معروض ليا الفا روميو 146 محتاجة ماتور تعمل كام ؟

[Delta Force]

معروض عليا ألفا روميو 146 مش بتمشى
التكييف بيقول محتاج شحن
الحالة العامة متوسطة و ليست جيدة
محتاجة ماتور كامل من الالف للياء
الراجل طالب فيها 25 الف
هيا تساوى كام كدة ؟

[SadSoul]

السعر معقول بس قطع غيارها مش موجودة غير فى بورسعيد هتبهدلك نصيحة ابعد وخليك فى الموجود

[Delta Force]

طيب الماتور بكام ؟؟؟؟؟

[J A G U A R]

هاتشتريها وهايقف حالك
بلاشها أحسن

[M_a_h_M]

ليا صديق اشتري الفا 146 بأكتر من 25 تقريبا ب 29 و سقطلها موتور 1600 بوكسر بحوالي 3000 و هو حاليا مبسوط بيها جدا و اعتقد انة جالة فيها سعر كبير عن تكلفتة ليها و رفض يبيع .. ممكن اعرف تجربتة كلها و ابقي ابعتهالك ان شاء الله

[Abo_Mazen]

إمممم...إثنين أعضاء قالوا بلاش ..وعضو واحد قال إنه هينقل تجربة صديقه ..رأيي خليك مع رأي الأغلبيه ..وبلاش منها العربيه ديه

[وفاء]

لو حجتها موجودة خدها

[i_Am_Legend]

هات العربية .. حاجتها موجودة ومافيش مشكلة فيها .. انا مغير 8 عربيات الفا :)

[M_a_h_M]

انا سألتة قالي ان العربية مريحاه جدا و قطع غيارها الاستيراد جابها من واحد في الوكالة و واحد في مدينة نصر و الجديدة من الكيلاني و من يوسف .. و هو حاليا بيجهز عشان هينزل بيها الاوتوكروس