نادي ملاك ومحبي الفيات سيينا

[DONYO]

اصدقائي الاعزاء
انا من احدث ملاك الفيات سيينا 1600 وكنت اطمع في عمل نادي لملاك ومحبي الفيات سيينا وذلك للالمام باماكن توافر واسعار قطع الغيار الاصلية وكذلك الميكانيكية ذوي الخبرة من المشتغلين باصلاحها ويفضل العاملين بالتوكيل والعمل على حل كل المشاكل التي يواجهها اصحاب السيينا .
وارجوا من ملاكها وعشاقها الانضمام الي هذا النادي لتحقيق هذه الاهداف
ولكم جزيل الشكر مقدما

[DONYO]

اية يا جماعة الخير
هو انا بس هنا اللي معايا سيينا ولا ايه !
مفيش غير اربع مشاهدات وولا مشاركة واحدة !!!

[Gelgel2004]

صباح الخير يا donyo

انا معايا سيينا 1400 موديل 2004 و معاك ان شاء الله
انا عارف ان الموضوع قديم شويه بس انا عضو جديد و ياريت ننشط موضوع محبى السيينا من تانى و تقبل تحياتى

[bobbozo4b]

صباح الفل يا donyo

انا معايا سيينا 1400 موديل 2002 + و معاكوا ان شاء الله

[localarea]

باشا يا باشا معاك امجد من مصر الجديدة سيينا 1600
دة شىء جميل منك جدا جدا
ياريت نفيد بعض بكل اللى نقدر علية
العربية تحفة بس مشاكلها كتيير علشان كلها حساسات

[ahmedelnady]

اان معايا سيينا 1600 2011

[Abarth]

السلام عليكم
أقدم خالص إعجابى بفكرة هذا المنتدى لأنه يقدم لنا خلاصة تجارب أصحاب ومالكى السيارات وبالأخص الفيات
أنا أمتلك سيينا 1600 موديل 2001 وكنت أفاضل عند الشراء بينها وبين أكثر من سيارة ماركات مختلفة إلى أن أخذت القرار بناء على معطيات السوق وبتوفيق من الله إشتريت سيينا بيتى وأقصد بيتى يعنى عربية مش متهانه بالغة السوق إلا أن فى أغلب أحوال شراء المستعمل تكون هناك بعض المشاكل المتمثلة فى تغيير قطع تالفة فى بعض أجزاء المحرك على وجه الخصوص ... الخلاصة أننى قمت بعمل ثالث صيانة لعربيتى بالتوكيل لأنه الجهة الوحية الضامنة لسلامة أجزاء قطع الغيار الأصلية ولعدم تعرض السيارة لعبث بعض أصحاب الفهلوه من الميكانيكية الكفتجية ... المهم أننى قمت بتغير السيور والكاتينة وفلاتر المحرك إلا أن فوجئت بمهندس الصالة بالتوكيل بإخبارى أن الـ Ic للسيارة محتاج لتغيير وهذا الجزء التقنى مهم جداً فى الموتور 1600 فهو عقل الموتور والمرتبط بجميع الأجزاء المهمة بالمحرك المهم أننى قد قمت بتغييره وبعدها ذهبت لصيانة 80000 كيلو بعد 60000 وقال لى مهندس أخر أن السيارة تحتاج لحساس Knock Sensor وهو الحساس المرتبط بإدخال قدر مهين من البنزين والهواء وإشارة الإحتراق إلى غرفة المحرك وقال لى أنه يعطى إشارة تهييس للـ IC مما ينتج عنه عدم إكتمال الإحتراق المناسب للبنزين وظهور رائحة إحترق نيئ أى أنه غير كامل وإستهلاك للبنزين وأحياناً رعشه فى الموتور نتيجة تهييس هذا الحساس ... سؤالى هو هل يمكن تغيير هذا الحساس بنفسى وما هو سعر هذا الحساس وهل له تأثير سلبى على الموتور إذا لم يتم تغييره أرجو الإفادة لأنى زهقت من أسعار التوكيل المبالغ فيها ده غير أنهم بيفتحوا فى حجات تانية مبكنش عامل حسابى ليها وكانت أخر موقف أننى ذهبت إليهم لتغيير خراطيم دورة المياة والأربة الخاصة بمياة الرداتير لكن المفاجأة أنه أثناء تغيير الخراطيم قال لى مهندس الصيانة أنها تحتاج إلى طرمبة بنزين مع العلم أنها تعمل بالكهرباء وسعرها 1800 جنيه ده طبعاً غير المصنعية المبالغ فيها جداً يعنى كل مره أروح فيها التوكيل يطلع لى مشاكل لا أشتكى منها مطلقا فى النهاية أتمنى الإفادة من الأخوة مالكى السيينا

[mrmohamedis]

صباح الخير
انا عايز اشترى إن شاء الله فيات سيينا بس محتار بنها وبين دايو لانوس1 ياريت الى يعرف معلومات عن العربية يفدنى عن اسعار قطع الغيار وعيوب ومميزات العربية
وشكرا

[abdosolomhod]

السلام عليكم انا معايا سييتا 1400 موديل 2000 ومعاكوا ان شاء الله

[MaSsDoWn]

السلام عليكم
انا عضو جديد فى المنتدى و عجبتنى فكرة نادى ملاك و محبى السيينا عشان الكل يستفيد من خبرات الآخرين
انا معايا سيينا 1.6 2001 بقالها معايا اسبوعين تقريبا ..

[maryano]

السلام عليكم يا شباب معاكم اخوكم محمد معايا فيات سيينا 2003 1400 معايا من الزيرو لغايه دلوقتي الحمد الله العربيه بس بصراحة اكتر من 90% من صيانتها بعملو في التوكيل ف مش ملم ب الصنعيه اللي بيعرفو فيها ف لو حد اتعملم مع صنعيه كويسين في السيينا و يكون اشتغلو في التوكيل يا ريت يدلنا عليهم علاشان اوماتر دول بيسطعبتو

[maryano]

يا تري ايه اكبر مشكله وجهتكم في السيينا ؟؟؟
حبتدي انا العربيه جت في فترة و كنت احس انها بتتكتم لمدة بسيطه و ترجع تاني و لما رحت التوكيل و حطوها علي كمبيوتر قاللوي عايزة تغير step motor & فيشه tps و مكنش موجود الا الفيش بس فغيرتها بس مفيش حاجة اتغيرت في العربيه اعدت اسال علي ال step motor في كل محلات فيات اللي في التوفقيه و شرع دمشق ملقتش الا في محل واحد و استيراد اتريت اجيبها علاشان كنت مسافر بالعربيه بعديها ب 150 جنيه ( سعرها في التوكيل كان 1000) و لغايه دلوقتي شغاله كويس مع ان الموضوع دة كان من سنتين تقريبا بس حغيرو تاني علاشان العربيه بقيت بتقل لما اشغل التكيييف ولما سئالت قاللولي ان step motor هو المسؤل لما التغل التكيف انو يعالي العربيه او لما تدور العربيه الصبح

[fefo0o0oz]

أحدث المنضمين لمالكي السيينا
جبت سيينا بلس 2001 حاله جيده و الحمد لله عامله 76 الف كيلو بس
العربيه من اول ركوبه ليها عربيه رائعه و يا ريت نحيي الموضوع لأني معنديش اي معلومات عن الصنايعيه بتوعها او اي شئ اخر

[esamooo7]

امتلك سينا 1600 موديل 2001

امتلك سينا 1600 موديل 2001 من حوالى شهرين فقط
قررت اعمل لها صيانة من تغير 4 سيور وبكر سيور الكاتينه
وفلاتر العربيه كلها وزيت موتور وبوجيهات
لكن المشكله انى مابعرفش مكان صيانة فاهم فى السينا
لكن سالت ووصلت لورشه فى شامبليون جنب الكيلانى شغالين فى السينا وفهمين فيها كويس
كلفتنى حوالى 1300 جنيه
قررت اركب لها جهاز انذار وعند السؤال قالولى مش اى كهربائى يشتغل فى السينا علشان الكمبيوتر المهم بالسؤال توصلت لكهربائى ربنا يباركله فى مهنته فاهم كويس فى كل السيارات الحديثه ركب جهاز الانذار وخلاة كمان طول ماالانذار شغال السيارة مستحيل تدور حتى لو بمفتحها الاصلى ولكى تدور لازم اشارة من الريموت حتى لو شيلت البطاريه وركبتها لازم الريموت
انتوا عارفين السرقات اليومين دول وربنا يستر
المشكله اللى ظهرت اخيرا من ايام صوت بيطلع من ماكينه الباور بعد حوالى 10 دقائق من المشى بالسيارة وسالت على فنى باور ولقيت فى صقر قريش جنب الكهربائى لكن قالى بعد العيد
قالى ممكن تكون واخده هواء او تحتاج الى تغير وربنا يسهل
لو اى عضو عنده خبرة سابقه فى صيانة ماكينة الباور يقول لنا عليها
وكل سنه وانتم طيبين

[bigger339]

انا معاكوا ان شاء الله انا معايا سيينا 1400 موديل 2002
العربيه ما شاء الله ممتازه