إعـــــــلان

Collapse

.

,
See more
See less

تجربتى الشخصية للبونتو 2008 بالتفصيل الممل

Collapse
X
 
  • Filter
  • الوقت
  • Show
Clear All
new posts

  • تجربتى الشخصية للبونتو 2008 بالتفصيل الممل

    انا عندى بونتو 2008 و حاحكياكو على كل حاجة بالتفصيل الممل .
    أولا انا عايزكوا تقدروا مجهودى لان دى اول مرة اكتب موضوع بkeboard عربى
    أنا اشتريت العربية فى 9 سنة 2007 يعنى من سنتين بالضبط , كانت ب 72000 بدون كاسيت ولا جنوط ولا فوج لايت ولا مساند رأس خلفية.

    كلام مقتبص من "tutankhamoun" أنا متفق عليه :

    العربية قوتها معقولة قوي و بتؤدي الغرض منها بنسبة 100 % لتقضية المشاوير و الذهاب إلى العمل و الذهاب إلى المتنزهات
    السيارة موفرة في البنزين .... معقولة المساحة الداخلية و إن كانت ضيقة لكبار الحجم و طوال القامة
    كماليات السيارة ليست كثيرة و لكنها تؤدي الغرض منها بنجاح تام
    التكييف ... تأثيره في الحر الشديد ليس جيد على المحرك و لا على الركاب
    فهو تكييف عادي جدا و بيؤثر على أداء السيارة في الحر الشديد فقط و يكون مفعلوه داخل السيارة عادي جدا
    و لكن على الطرق المفتوحة بيكون تأثيره أفضل كثيرا حيث يكون هناك فرصة أفضل للمحرك للتهوية و التبريد مما يزود كفاءة عمل التكييف و المحرك معا
    الكاسيت ... نظام صوتي معقول جدا و مناسب للسيارة و صوته نقي
    البارو ( التحكم الإلكتروني أو الكهربائي في عجلة التوجيه أو عجلة القيادة )
    من أفضل أنواع البارو التي يمكن أن تراها في حياتك ......................... (أنا متفق فى النقطة دى تماما)
    له درجتان .. المدينة و هذه الدرجة تجعل منه سلس كأنك تضع يدك في ماء النيل .. لا يوجد أي مقاومة و هو مفيد جدا في القيادة الداخلية و مفيد بطريقة جميلة جدا في ركن السيارة و الإنعطاف في أماكن ضيقة
    الدرجة الثانية و هي المخصصة للقيادة على الطرق السريعة و هو جيد للسرعات العالية
    زجاج كهربائي أمامي فقط
    المحرك موفر في البنزين فعلا
    الإستهلاك بيوصل ل 15 أو 16 و أحيانا 20 كم / لتر و ده ناتج عن وزن السيارة القليل المقارب لحوالي 860 كجم و أيضا المحرك صغير الحجم المتناسب جدا مع حجم السيارة
    قطع الغيار متوفرة في كل مكان و بتعيش لفترات طويلة إذا حافظت على العربية كويس ..........................(أنا شخصيا غير متفق فى النقطة دى)
    التوكيل الرسمي للسيارة هي شركة أواماترا في منطقة جسر السويس
    و هناك أيضا مركز الخدمة الخاص بشركة النيل الهندسية الموجود في أبو رواش و يجب أن نذكر هنا أن شركة النيل الهندسية هي التوكيل السابق لفيات في مصر و لديهم مركز ممتاز و يقومون بإصلاح ماركات ايطالية مثل فيات و ألفا روميو
    أداء السيارة
    تجميع السيارة للسرعة على سرعات قليلة ... ممتاز لأنها بتديك أقصى عزمها على سرعات قليلة مما يجعلها سيارة مثالية للقيادة داخل المدينة
    و لكن تجميع السرعى على سرعة أعلى من 90 إلى 100 بيبدأ يضعف قليلا و بتجمع ببطئ و خصوصا لو حاولت تشد مع عربية تانية عند السرعة دي
    بتوصل لأقصى سرعة بالعافية و خصوصا لو أنت مهتم بالمحرك و صيانته و بتحط بنزين 92 أو 95
    و ممكت توصل لسرعات أعلى من كدا بحد أقصى 170 في حالة وجود الهوا في ظهرك و أيضا وجود منزل
    العربية بعد سرعة 120 إلى 130 بتبدأ تحس أنها هاتطير من على الأرض و هي ثابتة كويس قوي لغاية 110
    خامات العربية ممتازة و بتستحمل شوارعنا ...... و بتعيش و صعب لما حاجة فيها تنكسر أو تبوظ ..............................(أنا شخصيا غير متفق فى النقطة دى أيضا خصوصا العفشة)
    فيها عيبين
    المشط الإلكتروني أو وحدة التحكم الإلكترونية بتعملها و تقل بأصلها بعد مع تعدي 100 ألف كيلو في فترة من الفترات يعني ممكن تقعد معاك لغاية 150 و ممكن لاءة و أنت وحظ و دي ثمنها حوالي 2200 جنيه مصري من التوكيل و من خارج التوكيل
    بحوالي 1500 جنيه مصري
    الدريسكيون الباور
    لو وحدة التحكم بتاعته باظت ( الخاصة بقيادة المدينة ) ... ثمنها غالي بيوصل 3500 جنيه مصري


    كلام مقتبص من "ahmodium" أنا متفق عليه :

    -بوية العربيه ودهانها ضعيفه... بتتخربش بسهوله اوي..................... (أنا متفق فى النقطة دى تماما)
    -العزل داخل العربيه ممتاز..لما بتقفل الزجاج.. ماتسمعش حاجه من بره تقريبا
    -فوانيس العربيه الاماميه ممكن تعلى وتوطى حسب احتياجك



    تجربتى الشخصية للبونتو :
    أول ما سوقت العربية على السريع حسيت انها غير ثابتة (خفيفة) تماما , يمكن لانى كنت بسوق أوبل فكترا 2001 بتاعة والدى قبلها و هى أتقل بكتير . (وزن البونتو أقل من 900 كيلو ).
    أشتريت جنوط (اندونيسى أو تايوانى مِش فاكر) 15 بوصة ,و كاوتش 195/50 بدل من 165/70 14 بوصة (بتنزل الايام دى بجنوط 185/55/14 )
    و طبعا ظبطت زوايا و كدة
    ثبات العرية تحسن تماما حتى سرعة 130 تقريبا بدل من 90 . المشكلة انها أصبحت أبطئ قليلا بفرق بسيط.
    المشكلة التى اكتشفتها : لما أكون ماشى على السريع مثلا و العربية فيها 4 أفراد أو 5 الكاوتش الخلفى بيحك فى الرفرف من أى مطب صغير جدا أو جزء غير مستوى فى الطريق.
    روحت لواحد , ثنالى الشفة اللى فى الرفرف و المشكلة اتحلت . (و بدأت ترجع زى الأول تانى الان و حاقول لية بعدين )

    عملت صيانة ال 5000 مجانا , لأنها مجرد فحص عام , فى "الطارق النيل " فى الاسكندرية الباب الاخضر , المكان تعبان جدا و مابتشوفش بيعملوا اية فى العربية .
    و لو العربية محتاجة شغل مش حيخلص فى نفس اليوم حتى لو حجزت معاد مسبق , لان التوكيل دة بيعمل صيانة ماركات اخرى زى "سكوربيو"الهندية وهايما الصينية وبالتالى ضغط الشغل عندهم كبير .

    عملت صيانة ال10000 و دفعت 380 جنية ثمن تغيير زيت موبيل 1 و فلتر زيت و مصنعية . المرة دى روحت التوكيل بتاع القاهرة فى المنطقة الصناعية. أحسن بكتير من بتاع الاسكندرية رغم انه لا يرقى بتوكيل شركة عريقة زى فيات من حيث الحجم و الامكانيات.
    فى الاستراحة فى الدور الثانى بتشوف عربيتك من فوق و هما شغالين فيها. انتظرت أكتر من 3 ساعات رغم انى حجزت معاد بردو ! شغلهم بطيء رغم أعداد العربيات الفيات اللى بتروحلهم كل يوم , لأنة التوكيل الوحيد غير مركز الخدمة الخاص بشركة النيل الهندسية الموجود في أبو رواش.
    قلتلهم ان التكيف أصبح أضعف من الاول ,كشفوا علية فى خمس دقايق و قالولى دة زى الفل !
    قبل ما أروح التوكيل أخدت بالى ان فى جزء من الدهان متقشرة فى زاوية حادة عند الباب الخلفى . لمل قولت للمهندس عليه قالى ان العربية فيها حكة جنب الجزء المتقشر ,وهى السبب فى كدة علشان كدة مش مسؤلين عنها!!

    بعد شهرين و أنا راكن فى كامب شيزار فى الاسكندرية بليل , لقيت "كفة" المراية اليمين مسروقة . سألت عليها فى التوكيل قالولى ب 170 جنية بدون الضريبة , و كمان مش موجودة و ابقا اسأل عليها كمان شهرين !
    لقيت مراية تقليد كاملة عند محل قطع غيار فيات القديمة ب 160 جنية (فى التوكيل ب 380 تقريبا ) و فى فرق فى الجودة طبعا.

    بعد اسبوعين خبطت واحد سايق عجلة بيها و اتفشفشت ميت حتة (لأن خامتها أضعف ) . كان فى واحد صاحبى فى ألمانيا جابلى "كفة" المراية من التوكيل هناك بما قيمته 120 جنية.

    بعد كدة خبطت تاكسى كان ماشى يمين فى شمال و كسرت الفانوس اليمين , التوكيل قالولى ب 700 جنية بدون الضريبة و التركيب , بصراحة كانت حالتى المادية أيامها مش أد كدة , جبت واحدة استعمال الخارج فيها خدش ب 150 جنية.

    وأنا بغير فردة كاوتش فى مرة لقيت المنظر دة , الجزء الكاوتش فى المساعدين متاكل تماما , انا كنت حاسس ان العربية أصبحت أوطى ورا (ودة سبب انها بدأت تحك فى العجل تانى زى الاول) و كمان دة سبب ان اللى جالس ورا بيحس بالمطبات جدا
    قلت أسيبها كدة لحد صيانة ال20000 و خلاص.

    على فكرة الجنط اللأمامى يمين اتشرخ منى شرخ cm 1 قبل كدة و لحمته و حطيتوا مكان اللى ورا , و بعد كدة اللى مكانه أدام اتشرخ هو كمان . ناوى أشترى جنوط نظيفة ايطالى قريب ان شاء الله . تعرفوا أبيع الجنوط القديمة فين و بكام ؟

    التكييف أصبح أضعف بالتدريج لحد ما بقى زى المروحة! ما استحملتش و روحت التوكيل بتاع القاهرة علشان التكييف و كمان صيانة ال20000 بالمرة , بعد حجز معاد و كان مليان على اخرة كالعادة.و كنا فى أول رمضان , لما وصلت قالولى " مافيش وقت لتصليح التكييف و كمان صيانة ال20000 ,اختار حاجة واحدة المرة دى" ! أنا اخترت التكيف لأنى كنت بموت من الحر , بعد ساعتين استلمت العربية , قالولى كانت مسربة فريون و شحنوه . قلت طب دى ممكن تسرب تانى لو فى خرم ولا حاجة قالولى لأ ماتخافش. و ما طالبوش فلوس.

    بعد اسبوع حصل الاتى :
    1- بدأ التكيف يضعف تانى , بمعنى انة ياخد وقت طويل علشان يسقع و فى خلال مدة الهواء برودته تقل لحد ما يبقى زى المروحة.
    2- مروحة الردياتير أصبح صوتها عالى بالتدريج لحد فظييييييييع خصوصا لما أشغل التكيف.
    3- الدبرياج حصله حاجة غريبة : نزل لتحت جدا (يعنى بدوس عليه 2 cm كدة ) , جربت أرفعه بيدى طلع لفوق بس بزيادة (يعنى أعلى من مستوى الفرامل) , بعد 10 دقايق نزل تانى و عمات نفس الموضوع و هكزا !
    4- الفتيس مش ناعم زى الأول
    5- الكاوتش فى المساعدين المتاكل
    6- فى أصوات غريبة مختلفة بسمعها من الموتور على فترات مختلفة!

    روحت التوكيل تااااااااااااااانى بعد اسبوع علشان صيانة ال 20000 و التكييف . بعد 3 ساعات تقريبا استلمت المخروبة (كرهتها خلاص) و كانت المفاجأة : ما عملوش حاجة تماما غير صيانة ال20000 لأنهم بيقفلوا فى رمضان الساعة 3 .
    كاوتش المساعدين قالولى ان الجنوط "العريضة!" اللى مركبها هى السبب, و كدة عادى مش مشكلة!
    الدبرياج ظبطوه (قالولى فى كاوتشة اتحركت من مكانها )و المروحة قالولى صوتها عادى كدة!!
    الفاتورة : 940 جنية !! لية 940 ؟؟ هى العربية بكام أصلا علشان بعد 20000 كم أدفع المبلغ دة ؟! دة تمن تغيير زيت
    موبيل 1 و فلتر زيت و فلترهواء و بوجيهات و تيل للفرامل و طبعا مصنعية و ضريبة بعد خصم 30 جنية لانى روحت فى المعاد اللى حجزته . .
    بس أخدت بالى ان العربية محكوكة من الجنب, قلتلهم عليها قالوا ما هو فى علامة فى الورقة أهى (
    ورقة فيها علامات بمكان الخدوش و الخبطات بأخ\ نسخة منها فى الاول ) قلتلهم العلامة فى الباب الامامى بس لان كان فى خربوش صغير فعلا , قالوا أصل العلامة دى معناها ان ليها امتداد للباب الخلفى . بعد مناقشة فاشلة زهقت منهم و مشيت.
    بعد نصف ساعة الدبرياج رجع زى ما هو تانى !!

    أنا حاروح التوكيل بعد العيد ان شاء الله لتصليح ال 6 حاجات دى , بس المرة دى أنا يا قاتل يا مقتول . بجد أنا حازعق و ألم عليهم البلد و أبلغ "جهاز حماية المستهلك" لو حصل حاجة تانى .وهو فايدة الضمان اية بأة ؟ لأن OMATRA كدة عبارة عن شوية نصابين و حرامية .
    الملفات المرفقة

  • #2
    ربنا يعينك
    دا انا كنت بافكر جديا اشتريعا
    كل اللي معاهم بونتو في المنتدي اتكلموا عنها كويس

    ايه راى خبراء البونتو ؟
    د. أشرف هنداوى

    Comment


    • #3
      ادخل على موقع فيات و اختار contact us و قول كل اللي قولته بالانجليزي على انها شكوي واستنى يومين و شوف ايه اللي حيحصل

      Comment


      • #4
        مخالفة للاعدة رقم 6 بند "ب"
        المشرف العام

        Comment


        • #5
          ربنا يكون فى عونك وكل المشاكل تتحل فى الزيارة الجاية للتوكيل وطمنا عملت إيه
          [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

          [mtohg=null]http://i647.photobucket.com/albums/uu192/bishoy02010/651654076.jpg[/mtohg]
          [/CENTER]

          Comment


          • #6
            حاجة مستفزة يا جماعة , حابلغكوا بالجديد بعد ما أروح التوكيل.
            ودى صورة الكاوتش فى المساعدين
            الملفات المرفقة

            Comment


            • #7
              بصرف النظر عن المشاكل الاخرى موضوع العفشة و المساعدين ده انت جاوبت علي نفسك .. اي مالك بونتو كلاسيك ممكن يرد يقولك ان مقاس 15 للبونتو كبييييييييييييييييير جدا عليها و اديك كنت بتحك في الرفرف .

              السيارة حتى بتنزل بجنوط 14 مش للتوفير هي كدة .. عايز تركب جنوط اكبر حتضطر تعمل تعديلات في العفشة .

              ومن الواضح ايضا ان سواقتك مش هادية .. بسس كسر الجنوط .

              انا كل ده بتكم علي موضوع العفشة بس , انا شايف انك ترجع لمقاس الكاوتش الاصلي او لو عايز جنط هات نفس مقاس الي بتنزل بيه متجنطة .. ده اذا انت ما كنتش دمرت المساعدين و العفشة بالفعل .

              السيارة بقت ابطئ ده طبيعي لانك مش حاسب مقاس الكاوتش و الجنط صح .

              موضوع التكييف , اكاد اجزم ان 80% من سيارات فيات الي تكيفيها مانوال ( مش كلايميت كونترول ) تكيفهم يعتبر ضعيف نسبيا صباحا ( في الظهر ) يعني انا في عربيتي ( باليو 2006 ) بشغلع الصبح علي 4 على طول في عز الشمس و 3 في النور من غير شمس .. باليل بيبقى تلج علي 3 .

              الفكرة ان كمية ضخ الهواء او ضخ الهواء الساقع حتى على اعلى درجة للمروجة غير كافي .

              موضوع الدبرياج .. ياريت تخليهم يشيكوا عليه كويس علشان ده يا اما اسطوانة دبرياج ابتدت تودع ( و دي حتلبسها انت علشان مش في الضمان )

              يا اما ماستبر دبرياج و ده عيب صناعة طبعا و يتغير في الضمان .

              بالنسبة لقطع الغيار, دي قطعة غيار " اوروبية " اصلية .,. لو كنت متوقع سعر اقل من كدة فده طبعا خطا .

              عامة البديل هو التركي .. موجود في القاهرة و خاماته و كل حاجة مطابقة للاصلي و تمنه النصف تقريبا او اقل كمان .

              موضوع التوكيل .. زي ماحضرتك قلت ده مركز الصيانة الوحيد المعتمد من فيات مش لفيات بس .. لفيات و لانشيا و الفا روميو في مصر الجديدة او في مصر عامة ( غير النيل الهندسية في ابو رواش ) .

              انا شخصيا بفضل ابو رواش ( النيل الهندسية ) لانهم " افضى " شوية عن اوماترا .

              عامة هما عندهن نظام الاستهبال المصري .. يعني لازم تبجح و تخش شمال علشان تاخد حقك تالت متلت .

              كل الي مطلوب روح بعد العيد بعد حجز ميعاد صباحا , و متمشيشي غير و انت واخد حقك تالت متلت .

              و في اثناء ذلك ابعت شكوى لتوكيل فيات الايطالي .. انا كنت في سنة 2006 مش لاقي قطعة غيار او التوكيل قالي انها حتيجي خلال شهرين .. بعت للتوكيل في ايطاليا , كلمني تاني يوم مدير صيانة فيات في جنوب افريقيا ( الباليو ببتتاع هناك كانت ) و وافق على شحن قطعة الغيار ( فانوس امامي ) و شحنهالي لمصر خلال 6 ايام بدون اي تكلفة او مصاريف شحن دفعت تمن الفانوس بس وكان ارخص حوالي 10% فقط من تمنه هنا بس اهه جه .

              مواجهتش اي مشاكل نقص قطع غيار بصراحة بعد كدة بس عامة انا بطلت اروح التوكيل من صيانة ال 30 الف وانا حاليا داخل علي ال 70 الف

              Comment


              • #8
                المشاركة الأصلية كتبت بواسطة cryptonx مشاهدة المشاركة
                مواجهتش اي مشاكل نقص قطع غيار بصراحة بعد كدة بس عامة انا بطلت اروح التوكيل من صيانة ال 30 الف وانا حاليا داخل علي ال 70 الف
                طيب حضرتك بتعمل صيانة فين ؟؟
                [CENTER] [/CENTER]

                Comment


                • #9
                  المشاركة الأصلية كتبت بواسطة ahmed hamdy مشاهدة المشاركة
                  طيب حضرتك بتعمل صيانة فين ؟؟
                  مع نفسي تماما , انا بتصل بمهندس اوماترا كل ميعاد صيانة , باخد منه الي حاجات الي حتتغير بنزل شارع دمشق اجيبها من عند " الشرق " لو ملقتش حاجة ( محصلتش ولا مرة ) ممكن اسال التوكيل عنها .

                  و بروح لعم شعبان " ميكانيكي يعني مش مركز صيانة " اخلص علي كل حاجة .. و توفير من 50 الي 60% من القيمة و الحمد الله مفيش قطعة غيار واحدة جبتها من برة التوكيل و باظلت او معاشتش غير تيل الفرامل فقط .

                  لو في اي حاجة تانية غير الصيانة او حاجة بحس ان عن شعبان مش حيفهم فيها بوديها التوكيل او في مركز امير و جوزيف و هو معتمد من فيات بس برده الحمد الله لم يحدث ذلك الا الان .

                  Comment


                  • #10
                    فين مركز امير و جوزيف ده؟

                    Comment


                    • #11
                      و فين شارع دمشق اللى فيه الشرق ده؟

                      Comment


                      • #12
                        شكرا يا cryptonX على ردك و أوى حد تانى شارك فى الموضوع
                        أنا حاروح مركز ابو رواش علشان أحسن زى ما بتقول . حاقولهم بعد ما يصلحوا التكيف يغيروا الفلتر لأنى سمعت انه ممكن يكون جزء من المشكلة .
                        بالنسبة لموضوع العفشة , انا بفكر أغيرها مع الجنوط , بعفشة رياضية (koni) مثلا رغم انها حاتكلفنى حوالى 4000 جنيه . لأن سواقتى سريعة شوية و العربية محتاجة ثبات أحسن.
                        أنا حسبت مقاس الكاوتش و الجنط قبل ما أجيبة على فكرة , لأن قطر 195/50R15 يساوى تقريبا قطر 185/55R14 اللى بتنزل بيه الأيام دى .
                        ان شاء الله لو فى مشكلة فى الدبرياج تطلع ماستر دبرياج , لأن مش ناقصة مصاريف تانى . اسطوانة دبرياج بتاعة بونتو بكام ؟ 500 جنية مثلا ؟
                        عجبنى قوى موضوع الشكوى لتوكيل فيات , ما كنتش متوقع الرد دة
                        عايز أعرف بس الجنوط القديمة مع الكاوتش تجيب كام (حالتهم تعبانة) و أبيعهم فين ؟ و مين فى القاهرة عندة جنوط يطالي اصلي و سعرها معقول ؟
                        مركز امير و جوزيف يغرق ايه عن التوكيل ؟ أرخص شوية ؟

                        Comment

                        Working...
                        X