التقرير المفصل عن الرائعة فولفو s40

[الصيداح]

بسم الله الرحمن الرحيم

سلام الله عليكم ورحمته وبركاته

لابد وأنك سمعت عن فولفو هذه الشركة الأكثر من رائعة بمميزاتها وأمانها منقطع النظير وكذلك ثباتها المتناهي
حيث ان هيكل السيارة مصنوع من الفولاذ العالي القوة حيث يتكون هذا الفولاذ من اربعة طبقات تشعر وكانك في بيتك من عظم الامان بداخلها ولاعجب في هذا فهي فولفو رمز الأمان

نالت شركة فولفو على سبق التوصل إلى أكثر من أربعين إختراعا يسهم في أمان السيارة
أبسط ما فيها هو ما نستخدمه جميعا في سياراتنا وهو حزام الأمان الثلاثي الإتجاهات

ونتكلم اليوم عن السيارة s40 إحدى إبداعات فولفو

..

.................................................. ...
............................................
..........................
.........

الشكل الخارجي

تميز الشكل الجديد للجميلة s40 بالشبابية والقوة

..
..
..

ومن الخلف

..

........................................
........................................

المقصورة

فخامة المقصورة من البديهيات لدى فولفو

..
..

وأيضا التشطيبات الداخليه من الخشب والجلد الفاخر

..

ويتميز مقعد السائق والراكب بذاكرة لحفظ جلستك الخاصه وكرسي كهربائي
وكمبيوتر رحلات ومرآة عاكسة للضوء الخلفي
ومزودة ايضا بوسائد جانبية وامامية (( مغلفة بالوسائد الهوائية ))
واحزمة امان متطورة جدا من نوع الشد عند الارتطام

..

وبها أيضا مقاعد خاصة للاطفال لتثبيتهم تماما
و فتحة السقف
ومثبتات سرعه وتحكم كامل بالمسجل عن طريق عجلة القيادة
ومكيف أوتوماتيك
ومشغل اسطوانات يعمل بـ6 إسطوانات
كما أن الأماكن التخزينية بها مبتكرة وجميلة

..

كما يزين شعار فولفو ثلاثي الابعاد عجلة القيادة كما نرى في الصور

........................................
........................................

أنظمة السيارة

1- نظام TSC) ) الذي يتحكم باحتكاك واستقرار العجلات
2- نظام( (DSTS الذي يتحكم باحتاك واستقرار العجلات ديناميكيا وذاتيا
3- مظام ( TRACS) الذي ايضا نظام احتكاك العجلات
4-نظام ABS
5 قوة توزيع الفرامل الاكترونيا
6- EBD مانع الانزلاق

وبتواجد هذه الأنظمة لاعجب ان تكون الأثبت والأكثر أمانا في فئتها
لكن وزنها الثقيل يجعلنا بحاجة إلى محرك ذو قوة عالية حيث تأتي
محركاتها ذات الدفع الأمامي
بسعة 2.4 ليتر ,5 اسطونات,140 حصانا
وهناك محرك إخياري يأتي بالمواصفات التالية 2.4 ليتر,5 اسطونات,توريو ,220حصانا
وناقل حركة يدوي 5 سرعات
ومنها أيضا ستيبترونك
ولا أعلم إن كان منها محركات بسعة 1.6 لكن أتمنى وجود ذلك حتى تكون بأسعار منافسة في مصر

وهنا بعض الصور الرائعة لفولفو s40

..

..

..

..

..

..

..

..

..

هذا ولا تنسونا من صالح دعاكم

[mina_ramsis]

فخمة جدا فعلا بس تصدق ان الشياكة ديه كلها اتباعت للصين

[NoRmAl]

أنا ركبت العربيه دى مرتين
فخمه جدا جدا جدا من جوه
وتحسسك أنك قاعد فى عربيه من كوكب تانى
شكرا على النقرير يا باشا

[الصيداح]

فخمة جدا فعلا بس تصدق ان الشياكة ديه كلها اتباعت للصين

الدنيا حظوظ والله حسرة أنها تتباع للصين

أنا ركبت العربيه دى مرتين
فخمه جدا جدا جدا من جوه
وتحسسك أنك قاعد فى عربيه من كوكب تانى
شكرا على النقرير يا باشا

بما أنك مجربها قولنا ركبتها في مصر.؟
وإيه سعرها وايه رأيك أن الواحد يفكر فيها بغض النظر عن إعادة سعر البيع

[w-m-a]

خسارة الفخامه والعراقة والاداء العالى تروح ل جيلى الصينيه

[NoRmAl]

بما أنك مجربها قولنا ركبتها في مصر.؟
وإيه سعرها وايه رأيك أن الواحد يفكر فيها بغض النظر عن إعادة سعر البيع

مجربها :)))))
لا متفهمنيش غلط :)
أنا ركبتها لكن لم أحظى بسواقتها
هى في منها 1600 فى مصر
أخر مره ركبتها كانت فى المصريه وكانت على ما أتذكر 200 ألف للمانيوال و 200 حاجه وعشرين "مش فاكر بالظبط" للأوتو بس مش تيبترونيك
من حيث لو معايا فلوسها أجبها
بجد مش عارف
بس لما ركبتها حسيت أنى مركبتش عربيات قبل كده
الانتريور بتاعها غريب كده و تحسها حاجات من المستقبل :)))))
أفخم من الى فى الصوره كمان مش عارف أزاى
الهاند بريك شكلها مختلف كدا غير تقليديه
وفى فراغ خلف وحده التحكم فى التكيف أموت وأعرف معمول أزاى

[damasry]

مجربها :)))))
لا متفهمنيش غلط :)
أنا ركبتها لكن لم أحظى بسواقتها
هى في منها 1600 فى مصر
أخر مره ركبتها كانت فى المصريه وكانت على ما أتذكر 200 ألف للمانيوال و 200 حاجه وعشرين "مش فاكر بالظبط" للأوتو بس مش تيبترونيك
من حيث لو معايا فلوسها أجبها
بجد مش عارف
بس لما ركبتها حسيت أنى مركبتش عربيات قبل كده
الانتريور بتاعها غريب كده و تحسها حاجات من المستقبل :)))))
أفخم من الى فى الصوره كمان مش عارف أزاى
الهاند بريك شكلها مختلف كدا غير تقليديه
وفى فراغ خلف وحده التحكم فى التكيف أموت وأعرف معمول أزاى

بس يا على اللى بتنزل مصر 1600 سى سى ودى مانيوال بس والاوتو فى ال2000 سى سى.

الفئتين دول كانوا بس اختلاف فى الكماليات.

الفراغ ده ورا وحدة التحكم فى الكاسيت والتليفون والتكييف (وحدة واحدة) وفعلا مش قادر اعرف ازاى عاملينه بالسمك ده بس.

[الصيداح]

تمام أنا أقصد حتى لو ركبتها فأنت أفضل ممن لم يرها إلا في الصور
فأنت أكيد عندك انطباع عام عنها غير من لم يحظى بركوبها
فلو الواحد معاه فلوسها أكيد تستاهل أن الواحد يفكر فيها بس ايه أحوال قطع الغيار

[NoRmAl]

بس يا على اللى بتنزل مصر 1600 سى سى ودى مانيوال بس والاوتو فى ال2000 سى سى.

الفئتين دول كانوا بس اختلاف فى الكماليات.

والله يا محمد أنا مش فاكر التفاصيل أوى
بس الراجل مجبليش سيره عن 2000 سى سى خالص
كل الى أنا فاكره أنى سألته على سعرها
قالى 1600 سى سى مانيوال 200 ألف "وقالى بس ممكن أنزلك الف ولا أتنين :)...أهبل فاكرنى هشتريها"
و أوتوماتيك 200 حاجه وعشرين
مقليش 2000 خالص!

[mohamedbook]

ليه الازي بتاعك دة
العربية ديه انا بحبها جدا ووالله لو معايا فلوسها لجبها
شياكة علي الاخر

في الجنة مالا عين رأت ولا اذن سمعت ولا خطر علي قلب بشر

[الصيداح]

ليه الازي بتاعك دة
العربية ديه انا بحبها جدا ووالله لو معايا فلوسها لجبها
شياكة علي الاخر

في الجنة مالا عين رأت ولا اذن سمعت ولا خطر علي قلب بشر

ههههههههه
شكلها كدة هتبقى في الجنة إن شاء الله

[د.محمود صلاح]

شكلها جميل ,, وسعرها حراااق ,, شكراً للموضوع

[Eng.Geo]

شفتها كذا مرة بس هي نفس العربية
كل مرة اقف وابص جواها واحلمممممممممممممممممممم
وهم
غير اللي في الصور
نفس الشكل ولكن احساس تاني
عربية طويلة وعريضة ومش عارف ليه حاسس انها تقيلة جدا جدا عن باقي العربيات مع اني حتي مقعدتش جواها عشان اعرف بس احساسي كدة
شكلها وهي ماشية تحس انك مش راكب عربية حتي لو معاك مرسيدس اخر موديل
الفولفو ليها طعم تاني خالص من فخامة وشياكة وكل حاجة
كفاية كدة عشان الحقيقة تعبت

[ahmedsamir79]

تسلم إيدك علي الموضوع

[الصيداح]

ايه يا جدعان كدة هتخلو الواحد يطمع أوي