إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة ahwanoso مشاهدة المشاركة
    هل ممكن تغيير الشكمان بشكل احسن
    ممكن طبعاَ ويفضل ذلك .. انا مغير الشكمان كلة من اول المشترك عند الموتور لحد علبة الشكمان ف اخر
    العربية .. وهتلاحظ فرق ف الاداء + هدوء صوت الموتور

    المشاركة الأصلية كتبت بواسطة regata مشاهدة المشاركة
    ايه رايكم في الريدتير الالمونيوم الصينى ومنين اجيبو وبكام
    لا انصحك بية .. اولاَ سعرة مغالى فية .. ثانياَ بيتعمل تعديل لو التكييف عندك مش شغال
    ولو شغال هتروح لبتاع تكييفات يكمل تركيبة وممكن يخرموة وهما بيعكو
    بالاضافة لاكثر شيئ غير جيد فية وهو عدم اصلاحة فى حالة تلفة
    انا جبت ريداتير جديد زيرو نحاس ب 500 ج اخر الصيف
    وكان ف عز النار درجة الحرارة مش بتزيد عن 80 .. ف الزحمة والنار
    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

    Comment


    • ازيكم يا ريجاتويه يا محترمين انا بس دخلت اسلم عليكم اتمنى ان يكون الجميع بخير. والله ان ما بدخلش كتير نظرآ لظروف صحيه وعمليه وهامل العربيه قوى وركنها اكتر من شهر وهذا شى يحزننى جدآ. ادعولى بظاهر الغيب

      اخوكم محمد

      Comment


      • المشاركة الأصلية كتبت بواسطة nicegypt مشاهدة المشاركة
        ممكن طبعاَ ويفضل ذلك .. انا مغير الشكمان كلة من اول المشترك عند الموتور لحد علبة الشكمان ف اخر
        العربية .. وهتلاحظ فرق ف الاداء + هدوء صوت الموتور



        لا انصحك بية .. اولاَ سعرة مغالى فية .. ثانياَ بيتعمل تعديل لو التكييف عندك مش شغال
        ولو شغال هتروح لبتاع تكييفات يكمل تركيبة وممكن يخرموة وهما بيعكو
        بالاضافة لاكثر شيئ غير جيد فية وهو عدم اصلاحة فى حالة تلفة
        انا جبت ريداتير جديد زيرو نحاس ب 500 ج اخر الصيف
        وكان ف عز النار درجة الحرارة مش بتزيد عن 80 .. ف الزحمة والنار
        جبتو امتي ومنين بالضبط

        Comment


        • السلام عليكم استاذ حسين
          ازاى غيرت شكل الشكمان انا مش فاهم
          انا نفسى اغيره كله وتكون ماسورة الشكمان عدله مفيهاش اللفه اللى تحت كرسى السواق
          شكلها كده غبى وبتخبط كتير فى المطبات ومتهيالى بتخنق الموتور

          Comment


          • المشاركة الأصلية كتبت بواسطة regata مشاهدة المشاركة
            جبتو امتي ومنين بالضبط
            من الجيزة .. محل اصلاح وبيع ريداتيرات .. وهتلاقى ف اي محل بيع ريداتيرات
            3 ماسورة .. ويخلي تنفيس الهوا ذاتى من القربة
            اهم مواضيعى عن الريجاتا : بداخل عضويتى
            عدنا بكل قوة للرابطة .. م / Hussein
            مبرمج ومالك لشركة برمجيات وتصميم مواقع الانترنت

            Comment


            • المشاركة الأصلية كتبت بواسطة regata مشاهدة المشاركة
              جبتو امتي ومنين بالضبط
              المشاركة الأصلية كتبت بواسطة ahwanoso مشاهدة المشاركة
              السلام عليكم استاذ حسين
              ازاى غيرت شكل الشكمان انا مش فاهم
              انا نفسى اغيره كله وتكون ماسورة الشكمان عدله مفيهاش اللفه اللى تحت كرسى السواق
              شكلها كده غبى وبتخبط كتير فى المطبات ومتهيالى بتخنق الموتور
              مغيرتش شكل ماسورة الشكمان .. انا عملت واحدة عمولة عند بتاع الشيكمانات
              زى بتاعة الفبريكة بعد ما رسمتها على ورق كراسة :)
              وزودت تخانة الماسورة عشان تستحمل المية والرطوبة ومتسخنش مقصورة القيادة
              لان احد اسباب سخونة مقصورة القيادة هي الشكمان . اتكلفت تقريبا 300 ج او اكتر شوية
              لانى معملتهاش مواسير عادية .. مواسير مطلية بمادة لمنع الصداء .. وشكلها حلو ,, والتغيير من اول المشترك لحد علبة الشكمان .. وتم ازالة علبة البيئة ولم اضفها .. لان الجديدة فاضية بتعمل دوشة
              مفهاش فحم داخلها .. حضرتك روح عند اي بتاع شكمانات وخلية يشوف لو عندك عيب او سخونة داخل
              المقصورة يعملها بدل متغير الهيصة دي وتفتح علي نفسك فاتحة
              اهم مواضيعى عن الريجاتا : بداخل عضويتى
              عدنا بكل قوة للرابطة .. م / Hussein
              مبرمج ومالك لشركة برمجيات وتصميم مواقع الانترنت

              Comment


              • السلام عليكم شباب الريجاتا
                لدي استفسار وياريت تفيدوني فيه بإذن الله
                بإذن الله بأفكر أجيب الريتمو s85 الريجاتا.. وبعض من الذين استشرتهم بيقولو لي أنها عربية حلوة بس محتاج أخد رأيكم.. بما أنكم مخدرمين في هذا النوع... لأني أنا مركبتهاش قبل كده..
                ما هو أحسن سنة موديل في الريتمو s85..
                وإيه إللي لازم أبص عليه وأنا بأشوف العربية كويس.. وآخد بالي منه..
                السؤال الأخير.. هي تعمل كام لو حالة كويسة؟؟؟؟؟
                [B][SIZE=4]توقيع/ عمرو السقا[/SIZE][/B]
                [B][SIZE=4][/SIZE][/B]
                [B][SIZE=4]قل لمن يحمل هما--أن همه لن يدوم ____ مثلما تفني السعاده ---هكذا تفني الهموم[/SIZE][/B]
                [CENTER][FONT=Comic Sans MS][SIZE=4][/SIZE][/FONT] [/CENTER]
                [CENTER][FONT=Comic Sans MS][SIZE=4][B]البولونيز فخر الصناعة البولندية[/B][/SIZE][/FONT][/CENTER]

                Comment


                • الف شكر يا استاذ حسين
                  سؤال كمان ممكن اكبر العلبة اللى ورا علشان الصوت ينعم

                  Comment


                  • المشاركة الأصلية كتبت بواسطة asaeed مشاهدة المشاركة
                    السلام عليكم شباب الريجاتا
                    لدي استفسار وياريت تفيدوني فيه بإذن الله
                    بإذن الله بأفكر أجيب الريتمو s85 الريجاتا.. وبعض من الذين استشرتهم بيقولو لي أنها عربية حلوة بس محتاج أخد رأيكم.. بما أنكم مخدرمين في هذا النوع... لأني أنا مركبتهاش قبل كده..
                    ما هو أحسن سنة موديل في الريتمو s85..
                    وإيه إللي لازم أبص عليه وأنا بأشوف العربية كويس.. وآخد بالي منه..
                    السؤال الأخير.. هي تعمل كام لو حالة كويسة؟؟؟؟؟
                    حضرتك تقصد الريجاتا .. القول الصحيح ريجاتا اس 85 كما اصدرتها شركة فيات
                    وليس ريتمو ريجاتا .. القول دة سائد مع بعض التجار وهو قول غير محبب وخطأ بالنسبة لي
                    الريجاتا عربية نعمة واختيار موفق ..
                    حضرتك هتجيب حد تثق فية افضل يبص لك عليها زيها زي اي عربية
                    الشاسية .. القوايم .. الحوض .. الشنطة .. الركب .. الصداَ
                    ومعتقدش انك هتلاقى عربية من سنة 85 مفيهاش ولو 1 % صداَ
                    المهم ميكونش فى مكان يعيب السيارة
                    وبالتوفيق ان شاء الله وتبقى تطمنا


                    المشاركة الأصلية كتبت بواسطة ahwanoso مشاهدة المشاركة
                    الف شكر يا استاذ حسين
                    سؤال كمان ممكن اكبر العلبة اللى ورا علشان الصوت ينعم
                    تحت امرك يا فندم
                    احنا هنا بنفيد بعض كلنا وبنستفيد من بعض
                    بالنسبة للعلبة اللى ورا ممكن طبعاَ .. اما عن نعومة الصوت فالله اعلى واعلم !
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • برضو عايز رايدتير اللومنيوم

                      Comment


                      • المشاركة الأصلية كتبت بواسطة asaeed مشاهدة المشاركة
                        السلام عليكم شباب الريجاتا
                        لدي استفسار وياريت تفيدوني فيه بإذن الله
                        بإذن الله بأفكر أجيب الريتمو s85 الريجاتا.. وبعض من الذين استشرتهم بيقولو لي أنها عربية حلوة بس محتاج أخد رأيكم.. بما أنكم مخدرمين في هذا النوع... لأني أنا مركبتهاش قبل كده..
                        ما هو أحسن سنة موديل في الريتمو s85..
                        وإيه إللي لازم أبص عليه وأنا بأشوف العربية كويس.. وآخد بالي منه..
                        السؤال الأخير.. هي تعمل كام لو حالة كويسة؟؟؟؟؟
                        بص ياباشا اسمها ريجاتا 85s كل الريجاتا واحد بس هات من موديل 88-90 (اسمها ريجاتا نوفا)
                        هات 1500 ابعد عن 1600 (ملوش قطع غيار بس هو موتور جبار )
                        بص هى الريجاتا عربية جميلة جدا وحماله قاسية وقطع غيارها الخارجية والاكسسوارات غالية و ممكن تقول جدا اى عربية ريجاتا لازم تلاقى فيها بارومة او كان فيها ومعمولة اهم حاجة تبص فبها الدواسات (البارومة) والحوض بتاعها من تحت (بيشرخ وساعات بارومة ) والحصيرة من تحت وشوف التابلوه (اضعف تابلوه فى العالم ) سليم ولا لا التابلوه بتاعها 1200 جم استيراد علشان كده لازم تبص عليه وابعد عن الريجاتا المتهانة حتدوخك ومش حنعرف تصلحها فى الاخر وهى بتعمل من 16- 26 النضيف منها 22- 26 اما لو قاصدك على الريتمو يبقى حتندم ندم عمرك
                        نصيحة من اخ متتدفعش اكتر من 25 زياده عن كده حتتدخل فى التمبرا

                        Comment


                        • متيجوا ياجماعة نتقابل يوم الخميس اهو فرصة نتعرف على بعض ونفيد بعض

                          Comment


                          • أغيثوني ..... المكنه اللي حيلتي باظت
                            السلام عليكم اخواني الاعزاء
                            أرجو الافاده
                            عربيتي ريتمو 1500 موديل 86 – 75 cl
                            كانت بتسخن و عملت طحينه في الرادياتير ..... يعني الجوان ضرب
                            فكيت وش اليلندر و قشطته و جوان جديد الخ...........
                            شويه و ضرب تاني و ثالث و رابع
                            قشط الوش مرتين و غيرت الميكانيكي و بردو بيضرب
                            الميكانيكي اللي بثق فيه نصحني اني أغير المكنه على اساس اني هحتاج وش تاني + ان السلندر نفسه فيه شغل و ممكن يحتاج قشط
                            دلوقتي بقه:
                            - أغير المكنه ولا لأ؟
                            - لو غيرت أجيب ريجاتا 1500 و لا تيمبرا 1600 (ميال ليها و الميكانيكي قاللي أحسن)؟
                            - لو تيمبرا 1600 ايه التعديلات (أنا كنت مغبر الفتيس من فتره و جبت فتيس تمبرا) دلوقتي بقه قواعد الموتور و الرادياتير و الشكمان و الكبالن هتحتاج تعديل ولا لأ؟ و المرور هيبقى أخباره ايع في التيمبرا 1600 هدفع فرق ضريبه ولا ايه؟
                            أفيدني أفادكم الله
                            وشكرا مقدما

                            Comment


                            • المشاركة الأصلية كتبت بواسطة loserdavie مشاهدة المشاركة
                              متيجوا ياجماعة نتقابل يوم الخميس اهو فرصة نتعرف على بعض ونفيد بعض
                              والله انا كمان نفسى واقترحت هذا اللقاء لكن الاحداث الجارية افشلت اللقاء
                              [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                              [/COLOR][/SIZE]

                              Comment


                              • السلام عليكم
                                انا بدئت فى شد العربية بتاعتى سمكرة ودوكو
                                فكيت العربية وجيبتها على الشسية علشان لو فية برومة ولا حاجة تبان والحمد لله العربية سليمو
                                اشتريت حجات من الوكالة
                                2باب امامى عادة 500 جينية
                                غطا شنطة كامل بالكالون والاسبويلر 200 جينية وفية بيبان شنطة كهرباء
                                دواسة ارضية فبريكة مفكوكة من نص عربية 150 جينية
                                فرش سقف 250جينية
                                الهواية اللى بتركب تحت المسحات والحتتين الفبر بتوع الطرفين 100 جينية
                                مراية الصالون كاملة بى الساعة 150 جينية
                                اربة مياة المسحات 50جينية
                                ضفيرة كهرباء كاملة وعلبة الفيوزات 400 جينية
                                شاسية مسحات نوفا 70 جينية
                                عمة هواء +عمة الزيت 180 جينية
                                سيرفو + المستر +الخزنة بتاعت الزيت + الخرطوم الهواء 130 جينية
                                فى حجات سئلت عليها بس مجبتهاش
                                الرفرف 200 جينية
                                تنك البنزين 300 جينية
                                الشبكة 250 جينية ومبتبعش لوحدها لازم تاخد معاها الفوانيس
                                الفوانيس الاتنين بى الشرات 500 جينية الاقصدام 400 جينية امامى او خلفى يعنى الاتنين 800 جينية
                                الطبلوم 2000 جينية عادة او نوفا
                                انطباعى عن الوكالة الحركة نايمة ومفيش بيع ولا شراء قليل جدا والتجار بيبيعو بيع غلاوة
                                انا معرفتش اشترى شبكة او رفرف لازم اخد نص كامل علشنهم طب لية هوة كدة وقطع غيار الريجاتا قليلة وعند ناس معينين انا مرحتش عزبة شلبى ومعرفش الاسعار هناك اية
                                ولو حد عاوز يعرف حاجة انا تحت امرة
                                elbadry99 سابقا

                                Comment

                                Working...
                                X