المشاركة الأصلية كتبت بواسطة tamarino
مشاهدة المشاركة
شاكر جدا على الترحيب ..
فورا هاصور التابلوه و ان شاء الله بالكتيير يوم السبت هكون رفعته هنا .. أنا بس مشغول فى عمل السرفيس المعتاد ... بالمناسبة احب اذكر اللى انا عملته لحد دلوقتى فى العربية للأفادة العامه و كمان لو فى حد من الأصدقاء يحب يعلق أو ينصح بحاجه :
1- طبعا اول حاجه عملتها هو تغيير سير الكاتينة و ده كان بناءا على نصيحة الرابطة و بعد ما قريت تجربة احد الأخوة بعد ما اتقطع منه و الموتور جاب صبابات - ربنا يعيينه و ييسره علاجها - روحت للميكانيكى بتاعى بالعربية و طلبت منه يكشف على سير الكاتينة و نشوف لو محتاجيين نغيره فقالى من غير ما نكشف لازم تغييره طالما العربية مستعمله .. و فعلا روحت جيبت واحد bosch ألمانى و فعلا لقيت اللى كان متركب بدون أى علامات عليه و لا تواريخ ولا اى دليل على أصله - شكله كان مضروب - و الحمد لله غيرته. مش فاكر السعر للأسف لأنه كان فى وسط حاجات تانى كتير.
2-فلتر البنزين كان منتفخ من كتر الشوائب اللى فيه فغيرته بواحد تانى فيات جديد بحوالى 6 جنيه.
3-ابلاتين بدون سلك فرنساوى.
4-كوندنسر 3 خرم.
5- طقم بوجيهات يابانى واحد شمعه ( أنا قريت انه المفروض 2 شمعه بس الراجل قالى ان العربيات الفيات كلها بيتركب لها واحد شمعه فياريت حد يفيدنى فى الموضوع ده علشان المره الجاية ان شاء الله اعرف اجيب ايه و عموما انا ايدى فيها على طول و بغير دايما الحاجات دى)
6-فلتر هوا بـــ 17.50 جنيه ... تخيلوا ما كنش فيها أصلا فلتر هوا ؟؟؟؟!!
7-كاوتشة كوبلن شمال لأنها كانت بتجيب زيت.
8-شديت فرامل اليد لأن ماكنش فيها فرامل خالص
9-ربط على كوعة البنزين اللى ورا على اليمين اللى جايه من التانك لأنها كانت بتسرب شويه
الميكانيكى ظبط الكهربا و لقى ان كاوتشة الكربراتير محتاجه تتغير لأنها بترشح بنزين خفيف .. لازم اروح لبتاع كربراتير طبعا مع انى ما باثقش فيهم كلهم لأنهم بتوع اشتغالات
فى عندى مشكله صغير و هى المرايات .. المشكله انى اتعودت انى اسوق بمراية الصالون اللى فى النص بس و مش متعود استخدم مرايات جنب .. طب ايه المشكله ؟؟ المشكلة ان مش لاقى مرايه مناسبة تتركب فوق مرايتها الأصليه و تكون كبير بحيث تجيب اللى الطريق كله من ورا .. طبعا ده كان سهل فى العربية الى قبلها وهى الــ 127 لأنها كانت صغيره ... بافكر اشيل المرايه الأصليه لأنها صغيرة و اركب مرايه من اللى بتلصق فى الزجاج الأمامى احسن ... هل حد عنده أى فكره احسن ؟؟؟
أوكر الأبواب الداخليه - اللى بتفتح من الداخل - مش عجبانى لأنها ضعيف و باحس ان ما فيهاش عزم .. هل أنا محتاج أغير الأيد بتاعة الباب كلها ؟؟ وهل هى موجودة جديده ولا استيراد ؟ و من اين الأتنين و بكام من فضلكم ؟
أخر حاجه بقى .... عارفين علبة الكاتينة ؟ قصدى الغطا الفيبر بتاع الكاتينة .. مشروخة و ملحومه بسلكه كده أى كلام .. يا ريت حد يدلنى ألاقيها فين و بكام من فضلكم .... ان شاء الله بعد كل التظبيط ده هارفع لكم الصور بالتابلوه ان شاء الله ....
ربنا يحفظكم و يحفظ ريجاتاتكم من كل سوء و من كل عطل مفاجئ ان شاء الله ..
فورا هاصور التابلوه و ان شاء الله بالكتيير يوم السبت هكون رفعته هنا .. أنا بس مشغول فى عمل السرفيس المعتاد ... بالمناسبة احب اذكر اللى انا عملته لحد دلوقتى فى العربية للأفادة العامه و كمان لو فى حد من الأصدقاء يحب يعلق أو ينصح بحاجه :
1- طبعا اول حاجه عملتها هو تغيير سير الكاتينة و ده كان بناءا على نصيحة الرابطة و بعد ما قريت تجربة احد الأخوة بعد ما اتقطع منه و الموتور جاب صبابات - ربنا يعيينه و ييسره علاجها - روحت للميكانيكى بتاعى بالعربية و طلبت منه يكشف على سير الكاتينة و نشوف لو محتاجيين نغيره فقالى من غير ما نكشف لازم تغييره طالما العربية مستعمله .. و فعلا روحت جيبت واحد bosch ألمانى و فعلا لقيت اللى كان متركب بدون أى علامات عليه و لا تواريخ ولا اى دليل على أصله - شكله كان مضروب - و الحمد لله غيرته. مش فاكر السعر للأسف لأنه كان فى وسط حاجات تانى كتير.
2-فلتر البنزين كان منتفخ من كتر الشوائب اللى فيه فغيرته بواحد تانى فيات جديد بحوالى 6 جنيه.
3-ابلاتين بدون سلك فرنساوى.
4-كوندنسر 3 خرم.
5- طقم بوجيهات يابانى واحد شمعه ( أنا قريت انه المفروض 2 شمعه بس الراجل قالى ان العربيات الفيات كلها بيتركب لها واحد شمعه فياريت حد يفيدنى فى الموضوع ده علشان المره الجاية ان شاء الله اعرف اجيب ايه و عموما انا ايدى فيها على طول و بغير دايما الحاجات دى)
6-فلتر هوا بـــ 17.50 جنيه ... تخيلوا ما كنش فيها أصلا فلتر هوا ؟؟؟؟!!
7-كاوتشة كوبلن شمال لأنها كانت بتجيب زيت.
8-شديت فرامل اليد لأن ماكنش فيها فرامل خالص
9-ربط على كوعة البنزين اللى ورا على اليمين اللى جايه من التانك لأنها كانت بتسرب شويه
الميكانيكى ظبط الكهربا و لقى ان كاوتشة الكربراتير محتاجه تتغير لأنها بترشح بنزين خفيف .. لازم اروح لبتاع كربراتير طبعا مع انى ما باثقش فيهم كلهم لأنهم بتوع اشتغالات
فى عندى مشكله صغير و هى المرايات .. المشكله انى اتعودت انى اسوق بمراية الصالون اللى فى النص بس و مش متعود استخدم مرايات جنب .. طب ايه المشكله ؟؟ المشكلة ان مش لاقى مرايه مناسبة تتركب فوق مرايتها الأصليه و تكون كبير بحيث تجيب اللى الطريق كله من ورا .. طبعا ده كان سهل فى العربية الى قبلها وهى الــ 127 لأنها كانت صغيره ... بافكر اشيل المرايه الأصليه لأنها صغيرة و اركب مرايه من اللى بتلصق فى الزجاج الأمامى احسن ... هل حد عنده أى فكره احسن ؟؟؟
أوكر الأبواب الداخليه - اللى بتفتح من الداخل - مش عجبانى لأنها ضعيف و باحس ان ما فيهاش عزم .. هل أنا محتاج أغير الأيد بتاعة الباب كلها ؟؟ وهل هى موجودة جديده ولا استيراد ؟ و من اين الأتنين و بكام من فضلكم ؟
أخر حاجه بقى .... عارفين علبة الكاتينة ؟ قصدى الغطا الفيبر بتاع الكاتينة .. مشروخة و ملحومه بسلكه كده أى كلام .. يا ريت حد يدلنى ألاقيها فين و بكام من فضلكم .... ان شاء الله بعد كل التظبيط ده هارفع لكم الصور بالتابلوه ان شاء الله ....
ربنا يحفظكم و يحفظ ريجاتاتكم من كل سوء و من كل عطل مفاجئ ان شاء الله ..





![36 1 37[1]](https://www.nilemotors.net/Nile/core/images/smilies/36_1_37[1].gif)
Comment