مساعدة من ركاب الفولفو القديم

[3abwahab]

مساء الفل يا شباب

أنا معايا 240 GL موديل ٨٣ ال ٢٠٠٠ cc والموتور بتاعها خلاص تعب وفوت وبيجيب زيت دلوقتي.

رحت لميكانيكي فولفو في البحر الأعظم اسمه ابراهيم.. قاللي العربية محتاجة عامرة وفيتيس.. عشان الفيتيس مبيجيبشي الرابع.

قاللي العامرة هتكلفك حوالي ٤٥٠٠ وهنجيب فيتيس استيراد من الحرفيين ممكن يعمله ١٥٠٠ـ٢٠٠٠

فا انا نفسي اعرف بقى او حد يساعدني.. ايه افضل مكان ممكن اعمل فيه العامرة؟.. بسمع عن كذا ميكانيكي زي الوحش و واحد كمان كدة في الحرفيين. واسعار العامرة بتبقى المفروض عامة ازاي؟

مع العلم اني نفسي مفرطشي في العربية دي بالاضافة اني مش عارف اركب عربيات جديدة.. واللي راكب فولفو طبعا عارف ليه

هل من مجيب ؟ :)

[ahmed_elghoul]

عزرا علي التاخير هو كلامك عن الفولفو صح بس بدل عمره شيل حمام وحط حمام

[J A G U A R]

مبلغ زى ده اعتقد خساره يتدفع فى عربيه قديمه رغم انى عارف ان الفولفو عربيه كويسه وركوبه

[ahmed_elghoul]

شيل حمام وحط حمام

ده اجسن وامن جل اطلع بورسعيد غير ماكنة بالفتيس

[moraba3]

بص يا باشا لو انت لسة ما عملتش حاجة..الاحسن تجيب مكنة 92 2000 b200 او b230 بفتيسهم مواتير حلوة وهاتحيي بيهم العربية ..العربية دي قوية جدا ولو صرفت عليها هاتعلي معاك كعربية من ناحية الكماليات والاكسسوارات بتاعتها مش غالية..سعرها ما بين الرخيص والمتوسط ومعمرة جدا.
ده لو مش عايز تبيع العربية..

[AHMED REFAT]

نصيخة ماتدخلش نفسك فی عمرة ووجع قلب .. شيل الماتور هات واحد استيراد يكون بفتيسه بحاله بماله مابين 5000 الی 7000 حسب حالته وموديله وهايكون انجشكشن مش كاربيتير .. هی هی التكاليف ويمكن اقل واريح 100 مرة .. وشغله فك وتركيب مش هاياخد يومين .. مش تقعد جنب العربية 20 يوم عمرة ... عندك ناس فی الحرفيين وفی الوكالة وفی الظاهر وفی بور سعيد طبعا احسن واحسن .. وبالتوفيق ان شاء الله