
وشكرا لرجالة الفيات

[Dr. Halawa]

البونتو الباور بتاعها اليكتريك مالوش زيت يتزود ده معناها ان قطمة او موتور الباور يعنى باز و دى قطعة غيار ب 7000 جنيه فا روح اكشف عليها فى التوكيل و اتأكد الأول و ربنا يسترها معاك

[fouady]

أنا عندي فيه طقطقة حد يعرف دة إيه الطقطقة ده مش على طول ده ساعات كدة وأنا بالف الدركسيون

[Moe86]

زرار السيتى بيعمل أى فرق فى الموضوع دة , لو شغلته أو طفيته ؟

[xAMAN]

البونتو الباور بتاعها اليكتريك مالوش زيت يتزود ده معناها ان قطمة او موتور الباور يعنى باز و دى قطعة غيار ب 7000 جنيه فا روح اكشف عليها فى التوكيل و اتأكد الأول و ربنا يسترها معاك

بس الباور شغال تمام مفيش فيه مشكلة خالص والستي كمان شغال كويس فهل ممكن يكون العيب في حاجة تانية وايه القطعة الي ب 7000 جنيه دي دا الماتور نفسه باأقل بكتير حد يفهمني

[xAMAN]

زرار السيتى بيعمل أى فرق فى الموضوع دة , لو شغلته أو طفيته ؟

لا البور تمام مفيهوش مشكلة والسيتي شغال بردو عادي يبقي ايه الموضوع

[Dr. Halawa]

طيب روح التوكيا الغى الerror و شوف ها يرجع تانى ولا لأ

[xAMAN]

طيب روح التوكيا الغى الerror و شوف ها يرجع تانى ولا لأ

طيب لازم التوكيل ولا الموضوع فيه ارقام واكواد وكده يعني روكسان المطار انفع اروح ويشفهالي علي الكمبيوتر وشكرا علي التواصل ياجماعة وسرعة الرد

[Dr. Halawa]

يا باشا روح اعمله فى التوكيل و ريح دماغك انا كان عندى مشكلة كدة لغوا الerror و ما رجعش تانى و ما خدوش غير 30 جنيه

[xAMAN]

يا باشا روح اعمله فى التوكيل و ريح دماغك انا كان عندى مشكلة كدة لغوا الerror و ما رجعش تانى و ما خدوش غير 30 جنيه

شكرا جدا علي النصيحة ويارب ما تطلع حاجة تانية

[Moe86]

و ماتنساش تقولنا اية اللى حصل

[eng_ahesham]

انت نسيت تقولنا ولا ايه

[xAMAN]

انت نسيت تقولنا ولا ايه

لامنستش ولا حاجة اصل من ساعة لما كتبت الموضوع اللمبة طفة لوحدها واصل العربية اساسا بتاعة ابن خالتي فا قولتله هتروح التوكيل تعمل ايه هيشتغلوك علي الفاضي فاكنت عايز اروح روكسان المطار بس معرفتش اوصله فياريت ياباشا تقولي مكانه بالظبط بالتفصيل علما باني ساكن في شبرا وا علي اي مكان تاني بيفهم في البونتو والسيينا جزاك الله خيرا

[eng_ahesham]

في ميكانيكي اسمه صابر
ده فني شغال في اوماترا ودماغه حلوه
وانا شخصيه بتعامل معاه وعجبتني دماغه
هو في القوميه إمبابه
اول ما تنزل نزله القوميه بتاعه الدائري تكسر اول يمين
علي ناصيه الشارع فكهاني
ت-0163619448
بيفتح كل يوم من بعد الساعه 6 عدا الاحد اجازه
روح وطمني