سعر اصلاح الايرباج الخاصه بالفولفو s60? ?

[hossamgaber]

السلام عليكم.
محتاج ضروري اعرف سعر تصليح الايرباج للs60 علشان التوكيل بيقوللي 17 الف جنيه. . فلو في اي معلومه انها ممكن اتضاح في مكان بره. علشان العربيه مش متأمن عليها. ولكم جزيل الشكر.
للعلم 17 الف للايرباج الواحده بس.

[hany63]

خليك مع التوكيل بدل ما تتظبطش و تلف حوالين نفسك
السعر ده منطقي بالنسبه للماركه

[hossamgaber]

شكرا لمداخلتك ,, الفكره إن التكلفه هتبقي مش طبيعيه يعني 17 الف في 10 Airbags يعني 170 الف جنيه ,, وكمان التابلوه في مشكلة تانيه ,, إن القشره فقط بتاعت التابلوه اللي فيها ال airbag بتاعت الكرسي اللي جنبي لازم تتغير ودي سعرها في التوكيل 50 الف جنيه ,, في كده المفروض إن الواحد يدفع 220 الف جنيه فقط علشان أصلح الايرباج , وده فعلا كتير أوي , لأن ثمن العربيه كله 300 الف ,

في أكيد في حل تاني غير موضوع التوكيل ده علي الأقل تبقي التكلفه أقل من كده ,, شكرا

[Mecha]

RARE Volvo S60R V70R Complete Steering Wheel w Airbag | eBay

اشوف دا ,الدركسيون بالاير باج 180$ وكمان بالقسط

[sas5]

rare volvo s60r v70r complete steering wheel w airbag | ebay

اشوف دا ,الدركسيون بالاير باج 180$ وكمان بالقسط

السلام عليكم ورحمه الله
انا شايف ان شراء الدريكسيون الجديد افضل من التصليح وارخص

[Mecha]

ابكتير ياريس فرق السما م الارض ,الجديد بالدركسيون يخلص في 1500 جنية

انت رحت عند كلاب سعرانة عاوزين يهبشوك

[NaderNabil]

ابعت هات حاجتها من بره مصر أو حاول تشوف تاجر استيراد يكون عنده أو يجبلك في أي شحنة من شحناته

و ممكن تعمل جراحة تجميلية و تقفل التابلوه و الطارة في الحرفيين بس مش هايبقى عندك إيرباجز و العربية هاتبقى معيوبة

[sas5]

RARE Volvo S60R V70R Complete Steering Wheel w Airbag | eBay

اشوف دا ,الدركسيون بالاير باج 180$ وكمان بالقسط

خلى بالك هذا الدريكسيون مستعمل مش جديد

وبص على هذا اللينك ممكن تشترى منه الايرباج بدلا من الدريكسيون وومن تراسله وتسئل على باقى الايرباج اللى ناقصه لديك

99 09 Volvo S80 V70 XC70 Left Driver Side Airbag Air Bag Steering Wheel w Button | eBay

خلى بالك كله مستعمل يعنى من الاخر هؤلاء مثل الوكاله عندنا وبيعرضوا على الايبى

http://www.ebay.com/sch/i.html?_from=R40&_trksid=p2047675.m570.l1313.TR0.TRC0.H0.XVOLVO+S60R++AIRBAG&_nkw=VOLVO+S60R++AIRBAG&_sacat=0

من الاخر 1000 دولار تشترى لك جميع الايرباج اللى انت عايزها وتتفق مع شركه شحن كويسه مثل ارامكس ترواح تستلمها منهم وتكلفك بالكثير قوى 2000 دولار شحن وجمارك وكل شى

[hossamgaber]

جزاكم الله خيرا ,, وشكرا علي النصيحه , وأن شاء الله هتعامل في موضوع Ebay :) H أكيد أكييييد مش هيبقي في نفس أسعار التوكيل .. شكرا

[AHMEDJUDDY]

والله نصيحه لوجه الله بعها علي عيبها كدا
وهاتلك عربيه جديده . لانك حتي لو قلت التكلفه ومعرفش كام . يعني حتي لو التكلفه بدل 220 الف زي ما بتقول بقت حتي 100000جم . يوم ما تبيع العربيه هتزهل اوي وال 100 الف هيروحوا عليك . غير ثمن العربيه اللي هينزل لما يتعرف ان الايرباجز فتحت وعابت العربيه .. وانا لو مكانك والله هعمل كدا .

[darbaka99]

ازيك استاذ حسام انا شفت موضوعك بخصوص الايرباج انا عارف انه مكلف بس طبعا عز العرب بينفخ انا معايا اس 80 وبجيب شغل فولفو من بره لو انت عايز سيستم الايرباج للاس 60 انا ممكن اجيبهولك كامل سيبنى يويمن وجيبلك سعره ولو عايزه انا ممكن اجيبهولك كامل مع شغلى اللى جاييلى
انا بأذن الله نازلى ششغل للفولفو 60 و 80
شوف وقرر وابعتلى مسج

[yahiamatrix]

حضرتك انا محتاج قشره air bag وكبسوله ل s80 هل متوفرين عند حضرتك وبكام وياريت اعرف مكان حضرتك ورقم تليفونك

[MaZaGAngeE]

الاسعار متاكد منها ?
فوق ال200 الف للايرباج ?
دي العربية نفسها ب 300 ..
التوكيل بيستهبل كده

[carrier]

انسى التجار خالص فى موضوعك دا

لو نفسيا مصر عالايرباج كسيفتى ليك انصحك تركز تجيبه من اى مكان يكون سعره لقطة فيه

والتوكيل يركبهولك او مركز خدمة محترم

لكن انا لو منك
ارفع تقرير رسمى فى التوكيل عالعربية واخليه معايا وابيع العربية على كده واورى نتيجة التقرير للمشترى واخلص

[darbaka99]

ياريت تبعتلي رقم حضرتك وهكلمك بخصوص كبسوله الايرباج
وعرفني كبسوله الطاره ولا التابلوه