إعـــــــلان

Collapse

.

,
See more
See less

رابطة مالكي وعشاق التمبرا (الجزء الخامس)

Collapse
This topic is closed.
X
X
 
  • Filter
  • الوقت
  • Show
Clear All
new posts

  • السلام عليكم ورحمة الله وبركاته

    إزيكم يا أحلى منتدى في مصر
    يارب تكونوا بخير وبصحة وسعادة

    ---------------
    كنت عايز أحكي لكم القصة اللي العربية عملتها معايا اليومين اللى فاتوا يمكن حد يفيد أو يستفيد
    وربنا يسترها مع كل واحد ماشي على طريق

    القصة كلها تتلخص في جزأين
    أنا مش عارف في حد بص للعربية بصة مش حلوة ولا ايه بالظبط / بقالها كام يوم كده مكشره عن أنيابها

    في يوم كده كنت راكنها في الجراج وكنت ممورها عشان لو حد عايز يطلع ولا حاجه يبقا يزقها ويطلع
    روحت تاني يوم علشان أدورها وأطلع بيها لقيت صوت فظييييييييييييع ولا كأني راكب جرار زراعي - طبعا الصوت ده جاي من الشكمان
    أتـاري في حد - الله يسامحه - كان زق العربية جامد وخبط الشكمان من خلف العربية في الرصيف

    المهم أخدت العربية وروحت لبتاع شكمانات وقال لي جوان المشترك اتكسر والمسامير اللي في الفرن اتكسرت
    طبعا عشان الحاجات دي تتصلح دخلت في دوامة من عند بتاع الشكمانات للميكانيكي علشان يفك الفرن
    وللخراط علشان يركب مسامير جديدة في الفرن وبعد كده الميكانيكي تاني عشان يركب الفيلم ده تاني ولبتاع الشكمانات عشان يغير المشترك.

    الموضوع ده كله اتكلف حوالي 130 جنية غير الحاجات الصغيرة من جوان وسليكون .....

    80 جنية مشترك الشكمان
    30 جنية مصنعية الميكانيكي
    20 جنية تركيب 2 مسمار عند الخراط

    كل ده بسبب واحد معندوش ضمير بيزق العربية وخلاص ومالوش دعوة بأنها تتخبط أو يحصل فيها حاجة

    المهم الحمد لله عدت على خير وخلصت القصة دي

    في نفس اليوم وبعد ما الشكمان اتصلح قولت أروح بيها مشوار
    العربية راحت عادي وكله تمام والصوت بقا حلو والحمد لله صوت الجرار اختفى تماما

    وأنا راجع لقيت العربية بتعمل حاجات غريبة - أكون ماشي عادي ألاقيها بطلت مره واحده
    قولت خير اللهم اجعله خير
    نزلت أشوف سلوك البوجيهات والاسبراتير والموبينا ولقيت كله تمام
    قولت يمكن بنزين مش نضيف ولا حاجة - فبدلت سلكين بوجيه ودورت والعربية دارت وطلعت مدفعين ولا حاجه لغاية أما الكربراتير اتسلك
    بعد كده رجعت السلكين مكانهم تاني زي الأول والعربية مشيت وكله تمام

    بعد حوالي كيلو ولا 2 كيلو عملت نفس الحركة تاني وفصلت تاني
    نزلت وعملت نفس القصة تاني لكن المره دي مش راضية تدور
    فضلت أجرب وأجرب وأدور لكن مفيش فايدة
    سيبتها خمسة كده وبجرب تاني لاقيتها دارت واتحركت بيها

    بعد شوية كده حصل نفس الموضوع تاني
    وأنا واقف محتارررررررر - يمكن طرمبة بنزين - يمكن تقفيل الميكانيكي فيه حاجه غلط - ...........
    وكل ده وأنا مش لاقي حل

    المشكلة الأكبر أني كنت على الدائري والساعة 3 الفجر

    سيبتها شوية كده وفضلت أدعي ربنا يسترها ووالعربية تدور وتعدي الدائري وتوصلني لأقرب مكان في عمار

    شوية كده وبجرب أدور
    لاقيتها دارت والحمد لله
    ومشيت وعديت الدائري ووصلتني لغاية بنزبنة في زهراء مدينة نصر

    والعربية فصلت تاني وعملت حركتها تاني
    قولت مش مشكلة

    أهم حاجة أني وصلت لمنطقة صاحية شوية وعديت الدائري
    وقفت عند البنزينة والعربية حلفت بعد كده ما هتتحرك خطوة واحدة تاني

    عدى حوالي نص ساعة ولقيت تاكسي معدي ساعة أذان الفجر بالظبط وسحب لي العربية ووصلنى

    لما وصلت قولت الحمد لله أنها عدت على خير ووصلت بيتنا

    تاني يوم جبت ميكانيكي يشوف العربية فيها ايه

    الميكانيكي كشف عليها وفضل يجرب وفي الأخر اكتشف أن الموبينا بتجيب كهربا ضعيفة وحساس الكرنك اتلسع من حرارة الشكمان

    روحت أنا والميكانيكي نشتري الموبينا والحساس من عزبة شلبي
    واشتريناهم ب 170 جنية

    والميكانيكي ركبهم والعربية دارت وبقت تمام والحمد لله

    حسبي الله ونعم الوكيل في أي حد يتسبب في أي ضرر أو أذى لشخص تاني

    الحمد لله قدر الله وما شاء فعل
    [CENTER][sor2]http://www.nilemotors.net/Nile/members/38740-albums585-picture2572.jpg[/sor2] [/CENTER]

    Comment


    • ازيك يا هشام بيه
      ازيك يا أسامة باشا
      [CENTER][sor2]http://www.nilemotors.net/Nile/members/38740-albums585-picture2572.jpg[/sor2] [/CENTER]

      Comment


      • معلش باشا قدر الله و ما شاء فعل المهم أنك رجعت فى التوقيت دة بالسلامة
        أنت أخبارك اية يا باشا

        Comment


        • المشاركة الأصلية كتبت بواسطة heshamzaky مشاهدة المشاركة
          معلش باشا قدر الله و ما شاء فعل المهم أنك رجعت فى التوقيت دة بالسلامة
          أنت أخبارك اية يا باشا
          الحمد لله على كل شئ

          أنا تمام والحمد لله
          وشكرا ليك على مساعدتك ونصايحك لكل واحد محتاج النصيحة

          ربنا يبارك لك يا رب
          [CENTER][sor2]http://www.nilemotors.net/Nile/members/38740-albums585-picture2572.jpg[/sor2] [/CENTER]

          Comment


          • ممكن توصل بعد 90 بشرطتين يعنى تقريبا100اروح فاصل التكيف لان بخاف تزيد عن كده وياريت حد يفيدنى لو سمحتو

            Comment


            • شوف يا باشا راجع على مية التبريد شوفها بتنقص ولا لا اتأكد ان الرادياتير نضيف وما فيهوش اي تسريب اتأكد ان الخراطيم والقربه سليمه برده ومافيهاش تسريب نضف سربنتينة التكييف كده دورة التبريد تمام اتأكد ان المروحة شغاله على سرعتين مش سرعه واحده سرعه عاليه مع التكييف وسرعه قليله مع السخونه العادية الثرموستات الأصليه بتاعة العربية 87-92 - 92-97 اتأكد من فيش المروحة وفيشة الثرموستات ما تكونش سايحة او بتعلق اتأكد ان الفيشه الحمرا اللي داخله في مجموعه المروحة العلبة السودا اللورا الفانوس اليمين اتأكد ان الفيشه واصله كويس وان المروحة بتشتغل مع تشغيل التكييف حتى لو العربية بارده ان شاء الله كله يبقى تمام

              Comment


              • ممكن توصل بعد 90 بشرطتين يعنى تقريبا100اروح فاصل التكيف لان بخاف تزيد عن كده وياريت حد يفيدنى لو سمحتو

                Comment


                • المروحة شغالة سرعة واحدة السرعة العالية وبتشتغل مع التكيف حتى والعربية باردة بس المشكلة انها مش بتسخن من غير التكييف مابتعديش 80 بس المية بتنقص بسيط مع العلم انى لسة مغير وش سلندر والجوان والقربة بتنفس من فوق جنب الغطاء

                  Comment


                  • المروحة شغالة سرعة واحدة السرعة العالية وبتشتغل مع التكيف حتى والعربية باردة بس المشكلة انها مش بتسخن من غير التكييف مابتعديش 80 بس المية بتنقص بسيط مع العلم انى لسة مغير وش سلندر والجوان والقربة بتنفس من فوق جنب الغطاء

                    Comment


                    • المشاركة الأصلية كتبت بواسطة asamamin مشاهدة المشاركة
                      ممكن توصل بعد 90 بشرطتين يعنى تقريبا100اروح فاصل التكيف لان بخاف تزيد عن كده وياريت حد يفيدنى لو سمحتو
                      غسلت السربنتينه ونظفت الرادياتير كويس على فكره لو المروحة عندك على السرعه ايه بس يبقى الثرموستات اللي عندك مش الأصليه
                      لأن العادي انها تشتغل على 90 او قبلها بسنه بسيطه ولو عدة شرطة بعد ال 90 عادي بس انت جرب كده شغل التكييف وافتح الكبوت المروحة مش هاتكون شغاله دا اكبر سبب ممكن يخلي العربية تسخن مع التكييف واول ما العربية تسخن وتوصل ل 97 هاتشتغل المروحة وكده العيب هايبقى في مجموعة المروحة

                      Comment


                      • انا جربت الترموستات الاصلى المروحة اشتغلت سرعتين بس ما فصلتش الكهربائى شغلها على السرعة العالية والغريبة ان المروحة بتبقى شغالة من اول مابشغل التكييف وعلى فكرة الترموستات عندى بيشتغل عند82وشغال مظبوط

                        Comment


                        • انا جربت الترموستات الاصلى المروحة اشتغلت سرعتين بس ما فصلتش الكهربائى شغلها على السرعة العالية والغريبة ان المروحة بتبقى شغالة من اول مابشغل التكييف وعلى فكرة الترموستات عندى بيشتغل عند82وشغال مظبوط

                          Comment


                          • مافيش حاجه اسمها كده يا باشا والكهربائي ده مش فاهم المروحة لازم تشتغل سرعتين سرعه واطية في السخونة العادية وسرعة عاليه مع التكييف وكده ممكن تكون المشكلة في مجموعة المروحة ودي كلها ب 150 جنيه استيراد روح لكهريائي كويس عشان يظبطلك الكهربا وسرعات المروحة لأن كده في حاجه مش مظبوطه وعلى فكره الطبيعيى ان المروحة تشتغل 90 لأن دي درجة التشغيل المثالية للموتور

                            Comment


                            • ياريت لو تعرف كهربائى كويس دلنى علية وانا اروح له

                              Comment


                              • ياجماعه محدش عنده طريقه فك فرش الابواي وياريت لو في صور توضيحيه لاني مش عارف اخلص مقبض الباب من الفرش ازاي

                                Comment

                                Working...
                                X