إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • ياناس يا كرام انا بفضل الله اشتريت اول عربيه ليا فى حياتى وهى الجميله ريجاتا 87 بفضل

    ياناس يا كرام انا بفضل الله اشتريت اول عربيه ليا فى حياتى وهى الجميله ريجاتا 87 بفضل الله بقلها معايا ساعات وكنت عايز من حضرتكم تقولولى اعمل فيها ايه ونفسى يا جماعه اغير شكل العربيه من جوه هيا كانت بتاعت راجل كبير فى السن يعنى مالشوش فى شغل الشباب ايه افضل كسوه للعربيات بتاعتنا (وخدين بالكو من بتاعتنا دى بقيت من اصحاب السيارات) المهم ايه اسعا كسوات السيارات واسعرهم ايه وياريت لو فى حد عنده صور ليها وكمان العربيه فيها كاسيت شرايط وشغال على القراءن الكريم فقط ممكن حد ينصحنى اجيب ايه للصوتيات اجميله باسعار متوسطه اجيب نوع ايه وياريت لو فى صور ومتوسط اسعار اليوم لو امكن انا ياجماعه بفضل الله معلومات فى العربيات (صفففففففففر) يعنى لو رحت لحد وانا مش فاهم حاجه هياكل على افايا عيش كويس جداّ فارجو الافاده سريعاّ بالله عليكم عرفونى اعمل ايه

    Comment


    • السلام عليكم ورحمة الله وبركاته
      ياجماعة انا التابلوه عندى متكسر اوى فرحت لكهربائى وقالى ان ممكن نغير التابلوه بتاع الريجاتا بتابلوه شاهين او اكسنت بس انا بفضل الاكسنت لان شكله احسن وقالى انا ركبته قبل كده فى عربيه ريجاتا وهو كمان كان عنده ريجاتا فكان فاهم كل مشاكلها من غير ما اقله على حاجه
      فانشاء الله انا ناوى اعمل الموضوع ده بالذات ان الكهربائى ده دماغه شغاله اوى كان دراع النور عندى بايظ وكان تمنه 200 جنيه فى الوكاله وهو عملى بديل ليه

      ومعلومه بسيطه للاعضاء انا اشتريت فانوسين اشاره تركى وتمنه 13 جنيه الواحد

      Comment


      • ياريت ياأخى العزيز تتابع معانا موضوع التابلوه ده .. لأنى مثلك تماما فى حيره من امر التابلوه عندى وحالته سيئه جدا .. وعرفت من الكهربائى إن تابلوه فيات سيينا بيركب عليه ؛؛ ورجع حد تانى قاللى تابلوه الاكسنت ووووالخ .. وفى نهاية الأمر أنا واقف مابعملش حاجه وخايف من الأقدام على هذه الخطوه .. وعلى فكره الضفيره عندى عاوزه تتغير وبرضه واقف مستنى موضوع التابلوه علشان تبقى مره واحده .. أتمنى ربنا يوفقك وتفيدنا ...

        Comment


        • ان شاء الله انا ناوى بعد العيد على طول اول ما اخلص هنشرها على المنتدى واقولكم على النتائج علشان كل الجروب يستفيد

          Comment


          • ركز فى مكان الصوت جاى من الموتور ولا العفشة
            حصلت معايا والصوت كان بيجى من العفشة الامامية وطلعت بيضة المقص
            غيرت المقص وكله تمام

            Comment


            • ده يا جماعة لينك للتعديل اللي عملته ونشرته قبل كده عن تعديل تابلوه الفيات سيينا وتركيبه للريجاتا

              واي استفسار انا موجود

              Comment


              • ربنا يباركلك فيها ياأستاذ علاء .. ماشاء الله حاجه رائعه .. وأرجو لو تعرف حد بعينه جبت من عنده التابلوه تقولنا ؛ ومن الوكاله ولا من عزبة شلبى ؟ وثمنه فى حدود كام .. لأنى ناوى بجديه لكن مقلق جدا جدا .. وخايف يشتغلونى وأدفع مبلغ كبير على الفاضى ..

                Comment


                • المشاركة الأصلية كتبت بواسطة elbasosy مشاهدة المشاركة
                  ربنا يباركلك فيها ياأستاذ علاء .. ماشاء الله حاجه رائعه .. وأرجو لو تعرف حد بعينه جبت من عنده التابلوه تقولنا ؛ ومن الوكاله ولا من عزبة شلبى ؟ وثمنه فى حدود كام .. لأنى ناوى بجديه لكن مقلق جدا جدا .. وخايف يشتغلونى وأدفع مبلغ كبير على الفاضى ..
                  بص يا جميل الموضوع انا عاملة من فترة تقريبا 5 شهور ،، دلوقتى سعر التابلوه في عزبة شلبي بيبدأمن 1000 وممكن تجيبه لو انت شاطر في الفصال بــ 800 مثلا وده على حسب كلام ميكانيكي صديق ليا بالفعل جابه بالسعر ده من حوالى شهر ونص وخد بالك انا بكلمك كده على التابلوه نمرة 1 حالته زي اللي شفته في الصور كده مفيهوش اي حاجة ناقصة
                  اللي انا عملته اني نزلت مع الكهربائي عزبة سلبي وهو اللي اشتراهولي
                  لو حابب اوصلك بالكهربائي وممكن اجي معاك اعرفك على الكهربائي ونظبط الكلام معاه انا تحت امرك

                  Comment


                  • الأمر لله .. ربنا يباركلك يارب .. لو ممكن رقم الكهربائى وياترى هو ساكن فين لأنى من دار السلام ( المعادى) ومافيش مانع إنى أنزل معاه وكمان نخلص معاه موضوع تركيب التابلوه .. يبقى زى الفل . لأنى زى ماقولتلك واقف ومتردد جدا وحاسس إنها خطوه محتاجه كهربائى محترم وحريف .. وكمان أمين ..

                    Comment


                    • المشاركة الأصلية كتبت بواسطة elbasosy مشاهدة المشاركة
                      الأمر لله .. ربنا يباركلك يارب .. لو ممكن رقم الكهربائى وياترى هو ساكن فين لأنى من دار السلام ( المعادى) ومافيش مانع إنى أنزل معاه وكمان نخلص معاه موضوع تركيب التابلوه .. يبقى زى الفل . لأنى زى ماقولتلك واقف ومتردد جدا وحاسس إنها خطوه محتاجه كهربائى محترم وحريف .. وكمان أمين ..
                      بص يا جميل الكهربائي من بنها اسمه الاسطى يسري
                      رقم تليفونه 01000611423
                      لو هتكلمه عرفه بس انك من طرف علاء الجزار وهو هيعمل معاك الواجب
                      ولو حابب تنزل بنها وانا اقابلك بيه انا تحت امرك
                      للعلم الموضوع كله بياخد 3 ايام تقريبا

                      Comment


                      • المشاركة الأصلية كتبت بواسطة سيف عماره مشاهدة المشاركة
                        ياناس يا كرام انا بفضل الله اشتريت اول عربيه ليا فى حياتى وهى الجميله ريجاتا 87 بفضل الله بقلها معايا ساعات وكنت عايز من حضرتكم تقولولى اعمل فيها ايه ونفسى يا جماعه اغير شكل العربيه من جوه هيا كانت بتاعت راجل كبير فى السن يعنى مالشوش فى شغل الشباب ايه افضل كسوه للعربيات بتاعتنا (وخدين بالكو من بتاعتنا دى بقيت من اصحاب السيارات) المهم ايه اسعا كسوات السيارات واسعرهم ايه وياريت لو فى حد عنده صور ليها وكمان العربيه فيها كاسيت شرايط وشغال على القراءن الكريم فقط ممكن حد ينصحنى اجيب ايه للصوتيات اجميله باسعار متوسطه اجيب نوع ايه وياريت لو فى صور ومتوسط اسعار اليوم لو امكن انا ياجماعه بفضل الله معلومات فى العربيات (صفففففففففر) يعنى لو رحت لحد وانا مش فاهم حاجه هياكل على افايا عيش كويس جداّ فارجو الافاده سريعاّ بالله عليكم عرفونى اعمل ايه

                        Comment


                        • أنا شاكر جدا لإهتمامك ياأستاذ علاء ؛ ربنا يكرمك أنا ماستغناش عنك .. وعلى فكره أنا كلمت الكهربائى وبإذن الله هابدأ .. وأدعيللى ياباشا .....

                          Comment


                          • ربنا ييسرلك الامور باذن الله
                            وان شاء الله ابقى عرفنا الاخبار اول باول

                            Comment


                            • السلام عليكم ورحمة الله
                              انا عندي مشكلة في عربيتي (ريجاتا نوفا )88
                              غيرت سير الكاتينة 3 مرات كل مرة قبل معاده بلاقي سنونه طايره ولكن السير سليم
                              وكل ميكانيكي اقوله بص على التروس يقولي كويسة
                              والبليه انا شوفتها بنفسي تمام مش خشنه
                              وجبت انواع سيور كتيره من (40 الي 80 جنيه) وبرضه ابص الاقيه اتنحل قبل معاده وكل مرة ربنا يسترها الا اخر مرة للأسف جابت صبابات
                              وعملتها وخرطت الوش والميكانيكي قلي هجبلك سير عريض عشان يبقى جامد
                              وطبعا بالصدفه بصيت عليه بعد ماركب بأسبوع لقيته منحول من الاطراف طبعا عشان عريض
                              لحد ما ميكانيكي تاني شافه وقالي هات السير بتاعها وترس الكرنك اللي تحت خالص اكيد هوا اللي عامل كده (دة من غير مايشوفه)
                              انا جيبت السير والترس ومش عارف اعمل اية زهقت بصراحه
                              ياريت ولو حد يقدر يفيدني وبسرعه

                              Comment


                              • المشاركة الأصلية كتبت بواسطة monto1983 مشاهدة المشاركة
                                السلام عليكم ورحمة الله
                                انا عندي مشكلة في عربيتي (ريجاتا نوفا )88
                                غيرت سير الكاتينة 3 مرات كل مرة قبل معاده بلاقي سنونه طايره ولكن السير سليم
                                وكل ميكانيكي اقوله بص على التروس يقولي كويسة
                                والبليه انا شوفتها بنفسي تمام مش خشنه
                                وجبت انواع سيور كتيره من (40 الي 80 جنيه) وبرضه ابص الاقيه اتنحل قبل معاده وكل مرة ربنا يسترها الا اخر مرة للأسف جابت صبابات
                                وعملتها وخرطت الوش والميكانيكي قلي هجبلك سير عريض عشان يبقى جامد
                                وطبعا بالصدفه بصيت عليه بعد ماركب بأسبوع لقيته منحول من الاطراف طبعا عشان عريض
                                لحد ما ميكانيكي تاني شافه وقالي هات السير بتاعها وترس الكرنك اللي تحت خالص اكيد هوا اللي عامل كده (دة من غير مايشوفه)
                                انا جيبت السير والترس ومش عارف اعمل اية زهقت بصراحه
                                ياريت ولو حد يقدر يفيدني وبسرعه
                                انا شاكك ف ترس الكرنك مليون ف المية + البلية خشنة ممكن تبقى تقيلة ثنة صغيرة ومش شرط تعمل صوت
                                السؤال دة هيحدد العيب : سير الكاتينة اللى بتركبة قعد معاك كام كيلو ؟ بس اهم حاجة تكون حاسب لة صح .. ولو فاكر كل سير منهم عمل معاك قد اية كيلو متر يبقى تمام
                                اهم مواضيعى عن الريجاتا : بداخل عضويتى
                                عدنا بكل قوة للرابطة .. م / Hussein
                                مبرمج ومالك لشركة برمجيات وتصميم مواقع الانترنت

                                Comment

                                Working...
                                X