الفرق بين 240 و 244 فولفو :)

[Rapper]

السلام عليكم و رحمه الله و بركاته
سوالي النهارده عن العربيه الفولفو الي مافيش حد بيفكر فيها خالص و منسيه :)
و سوالي هو ليه الناس بتبص علي الالماني و انسيه السويدي الفولفو خالص
برغك انها عربيه محترمه و بتستعمل و معمره
انا عاوز حد يكون جرب العربيه دي و يديني رايه خصوصا فولفوا 240 او 244
و ايه الفرق بينهم و ايه مميزاتها و ايه عيبوها :)
لاني معروض عليا واحده و سعرها مناسب
240 volvo
موديل 82
سنتر لوك
استرنج بور كامل
4 زجاج كهربا
مريات كهربا
تكيف يعمل بكفاءه
و الماكنه 2000 مانيوال جديده مثبوته علي الرخصه
عاوز اعرف اسعرها بكام هي سعرها معروض عليا 28 الف
و مستغرب علي ان سعرها رخيص كده بصراحه برغم انها عربيه جميله اووي
ولكم جزيل الشكر

[Rapper]

مافيش حد ركيب فولفو ولا ايه :d

[saddam]

عربية محترمة ولكن سبب إنخفاض سعرها محركها اﻷلفين وكبر حجمعا وليها سوقها وليها زباينها وفي ناس بتعدلها وش 90 ولو حالتها نظيفة خدها على 25 ألف ودمتم للنضال

[Rapper]

عربية محترمة ولكن سبب إنخفاض سعرها محركها اﻷلفين وكبر حجمعا وليها سوقها وليها زباينها وفي ناس بتعدلها وش 90 ولو حالتها نظيفة خدها على 25 ألف ودمتم للنضال

معلش سوال تاني ماله المحرك 2000 :) ممكن اعرف السبب

[SERGIOOO90]

قال يعني عشان البنزين

[Rapper]

قال يعني عشان البنزين

والله مش شرط يكون البنزين :(
في عربيات كتيره صغيره و برغم من كه بتحرق بنزين و بتاكل زيت
بس الناس بتاخف من العربيات الكبيره مع انها اقسم بالله عربيه محترمه

[Rapper]

مافيش حد ركيب فولفو ولا ايه :d

[benmatar]

الفولفو 240 و 244 عربيات محترمة جدا جدا وممتازة من نواحي كتير زي: متانة المحرك وقوته، الصاج المتين جدا، صالون واسع ومساحات تخزينية، شنطة كبيرة، ثبات في السرعات العالية والدورانات، عالية عن الأرض، دفع خلفي، قطع غيار معمرة
بس من ناحية إعادة البيع فهي صعبة حبتين تلاتة إلا لو حد غاوي، واستهلاك البنزين عالي لو مشاويرك كلها وسط البلد وداخل المدينة، أما لو حياتك كلها سفر فالإستهلاك عادي والموتور بيشتغل 80و 90 و92 معندوش مشاكل
العربية دي متشتريهاش إلا لو سليمة ومش متهانة (يعني اشتريها استخدام باشاواتي زي ما بيقولوا وهتلاقي)
منها كذا موتور اشهرها الموتور الأبيض العادة كربريتور 2300 اوائل الثمانينات، والموتور الأسود 2000 وأغلبه حقن الكتروني اواخر الثمانينات واوائل التسعينات، وموتور ثالث قديم معليهوش طلب بيكون 1899 او حاجة زي كده بيقولو عليه الماكينة الصغيرة ومش محبذة، وماكينة تانية 2100 مش قوي برضه من ناحية وفرة قطع الغيار والصيانة
العربية دي ميزتها إن شاسيه السبعينات هو هو لغاية اوائل التسعينات ودي ميزة لراغبي التعديل، وقطع الغيار الاستيراد مرطرطة في بورسعيد والوكالة واسعارها منافسة على غير المتوقع
بس لما تشتري لازم تعرف العربية متعدله ولا على ابوها
وبكرر إن المهم إن شاسيه العربية يكون 100% مش 99
عندي صديقين واحد معاه 240 والتاني 244
الاتنين واحد بس 240 هتلاقيها أشيك شوية (وجهات نظر) فانوس خلفي اعرض والكابوت بيسموه البومه شكله اشيك، بس كله بيركب على بعضه واللي معاه 244 خلاها زي 240 التسعينات
آسف للإطالة بس حبيت انقل لك معلوماتي البسيطة، بس لازم تعرف إن ليها ميكانيكية معينة واعطالها نادرة فعلا لو العربية سليمة
بالنسبة للسعر بيكون فيه تفاوت كبير بداة من عربيات تلاقيها تعمل 17 و18 ألف لغاية عربات تعمل 40 ألف.
ولو غاوي وعندك نية ووقت ممكن تشتري واحد 79-80 مثلا قديمة أو مركونة (شاسيه سليم زي ماتفقنا) وتاخدها تشدها من الألف للياء كل كل حاجة وتبقى معدل تسعينات اوتو كاملة أم موتور اسود انجكشن وصالون جلد ومفيش بعد كده هتقف عليك كلها في الثلاثينات بس راكب عربية ملهاش مثيل، وبالتوفيق

[saddam]

معلش سوال تاني ماله المحرك 2000 :) ممكن اعرف السبب

مفيهوش حاجة.يا صديقي المواطن أنا عن نفسي عندي في عربياتي من أول 1800 ولغاية 5000 سي سي ولما بشتري عربية بغير مكنة من 1900 إلى 2300 وده طبع عندي
بس إنت سألت ليه مش بييجي سيرة.الفولفو كتير عشان عندنا الشعب والحكومة بيحاربوا أي عربية فوق 1600 ودمتم للنضال

[Rapper]

الفولفو 240 و 244 عربيات محترمة جدا جدا وممتازة من نواحي كتير زي: متانة المحرك وقوته، الصاج المتين جدا، صالون واسع ومساحات تخزينية، شنطة كبيرة، ثبات في السرعات العالية والدورانات، عالية عن الأرض، دفع خلفي، قطع غيار معمرة
بس من ناحية إعادة البيع فهي صعبة حبتين تلاتة إلا لو حد غاوي، واستهلاك البنزين عالي لو مشاويرك كلها وسط البلد وداخل المدينة، أما لو حياتك كلها سفر فالإستهلاك عادي والموتور بيشتغل 80و 90 و92 معندوش مشاكل
العربية دي متشتريهاش إلا لو سليمة ومش متهانة (يعني اشتريها استخدام باشاواتي زي ما بيقولوا وهتلاقي)
منها كذا موتور اشهرها الموتور الأبيض العادة كربريتور 2300 اوائل الثمانينات، والموتور الأسود 2000 وأغلبه حقن الكتروني اواخر الثمانينات واوائل التسعينات، وموتور ثالث قديم معليهوش طلب بيكون 1899 او حاجة زي كده بيقولو عليه الماكينة الصغيرة ومش محبذة، وماكينة تانية 2100 مش قوي برضه من ناحية وفرة قطع الغيار والصيانة
العربية دي ميزتها إن شاسيه السبعينات هو هو لغاية اوائل التسعينات ودي ميزة لراغبي التعديل، وقطع الغيار الاستيراد مرطرطة في بورسعيد والوكالة واسعارها منافسة على غير المتوقع
بس لما تشتري لازم تعرف العربية متعدله ولا على ابوها
وبكرر إن المهم إن شاسيه العربية يكون 100% مش 99
عندي صديقين واحد معاه 240 والتاني 244
الاتنين واحد بس 240 هتلاقيها أشيك شوية (وجهات نظر) فانوس خلفي اعرض والكابوت بيسموه البومه شكله اشيك، بس كله بيركب على بعضه واللي معاه 244 خلاها زي 240 التسعينات
آسف للإطالة بس حبيت انقل لك معلوماتي البسيطة، بس لازم تعرف إن ليها ميكانيكية معينة واعطالها نادرة فعلا لو العربية سليمة
بالنسبة للسعر بيكون فيه تفاوت كبير بداة من عربيات تلاقيها تعمل 17 و18 ألف لغاية عربات تعمل 40 ألف.
ولو غاوي وعندك نية ووقت ممكن تشتري واحد 79-80 مثلا قديمة أو مركونة (شاسيه سليم زي ماتفقنا) وتاخدها تشدها من الألف للياء كل كل حاجة وتبقى معدل تسعينات اوتو كاملة أم موتور اسود انجكشن وصالون جلد ومفيش بعد كده هتقف عليك كلها في الثلاثينات بس راكب عربية ملهاش مثيل، وبالتوفيق

تسلم ايدك يا كبير :)
انت كده جبتلي المفيد كله
جزاك الله كل خير

[benmatar]

تسلم ايدك يا كبير :)
انت كده جبتلي المفيد كله
جزاك الله كل خير

تحت امرك ولو عاوز اديلك ارقام اكبر تجار الفولفو الاستيراد في الوكالة وهو شخصية محترمة واسعاره كويسة واسمه عمرو عسل وتلاقي عنده العربية دي مسمار مسمار.

[Rapper]

تحت امرك ولو عاوز اديلك ارقام اكبر تجار الفولفو الاستيراد في الوكالة وهو شخصية محترمة واسعاره كويسة واسمه عمرو عسل وتلاقي عنده العربية دي مسمار مسمار.

يا ريت تبقي عملت معايا واجب جاااامد اوووي :)

بس انا عندي استفسار صغير كده العربيه الي انا هشتريها دي
الموتور بتاعها 2000 لسه جديده و الرخصه مكتوبه 2300 القديم علشان لسه الرخصه فيها 3 شهور قالي انا باعت الورق بقالي شهرين و هو لو راح يعمل الفحص بكرا او بعده بتثبت الموتور الجديد علي طول ؟ ولا هل هياخد وقت
الموضوع ده شغلني بردو هو قالي رايح بكرا يخلص كل حاجه

[benmatar]

يا ريت تبقي عملت معايا واجب جاااامد اوووي :)

بس انا عندي استفسار صغير كده العربيه الي انا هشتريها دي
الموتور بتاعها 2000 لسه جديده و الرخصه مكتوبه 2300 القديم علشان لسه الرخصه فيها 3 شهور قالي انا باعت الورق بقالي شهرين و هو لو راح يعمل الفحص بكرا او بعده بتثبت الموتور الجديد علي طول ؟ ولا هل هياخد وقت
الموضوع ده شغلني بردو هو قالي رايح بكرا يخلص كل حاجه

كل ما هو 2000cc وما فوق بيبقى نفس الضرايب والأسعار مفرقتش، بس أنصح حضرتك لما تشتري ياريت يكون الورق كله خلصان والرخصة مثبوت عليها الرقم (دايما لأي عربية تشتريها تشوف رقم الشاسيه والموتور وتطابقهم على اللي في الرخصة كإجراء احترازي، وآسف على التأخير في الرد، وبالتوفيق

[moraba3]

انا عندي العربية دي بتاعت والدي..244 موديل 80. عربية ماشاء الله هايلة. قطع غيارها رخيصة جدا وموجودة ومعمرة جدا. عيب العربية دي بالنسبة من وجهة نظر البعض ان حجمها مبالغ فيه. انا مش حاسس كده خالص وبالعكس انا بحب اسوقها جدا عن باقي العربيات..كفاية اني مش بضرب كلاكس انا بس بلزق في اي عربية من ورا بيوسع علي طول بدون مناهدة :) جراية ومهما تحملها بتمشي عشان عزم الموتور بتاعها عالي جدا. صالونها واسع جدا وشنطتها كبيرة جدا. تقريبا ما فيهاش اي تكنولوجيا معقدة وصيانتها سهلة بس عايزة الصنايعي بتاعها. مالهاش عيوب تصنيع تذكر. معدل الاستهلاك لموتور ال2300 الكربراتير 160: 170 كم في الصفيحة طبعا الانجيكشن بيفرق كتير. وليها تعديلات ظريفة جدا لو من هواة التعديل. وكل كمالياتها موجودة. ( تكيف- زجاج كهرباء ورا وقدام- مرايات كهرباء- اتوماتيك او عادة- جنوطها الاسبور او لو عايز في ماركات كتير بتركب عليها بداية من مقاس الي مقاس 17- سنترلوك بتاع الشنطة مع بتاع العربية- وش العربية فيه منه كذا شكل وكله بيركب من غير تقطيع ولا لحام بداية من موديل 80 الي موديل 92- الكراسي بتاعتها موجود منها كذا شكل وكله بيركب) بالاضافة الي ان جودة التصنيع بتاعتها عالية جدا بالاضافة الي عوامل الامان المشهورة بيها سيارات فولفو

[3abwahab]

انا معايا ال 240 موديل ٨٣ كربيريتور - كانت مانيوال واتقلبت اوتوماتيك. بتاعة والدي الله يرحمه برضوا.. عايز اقوللك انها عربية زي الفل

قوة وثبات مفيش بعد كدة.. الموتور اللي راكب فيها دلوقتي متحطش فيه مسمار من ساعة ما الحاج اشتراها.. هو اه صحيح تعب شوية لكن عامرة الموتور ده ترجعها فلة.

العربية دي معايا ومش مخلياني عارف اركب عربيات جديدة! بمشي مش خايف من حد في الشارع.. لو حد خبطني غلطان او مش غلطان هو اللي بيزعل :D الشاسيه بتاعها قوي جدا جدا.. والفولفو معروفة بقوتها وامانها.

عربية ميعرفشي قيمتها غير اللي يركبها بس