سر مبيعات فولفو التاريخية هذا العام فى مصر

[Waleed_aboammar]

حقيقى مش قادر أفهم سر تزايد مبيعات فولفو السنة دى في مصر خاصة و انها عربيات مش رخيصة و كمان بعد سنين من انعدام المبيعات في مصر تقريبا.... و في نفس الوقت بلاحظ ان فيه ماركات تانية المانية عندها مشاكل في الفيتيس و يمكن هو ده اللى عمل نقل للمبيعات من ماركة لاخرى.... على العموم تهنئة لعملاق السلامة و الأمان فـــــــولفــــــــــو.....

.......

[hesham fawzy h]

النسبة زادت اد ايييية

[Mecha]

ما هو احنا بردك بنحب الفخامه والهمبكه
ومش مهم اسعار قطع الغيار والصيانه المعقربه
ومصر يابلد العجايب

[Mohamed.Ramah]

بالرغم من الاسعار الغالية للسيارات التنفيذية المدمجة فى مصر إلا ان مصر اكثر الدول امتلاكاً لسيارات مرسيدس منذ قديم الازل حتى اكثر من المانيا نفسها فا طبيعى لما نشوف انتشار لموديل لفولفو السنة السابقة والحالية خاصة طراز S60 - البيعتبر منافس قوى ل C class - اودى A4 -
bmw 3 series دة شىء طبيعى ولعدة اسباب اهمها/

اولاً لا تنقص سيارات فولفو عن المنافسين شىء من التجهيزات او الفخامة

ثانيا السعر فالسيارة تبدأ من 308.000 حتى 398.000 بالنسبة ل S60 و S80 - بيبدأ سعرها من 348.000 ل 398.000 لاعلى فئة اسعار طراز 2015 علماً ان الاسعار كانت اقل من كدة السنة السابقة وحتى بداية السنة الحالية فدة ادى لانتشارها مقابل المنافسين


ثالثاً كسيارات فئة اعلى من bmw والجربها وركب فولفو وركب bmw حيعرف الفرق

رابعاً مرسيدس C class بعد ظهور عيوب عند استخدام بنزين 95 بالسيارة ادىء لتوقفها نهائياً + امضائهم على اقرار تحمل مسؤلية وجود اى مشكلة بالمحرك عند استخدام بنزين اوكتان اقل من 95 ودة وقت الشراء + فترة استلام موديلات مرسيدس فترة طويلة من قبل التوكيل وطول مدة الاستلام والاوفر برايس بيصل لمبلغ كبير

خامساً توفر موديلات فولفو بزيادة بسيطة فى المعارض والتوكيل بالسعر الرسمى

سادساً الاودى A4 منافس شرس للفولفو فى هذة الفئة ولاكن سعرها بيبدأ من 390.000 بسعر اعلى فئة فى الفولفو وسعر باقى المنافسين bmw ومرسيدس خاصة الفئة الاولى والثانية اغلى من فولفو 356.000 - 378.000 فمن راى صفقة رابحة فى الفئة دة خاصة سعرها جيد مقابل المنافسين وتجهيزاتها جيدة جداً ..