الجراند بونتو الإيزى ترونيك

[Ahmad Shawky]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

ازيكم يا رجاله عاملين ايه يا اهل فيات واصحابها

كل عام وانتم بخير وفوز محقق لمنتخب مصر غدا ان شاء الله فى السودان

الحقيقه فكرت عمل الموضوع ده مش مستوحاه من نفسى ولا حاجه لا.... هوه انا اضريت اعمل الموضوع ده لان العربيه تعبانى حبتين فى اليزى تورنيك انا املك عربيه جراند بونتو ايزى تورنيك وبصراحه حاسس انى اتخميت فى اليزى تورنيك مطلعش حلو خالص زى الوتوماتيك العادى
من حيث سرعة الإستجابه عند تخفيض النقلات اوتوماتيكيا
وده الى هتكلم عليه النهارده قبل معمل التقيم الشامل فى موضوعنا جراند بونتو الى كنا فتحناه واتناقشنا فيه سوى

المشكله الى موجهازى فى اليزى ترونيك بختصار والى عاوز كل الناس تشاركنى الرأى فيها من اصحاب الجراند بونتو اليزى ترونيك وغيرها من انواع العربيات او حتى البرافو

مثلا لو انته ماشى بسرعه وفجأ هديت بفرامل سريعه هيقل لحد التانى لو بعد الفرامل دى فورا عاوز تودس بنزين تانى وتشد فى حالت المانيوال الموضوع فى غاية السهوله هتجيب التانى ومع الدبرياش براحه هتطلع مرتاح
لكن.... مع اليزى تونيك هيجيب التانى واول مدوس بنزين بسرعه هتلاقيها نطت منك لانها لسه محولتش على النت بسرعت المانيوال
انا مش عارف ده عيب فى استعمالى انا وله الناس الى معاها ايزى تورنيك كلهوم بيعانو من نفس الى انا بقولو ده
علاشن كده قولت افتح الموضوع ده ونتناقش فيه كلنا
الى معاه اوبيل او جراند بونتو او اى عربيه ايزى ترونيك يقولنا تقيمو عن الموضوع الى انا قولتو ده لانو بجد مديقنى جدا
ولمه رحت التوكيل قالولى الوتوماتيك سليم مفهوش اى حاجه

فى انتظار رد الجميع
وكل عام وانتم بخير

[loodaa]

جرب تدوس بنزين بالراحة لأن في المانيوال بشكل عام لما تفرمل أوي و انت على التاني و بعدين تشيل رجلك من الدبرياج بسرعة و تدوس بنزين جامد العربية بتنط برضه مش بتطلع مرتاحة

[Ahmad Shawky]

ازيك يا خالد عامل ايه

الفكره مش فى كده الفكره فى ان لو فرملت وبسرعه اتحركت تانى وده بيحصل فى الزحمه كتير ان عربيه تقف قدامك فتقف انته فجأه واول متدوس انته فرامل العربيه الى قدامك تتحرك فلازم تدوس بسرعه وفى نفس الوقت بدوس براحه علاشن محدش هيستناك وراك عربيات

انا دورت كتير على النت لقيت ان فى ناس بتعانى منو جدا وانو عاوز مماسه قويه جدا وتعليم علاشن تسوقها
وفى النهارده هوه مش مريحنى

طمنى انتى اخبار العربيه معاك ايه

[Ahmad Shawky]

انا هنقلكم كلام عن اليزى ترونيك فى سيارات الكورولا 2009 يمكن حد يقدر يساعدنا فى فهم سواقت اليزى ترونيك علشان متنتش مننا



السلام عليكم و رحمة الله و بركاته

الموضوع هو شرح الفتيس mmt الموجود بكرولا 2009 الافريقى و طريقة القيادة الصحيحة

اولا شركة تويوتا تعاقدت مع شركة بجنوب افرقيا لتقفيل كورولا ذات الفتيس المتطور علما بأن جميع الخامات و قطع الغيار و الموتور و الفتيس صناعة يابانى 100% و يتم التقفيل عن طريق ماكينات cnc يابانية الصنع مع وجود خبراء يابان فى المصنع و المقصود بالتقفيل فى جنوب افريقيا هو تقليل تكلفة الايدى العاملة فقط مثل تقفيل نيسان صنى فى مصر الذى يتراوح سعرها 85000 تقريبا بينما تقفيل اليابان 110000 جنية مصرى تقريبا.

الفتيس mmt
هو فتيس مانيوال تماما مثل اى فتيس مانيوال فى اى سيارة به اسطوانة دبرياج و ديسك و تروس غير الفتيس الاوتوماتيك الذى يتكون من ورق كلتشات و طرمبة زيت هيدروليكى .
و مميزات الفتيس mmt التى تجمع بين المانيوال و الاوتوماتيك هى:
1-عدم الضغط على بدال الدبرياج اثناء التعشيق حيث ان السيارة لا يوجد بها بدال دبرياج
و الذى يقوم بالضغط علية بستم هيدروليكى منسق من الكنترول يونيت بالسيارة.
2- عدم احتمال تبطيل محرك السيارة عند تحريك السيارة.
3- عزم اكثر مثل المانيوال تماما.
4-تكلفة صيانة اقل بكثير من الفتيس الاوتوماتيك و صيانة الفتيس mmt هى تغير الاسطوانة و الديسك الذى يرجع الفتيس كما كان جديد تماما.
5-عدم احتمال التعشيق الخاطأ حتى عن طريق المستخدم.
6-خمس سرعات امامية و سرعة واحدة خلفية.

طريقة القيادة الصحيحة :
هى طريقة جديدة يتطلب على من يريد شراء السيارة ان يتعلمها و يمارسها حتى يتمكن من القيادة الصحيحة
مثل الذى يقود اوتوماتيك فقط و يريد قيادة مانيوال بالطبع سوف يقول فى الاول انها صعبة و بها نخع بالموتور و ...الخ.

الفتيس بة ثلاث طرق للقيادة :
e - es - m

1- ال e
هو نظام نقل السرعات اوتوماتيكيا عند عدد لفات موتور منخفضة لتوفير الوقود و هذا النظام يفضل ان يستخدم فى الاماكن الغير مزدحمة لانة مثلا سوف يتم نقل الترس الخامس عند سرعة 50كيلو فى الساعة مما يعطى ايحاء لقائد السيارة بتكاسل الموتور لان عدد لفات الموتور لا يتجاوز 1500لفة بالدقيقة و هذا طبعا لا و حل هذا الموضوع هو الضغط على الريشة (-) خلف عجلة القادة ليتم رجوع الترس على 4 او 3 كما تريد
مع العلم لابد من عدم الضغط على دواسة البنزين اثناء النقل حتى عند النقل الوتوماتيكى حتى لا تشعر بنتشة و لسهولة اكثر لقيادة مثل الاوتوماتيك تماما يتم تحريك السيارة بالضغط الخفيف على دواسة البنزين و هذا فى موديل 2009 فقط اما 2008 فيتتطلب على مالك السيارة للذهاب الى التوكيل لتعديل السوفت وير الجديد و تصبح السيارة مثل 2009 تماما .
اسئلة شائعة:
1-احيانا يم تأخير نقل الغيار على ال e
الاجابة: الذى يؤخر نقل الغيار هو انك قمت بزيادة الضغط على البنزين مما يجعل الكمبيوتر يفهم انك تريد قيادة سريعة او انك تريد تخطى سيارة اخرى على الطريق مما يجعل النقل على عدد لفات موتور اعلى تقريبا 5000 لفة بالدقيقة و الحل هو الضغط على الريشة (+) خلف عجلة القيادة و انت لا تضغط على دواسة البنزين.
2- اشعر بنتشة عند نقل الفتيس
الاجابة: لابد من تخفيف الضغط على دواسة البنزين عند نقل التروس التى سوف تعرف توقيت التغيير بممارسة قيادة السيارة.
3-قبل ايقاف السيارة على سرعة 30كيلو تقريبا اذا ضغط على الريشة (-) مع الفرامل يرتفع عدد لفات الموتور
الاجابة: لان فى هذة الحالة الكمبيوتر يفهم انك عايز تقف وقوف مفاجأ مما يجعل الترس على (1) للفرملة بالموتور مع فرامل القدم.

ثانيا الوضع es:
هو نظام رياضى قوى جدا الى بقوم تغيير التروس على عدد لفات موتور 6500لفة بالدقيقة و يقوم بتشغيل vvt لتشغيل ال 16 صمام كاملين لاقصى قدرة للسيارة و لهذة القيادة تقوم بالضغط على دواسة البنزين على الاخر و عند وصول عدد لفات الموتور الى 6000لفة اترك دواسة البنزين ليتم النقل ثم اضغط عليها مرة اخرى لانك لو لم تترك الدواسة يقوم الكمبيوتر بفصل الدواسة اوتوماتيكيا لمدة ثانية تقريبا و لا تنسى ان هذا الفتيس مانيوال اى لابد من ترك دواسة البنزين عند النقل.
و هذا النظام قوى جدا ليعطى تسارع من صفر الى 100 كيلو فى 10 ثوانى اقريبا.

ثالثا m:
هو نظام المنيوال الذى يفضل فى القيادة الرياضية او القيادة البطيئة فى الاماكن المزدحمة عن طريق تغير الترس بين 1 و 2.
اسئلة شائعة:
1- عند القيادة مانيوال فى الاماكن المذدحمة يتم نزول الى الترس (1) عن تهدئة سرعة السيارة.
الاجابة:لكى لا يتم نزول الترس على (1) عند تحريك السيارة فى البداية اعطى ترس (1) و عند تحركها عند سرعة بطيئة جدا مثلا 3كيلو فى الساعة اعطيها ترس (2) فى هذة الحالة لا يتم نزول الترس على (1) الا اذا توقفت السيارة تماما.
2- عند نقل المانيوال بطريقة رياضية اشعر بنتشة
الاجابة: اترك بدال البنزين مع النقل فى نفس الوقت تماما سوف تجدها ناعمة جدا و لا تتأثر السرعة نهائيا.
3-عند تهدئة السيارة على سرعة 50كيلو تقريبا اذا نزلت الترس مع الفرامل يرتفع عدد لفات الموتور.
الاجابة: لان فى هذة الحالة الكمبيوتر يفهم انك عايز تقف وقوف مفاجأ مما يجعل الترس على (1) للفرملة بالموتور مع فرامل القدم.
4-ممكن عند وقوف السيارة اعشق الفتيس حتى لا تتحرك مثل p فى الاوتوماتيك
الاجابة:نعم قبل ابطال المحرك ضعة على الوضع m و اعطية ترس (1) ثم ابطل المحرك بهذة الطريقة لا يمكن تحريك السيارة حتى بدون رفع فرامل اليد.

ملاحظة هامة:
لابد من التعرف على السيارة و ممارسة القيادة حتى تعرف كل امكانيتها و سلاستها فهى مثل الحصان الشرس اذا عاملتها بلطف ستكون القيادة هادئة و اذا عاملتها بعنف و طريقة غير علمية فسوف تشعر بأن بها نتشات و هذا طبعا لا لان هذ الفتيس مانيوال اصلا و لابد من التعرف على طريقة القيادة الصحيحة و ان شركة تويوتا مش غابية علشان تفكر فى تصنيع هذا النظام الرائع و تضحى بأسم كورولا. ....منقووووووول

[Ahmad Shawky]

وده رأى ناس تانيه بس للاسف محدش بيزكر فى حالت الفرامل زى التسارع
انا بالعكس التسارع معنديش فيه مشكله تماما المشكله كلها لمه تدوس فرامل وتيجى تدوس بنزين تانى هترججرج معاك لبطا التعشيق غالبا

وده الكلام المنقول هيبدأ من هنا
* الإيزي ترونيك : سهل جدا تدور و هيا N
خبطة شمال يبقى اوتو (ويرجع مكانه)
خبطه يمين يرجع N (ويرجع مكانه)
يمين وورا R (ويرجع مكانه)
قدام وورا نقلات زي المانيوال تمام (ويرجع مكانه)
طبعا في indicator في العدادات
ولكن ولكن ولكن
في تقصيرة قاتلة بين كل نقلة و التانية (مش تكة و لا نتشة ) تقصيييرة يعني لو بتشد مع واحد أولاني في تاني هيكون أولاني بس :D
- الموضوع ليه حل : هوا ان العربية اول ما تشاور عقلها و تييجي تنقل تقوم حضرتك ترفع رجلك عن الدواسه همسة و تدوس تاني (بس لازم تتوقع موعد النقلة القادمة) لأن العربية مش بتنقل عند RPM ثابت بل بشكل متغير حسب نوع القيادة
- التقصيرة دى تكاد تكون غير ملحوظة على السرعات العالية .
(رأي شخصي العربية دي تتركب مانيوال)

[SeiffoZ]

حالة حضرتك دى نفس إللى لاحظته إنهاردة فى سكودا فابيا 2009 تبترونيك...

لما تنزل تفرمل و عايز تطلع تانى و الغيار على التانى بتحس إنها بتأخذ وقت تفكر و بعد كده تطلع .... و عامة إستجابة الفابيا بطيئة على سرعة أقل من 30 ... لما تكبس بنزين لحظة كده و العربية تبدأ تتحرك ...

ده إللى فهمته من كلامك إن لما السرعة تنزل ما بين الغيار الأول و التانى بتكون الإستجابة بطيئة مش كده؟؟

[Ahmad Shawky]

حالة حضرتك دى نفس إللى لاحظته إنهاردة فى سكودا فابيا 2009 تبترونيك...

لما تنزل تفرمل و عايز تطلع تانى و الغيار على التانى بتحس إنها بتأخذ وقت تفكر و بعد كده تطلع .... و عامة إستجابة الفابيا بطيئة على سرعة أقل من 30 ... لما تكبس بنزين لحظة كده و العربية تبدأ تتحرك ...

ده إللى فهمته من كلامك إن لما السرعة تنزل ما بين الغيار الأول و التانى بتكون الإستجابة بطيئة مش كده؟؟

بالظبط هوه ده الى بيحصل الله ينور عليك
ويريت الإستجابه بطيئه فقط بدون اى نتش لا ده نتش وهيصه لازم تستناها برحتها خالص

وكمان لو حضرتك جرب تدخل على مطب وانته على الخامس وبتفرمل فى مسافه قليله هتلاقيه بينزلك من 5 لل 2 فى وقت اطول من المسافه ولمه انته بتلاقى ده بيحصل عفويا بدزود دوست الفرامل تلاقى الموتور قفش عليك لانو نقل نقله فجائيه مع الفرامل

بصراحه مأساه مش عارفلها حل

[loodaa]

ازيك يا خالد عامل ايه

الفكره مش فى كده الفكره فى ان لو فرملت وبسرعه اتحركت تانى وده بيحصل فى الزحمه كتير ان عربيه تقف قدامك فتقف انته فجأه واول متدوس انته فرامل العربيه الى قدامك تتحرك فلازم تدوس بسرعه وفى نفس الوقت بدوس براحه علاشن محدش هيستناك وراك عربيات

انا دورت كتير على النت لقيت ان فى ناس بتعانى منو جدا وانو عاوز مماسه قويه جدا وتعليم علاشن تسوقها
وفى النهارده هوه مش مريحنى

طمنى انتى اخبار العربيه معاك ايه

العربية تماما الحمد لله, بص انا مابفهمش كتير في الاوتوماتيك ولا جربت اسوقه ولا الايزيترونيك بس العربية في المانيوال تحفة و النقل بيكون سريع جدا و في الشد بتكون رهيبة و لما صوتها يعلى بحس اني بلعب need for speed عشان الrpm بيعلى بسرعة جدا لما بكبس بنزين و عداد السرعة بيزيد بسرعة جدا بس انا ماجربتش بعد السرعة 110 و الحمد لله مريحاني جدا في البنزين عشان بفول مرة كل شهر.

[Ahmad Shawky]

العربية تماما الحمد لله, بص انا مابفهمش كتير في الاوتوماتيك ولا جربت اسوقه ولا الايزيترونيك بس العربية في المانيوال تحفة و النقل بيكون سريع جدا و في الشد بتكون رهيبة و لما صوتها يعلى بحس اني بلعب need for speed عشان الrpm بيعلى بسرعة جدا لما بكبس بنزين و عداد السرعة بيزيد بسرعة جدا بس انا ماجربتش بعد السرعة 110 و الحمد لله مريحاني جدا في البنزين عشان بفول مرة كل شهر.

ربنا يباركلك فيها يا باشا
تصدق انى بفكر اهولها مانيوال لو ينفع
فكرت فى الفكره دى وانا سايق وقولت هيه كل الحكايه الفتيس هيتغير ويركبو دبرياش بس مش عارف انا كده بخرف وله جائز الكلام ده

يإما حد يعلمنا ازاى نسوق البتاعه دى

[loodaa]

ربنا يباركلك فيها يا باشا
تصدق انى بفكر اهولها مانيوال لو ينفع
فكرت فى الفكره دى وانا سايق وقولت هيه كل الحكايه الفتيس هيتغير ويركبو دبرياش بس مش عارف انا كده بخرف وله جائز الكلام ده

يإما حد يعلمنا ازاى نسوق البتاعه دى

طب يا سيدي ما ينفع تسوقها مانيوال شيل الاوتوماتيك و اشتغل بال + و - بس و لما تبطأ هات الاول واطلع عليه و بكده مش حيحصل حاجة

[Ahmad Shawky]

طب يا سيدي ما ينفع تسوقها مانيوال شيل الاوتوماتيك و اشتغل بال + و - بس و لما تبطأ هات الاول واطلع عليه و بكده مش حيحصل حاجة

يا خالد المشكله مش فى الصعود التدريجى المشكله فى التنازولى

بمعنى انى معنديش مشاكل وهوه بيتنقل من 12345 بينقلها حلو اوى حتى فى الزحمه
كل المشاكل وانا داخل على مطب صناعى او اى حاجه خلتو ينزل من 5432 بتلاقى العربيه نتشت منك ودى حتى فى المانيوال مش هتعرف تتصرف فيها لان انته فى المانيوال بتزود نقلات ولمه تفرمل هوه بينزلك السرعات لوحدو ولو حاولت تزل انته معاه السرعات قبلو هتتخنق تماما لان هيبقى فى تعارض فى الاوامر ومش هتعرف تشتغل بيها اصلا
يعنى بختصار ان كل مشاكلى فى التنازلى مش التصاعدى
والتنازولى طبعا غصب عنى اوتوماتيكيا حتى فى المانيوال

على العموم انا مستنى رأى الناس كلها يمكن حد يفدنا

[loodaa]

طب استناه لما يوصل للتاني و بعدين انت نزل واحده تبقى كده على الأول و بعدين امشي عادي ولا انت قصدك ان النتشة أصلا في الفرملة مش في الانطلاق بعد الفرملة

[Ahmad Shawky]

مش كده خالص يا خالد هوه محدش هيفهم كلامى غير حد معاه عربيه ايزى ترونيك

[korkor]

هى الفتيس بتاعها مافيهوش اتوماتيك مود وتريح دماغك من وجع القلب ده

[Ahmad Shawky]

هى الفتيس بتاعها مافيهوش اتوماتيك مود وتريح دماغك من وجع القلب ده

للأسف لا وإلى كان بقى اسمها اوتوماتيك مش ايزى ترونيك