التمبرا سؤال وجواب

[Ahmed_Farouk]

ممكن يكون العيب من الكاربراتير و الله أعلم انا مش عارف افيدك لان عندى العربية انجيكشن ممكن باقى الزملاء يفيدوك احسن منى بس رديت على قدر معرفتى

ألف شكر على ردك يا استاذ هشام. كفاية انك شرفتني بردك.
انا لسه منضف الكربيراتير قريب بالمنظف الاسبراي و فرق معايا في السحب بس الاستهلاك لسه عالي

[heshamzaky]

ألف شكر على ردك يا استاذ هشام. كفاية انك شرفتني بردك.
انا لسه منضف الكربيراتير قريب بالمنظف الاسبراي و فرق معايا في السحب بس الاستهلاك لسه عالي

بص ظبط الموتور جاليليو و زلبانى و دكتور ضياء ممكن يفيدوك انا عندى مفيش ظبط للموتور و لا حاجة ممكن بتلعب فيها ف مش عارف بالظبط ممكن يكون اية و طبعا باقى الاخوة التمبراوية الافاضل نفر نفر دون اغفال اى واحد منهم ممكن يقولو معلومة انا ما اعرفهاش

[galilio_mad]

طيب لو العربية بتسحب كويس أوي و بتاكل بنزين؟ يعني 130 كيلو في الصفيحة. سواقتي هادية بنقل على 2500 او 3000. البوجيهات مش مهببة و الفلتر نضفته. و بنزين 92. العربية 1600 كربيراتير

العربية موديل كام و عاملة كام كيلو ؟؟
طبعا مع اللى انت بتقولة الشكمان مهبب قوى و الصبح مع اول الدوران بيطلع دخان اسود ؟؟؟
اخبار السخونة ايييه ؟؟؟؟

السؤال الاهم , ازاى العربية بتسحب كويس قوى و انت بتنقل على 3 بالكتير ؟؟؟؟؟؟؟

[Ahmed_Farouk]

العربية موديل كام و عاملة كام كيلو ؟؟
طبعا مع اللى انت بتقولة الشكمان مهبب قوى و الصبح مع اول الدوران بيطلع دخان اسود ؟؟؟
اخبار السخونة ايييه ؟؟؟؟

السؤال الاهم , ازاى العربية بتسحب كويس قوى و انت بتنقل على 3 بالكتير ؟؟؟؟؟؟؟

العربية موديل 93 و عاملة 127000 كم. و فعلا الشكمان مهبب بس مخدتش بالي من موضوع الدخان مع الدوارة ده. ترموستات الكوعة متشال و عشان كده الحرارة مع الجري مبتعديش 70. بالنسبة للسحب العربية لما احب اقرص عليها بتشد معايا كويس بس انا مبشدش الا على الطرق السريعة يعني مرة في الاسبوع. باقي الاسبوع سواقتي هادية جوه البلد و بنقل على 3. و شكرا على ردك و اهتمامك

[galilio_mad]

العربية موديل 93 و عاملة 127000 كم. و فعلا الشكمان مهبب بس مخدتش بالي من موضوع الدخان مع الدوارة ده. ترموستات الكوعة متشال و عشان كده الحرارة مع الجري مبتعديش 70. بالنسبة للسحب العربية لما احب اقرص عليها بتشد معايا كويس بس انا مبشدش الا على الطرق السريعة يعني مرة في الاسبوع. باقي الاسبوع سواقتي هادية جوه البلد و بنقل على 3. و شكرا على ردك و اهتمامك

و الله اعلم , انت كده عندك مشكلة ان الخليط عندك Rich يعنى البنزين اكتر من المفروض و الهوا زى ما هو

و 130 كم فى الصفيحة ده كتير قوى , انا باعملهم فى الجرى المتخلف بتاع 5 و 6 RPM

حاول تشوف توصيلات الفاكيوم و جوانات الشكمان و الفرن و بالمرة شوف قاعدة الكربراتير لو فيها اى تسريب ضغط
و لو كل ده سليم , تبقى المشكلة من الكربراتير نفسه او توقيت الشرارة عندك مش مضبوط

انت ممكن تعمل شوية حاجات وقائية و صيانه فى نفس الوقت ,
تغيير فلتر الهوا و البنزين + ضبط الموتور كويس + ضبط تاكيهات + التأكد ان العربية مش بتسخن

و لو ممكن , صورة للموتور بتاعك عشان احاول اعرف دى انهى موديل

[ZALABANY]

العربية عندي بقيت اسمع صوت تكتكه في الملفات في الناحيه اليمين هل دي كبالن ولو كده ممكن امشي عليها شويه ولا اغيرها على طول وايه احسن حاجه موجوده وياربت اسعار لو حد اشتراها

[adelco]

السلام عليكم
سلامى للجميع
والف سلامه على الكوبلن يا محمد باشا

السؤال موجه للاستاذ جاليليو

بس قبل ما اسال انا عارف انك بتحب يكون السؤال محدد وفى معلومات وبالطريقه دى تعرف تجاوب بس المشكله ان الكلام دة محتاج واحد عنده خلفيه معقوله عن العربيه وللاسف انما ما عنديش بس انا هحاول على قد ما اعرف
المهم
كنت فى عزاء وكنت راجع منه والعربيه طبعا سخنه والطريق زحمه وماشى ثانى ثالث ووانا ماشى على الثانى العربيه عملت زى ما تكون لسه بارده وانا بدوس بنزين لاقيت الRPM راح نازل والعربيه مبطله ده وانا فى نصف الطريق

وكانت الظروف كالتالى
الجو كان حر جدا
العربيه كان راكب فيها 6
التكييف كان شغال
درجه الحراره كانت كويسه 88-89 -90-91-92 ما بيزيدش عن كده

وبعدين حاولت ادور كذا مرة تدور وبعدين تبطل اكتر من مرة لحد ما قمت مزود بنزين جامد كأن كان فى حاجه خانقه العربيه وراحت دايرة وفضلت طول المشوار مزود عشان ما تبطلش
الموضوع ده ما اتكررشبس من الوقت ده واحوال العربيه مش عاجبانى ومش عارف

والمعلومات اللى اقدر اقولهالك عن العربيه كالاتى
المشوار اليومى بتاعى حوالى3- 4 كيلو واخرى فيه الغيار 3 لان الطريق مش كويس خالص
الصبح لما بسخن RPM بيكون تقريبا على 8 -10تقريبا وبعد ما امشى شويه بالعربيه وانا على السلانسيه بتاع الثانى الاقيه بقى 5 والعربيه تفضل تكركر وانا ماشى واضطر استخدم الدبرياج او ازود بنزين عشان ما تبطلش منى لان زى ما قلت لك الطريق وحش جدا وضطر امشى بالراحه
الجزء بتاع الفاكيوم مش شغال
انا بحط موبيل 3000 تقريبا كده اللى هو Xhp
العربيه عامله 155 الف
انا مشيت بيها 6000 كيلو من ساعه ما اشتريتها فى شهر 3 غيرت الزيت اول ما اشتريتها وبعدين غيرته تقريبا 3 مرات تانى
كل اللى بيركب العربيه بيشكر فيها واقصد بكل الناس اللى بتفهم عنى فى العربيات ومن ضمنهم هشام مثلا
العربيه موديل 97
فلتر البنزين اتغير ساعه ما اشتريت العربيه
فلتر الزيت غيرته مرتين
فلتر الهوا غيرته لما اشتريت العربيه
غيرت السيور كلها اول ما اشتريتها
البوجيهات ما اتغيرتش بوجيه واحد فقط اللى اتغير وقتها
بحط بنزين 90
مياه التبريد بزودها كل اسبوع تقريبا 1/2 زجاجه تقريبا واحيانا اقل
المشى بتاعى ما بيعديش 3.5 ولو جبت 4 بكون خايف جدا على العربيه يعنى بغير على 2.5 او 3 تقريبا
لكن على الرق الطوالى بكون دايما والطريق فاتح 100-120 ولو قرصت حته صغيرة 140 ودى اخر حاجه ليا
من 3 شهور غيرت علبه الشكمان اللى ادام والسوسته وضبطت المشترك
بس من قريب خبطت الشكمان وانا بركن فى الرصيف من ورا وانثنى ورحت لحمته وبعدين خبطته تانى ورحت لحمت نفس المكان وانا بلحمه بتاع الشكمان قالى ان العلبه اللى ورا كمان عاوزه تتغير بس انا ما رضيتش
العربيه عاده ما بتطلعش دخان بس احيانا اول ما ادور تطلع دخان اسود
وعاده بتجيب ميه من الشكمان
وده كل اللى اعرفه عن العربيه
المطلوب من حضرتك تقولى لو فى حاجه من اللى فات ده تخليك تقلق ايه هي وتقولى اروح للميكانيكى اقوله ايه لانى مش هعرف اعمل حاجه

والجزء التانى من السؤال هو عن استهلاك البنزين بس انا فولت ومستنى اعمل رقم مثلا 200 كيلو وبعدين افول واعرف الاستهلاك واقولك

لو عندك سؤال من فضلك اسال ولو اعرف هجاوب

[Ahmed_Farouk]

و الله اعلم , انت كده عندك مشكلة ان الخليط عندك rich يعنى البنزين اكتر من المفروض و الهوا زى ما هو

و 130 كم فى الصفيحة ده كتير قوى , انا باعملهم فى الجرى المتخلف بتاع 5 و 6 rpm

حاول تشوف توصيلات الفاكيوم و جوانات الشكمان و الفرن و بالمرة شوف قاعدة الكربراتير لو فيها اى تسريب ضغط
و لو كل ده سليم , تبقى المشكلة من الكربراتير نفسه او توقيت الشرارة عندك مش مضبوط

انت ممكن تعمل شوية حاجات وقائية و صيانه فى نفس الوقت ,
تغيير فلتر الهوا و البنزين + ضبط الموتور كويس + ضبط تاكيهات + التأكد ان العربية مش بتسخن

و لو ممكن , صورة للموتور بتاعك عشان احاول اعرف دى انهى موديل

حابص على كل اللي قلت عليه ده و ابلغك بالنتيجة. و ححاول ارفعلك صورة للمتور

[galilio_mad]

السؤال موجه للاستاذ جاليليو

استاذ و رئيس قسم و باشمهندس و حبيب قلبى

هى دى الاسئلة ولا بلاش , غرقتنى معلومات و قاعد انشف فيها دلوقتى
اول ما تنشف حأرد عليك على طول ههههههههههههههههههههههههههههه ( مع الاعتذار لـ اتش )

معلش يا ريس , انا عايز ارد على المشاركة العبقرية دى وانا رايق
لو خلصت شغل كمان شوية بامر الله حارد , لو ما كانش يبقى بكره ان شاء الله

[galilio_mad]

عــادل بــاشــا

و الله اعلم , ده احتمال كبير يكون عيب طرمبة البنزين , فى عيب شائع فى طرمبات البنزين الميكانيكية انها لما بتسخن بتقفش شوية و تقطع , بس طالما ما عملتهاش تانى او مش متكررة غير تحت ظروف تشغيل عنيفة زى اللى انت قولتها دى ما تشغلش بالك
خليها لما العيب يبقى متكرر او بيحصل كل ما تعمل حاجة معينة

بس ليا ملاحظة , نص زجاجة ميه فى الاسبوع كتييير قوى , راجع على الخراطيم و الافايز و اتأكد ان مفيش حاجة بتسرب
و لو انت بتستعمل ميه عادية حتلاقى مكان التسريب اثر الصدا ظاهر , و راجع على الرادياتير بالمرة و الغطا بتاع القربة

زيت موبيل مش كويس , فكر فى التغيير الى شل او توتال

كده كده هات طقم بوجيهات نضيف ( هشام ممكن يضبطك فى ال ngk من جنب الشغل عنده )
و استعمل منظف لدورة البنزين ( موبيل كويس و بحاجة و عشرين جنيه , و فى gunk و stp كويسين برضو بس اغلى شوية )
و الاهم اضبط تاكيهات و اضبط الموتور ضبطة حلوة
و بامر الله لما تحل مشكلة نقصان المية استعمل كولانت للميه العادية احسن من الميه الخضرا و بتقلل الحرارة شويتين و الاهم انه بيغير خواص مية الحنفية و بيرفع درجة غليانها شوية و ده احسن للموتور

و لو ليك اى استفسار انا تحت امرك يا باشا

[heshamzaky]

جاليليو انا غيرت الرادياتير بواحد الومونيم جديد انت عارف و هوة 2 ماسورة حلة الراجل الى غيرة محل بيبيع رادياتيرات مش محل قطع غيار المهم بعد ما ركبت و تمام قولت لة نحط مية خضراء قالى لآ مع العلم انة بيبيع مية خضراء و مية حمراء قولت لة لية قالى مش حا تفرق و انا كنت عاوز احط المية دى بس الناس القديمة فى الصبعة بيقولو ان المية الخضراء بتاكل فى المواسير بعد شوية و لو الرادياتير نحاس و قديم اوعى تحط مية خضراء اية رايك و اية المية الخضراء اى انت بتقول عليها منين و بكام و ادائها اية بص الى انا عارفة فية جركن 4 لتر مصرى ب 20 جنية و جركن اخر ب 35 او 30 جنية و مية حمراء من موبيل مش عارف بكام و فية علبة صفيح زى الكانز سعودى بتتزود على الرادياتير قول الى عندك اية كدة و التفاصيل

[galilio_mad]

اللى انا بتكلم عليها مش ميه خضرا , ده مبرد مركز بيتحط على ميه الحنفيه
و فعلا فى انواع ميه خضرا بتبقى مركزة قوى و فعلا ممكن تاكل النحاس او الالومنيوم

انا كنت جايب علبتين gunk حطيت واحدة و التانية عندى فى البيت حابقى اصورهالك

[heshamzaky]

منين و بكام يا جاليليو و ادائهم اية بص لو انت مجربهم يبقو اكيد اوك منين و بكام و هية مجرد تزودها من القربة صح كدة

[kdosoki]

مش عارف يا جاليليو ايه رايك
فى الناس اللى بتغير الزيت بس وتسيب فلتر الزيت وتغيره كل مرتين ثلاثة ؟
انا حاسس ان ده غلطت لو قلنا ان فلتر الزيت وظيفته تنقية الزيت من الشوائب يبقى الزيت اللى بيفضل فى الفلتر يحمل اكبر كم من الشوائب ولما نغير الزيت حكمنا بالاعدام على الزيت الجديد من حيث تغيير خواصه ( خلطة الزيت القديم اللى فى الفلتر ) وايضا الشوائب ( اللى كانت موجوده فى الزيت القديم )
ايه رأيك ؟؟؟؟؟؟؟

[galilio_mad]

منين و بكام يا جاليليو و ادائهم اية بص لو انت مجربهم يبقو اكيد اوك منين و بكام و هية مجرد تزودها من القربة صح كدة

طبعا بيتزود من القربة , اللى انا جبته كان ب 25ج و فى اغلى و فى ارخص
و الميزة انك لو زودت بعد كده حتزود ميه عادية لانك لو بتستخدم ميه خضرا اجبارى لو زودت تزود ميه خضرا

مش عارف يا جاليليو ايه رايك
فى الناس اللى بتغير الزيت بس وتسيب فلتر الزيت وتغيره كل مرتين ثلاثة ؟
انا حاسس ان ده غلطت لو قلنا ان فلتر الزيت وظيفته تنقية الزيت من الشوائب يبقى الزيت اللى بيفضل فى الفلتر يحمل اكبر كم من الشوائب ولما نغير الزيت حكمنا بالاعدام على الزيت الجديد من حيث تغيير خواصه ( خلطة الزيت القديم اللى فى الفلتر ) وايضا الشوائب ( اللى كانت موجوده فى الزيت القديم )
ايه رأيك ؟؟؟؟؟؟؟

و الله انا عن نفسى لما كنت باستعمل زيت توتال ابو 100ج كنت باقعده 5000 كم و باغيره بالفلتر
و بما انى باغيره بايدى باغيره و العربية باردة و الزيت كله مرسب فى الكارتيره

دلوقتى باستعمل توتال ابو 58ج و باقعده 2500-3000 و بينزل كويس و مش متوسخ قوى
و باغير الفلتر مرة و مرة

طبعا لو انت مش ممانع التكلفة بتاعة الفلتر فى كل غيار زيت , توكل على الله و اعمل كده

بس برضو الموضوع مش زى ما انت متخيل , الرواسب و الشوائب ما بتملاش الفلتر غير بعد استخدام طويل يعنى ممكن مثلا 20-25 الف كم و يمكن اكتر , انا ما شفتش قبل كده عن فلتر زيت اتسد
و حتى الناس المهملة فى غيار الزيت مش بتشتكى من الموضوع ده

و ارجع و اقولك وجهة النظر المنطقيه , الزيت و الفلتر ارخص من الموتور او العمرة او حتى طقم الشمبر
و الزيت زى ما له دور التليين له دور تبريد برضو , مش تبريد بجد , بس بيكتسب جزء من درجة حرارة الموتور من الاجزاء اللى له تلامس مباشر معاها , فالمنطق بيقول ادفع فى الزيت بانتظام بدل ما تتورط فى صيانة او تغيير موتور لا قدر الله

و فى الاخر كل مالك عربية له تفكير مختلف عن التانى و بيحسبها حسبة مختلفة