لادا زيرو عاوز نصيحة

[a7madramadan]

أنا الحمد لله خلاص اشتريت أول عربية ليا ... لادا 2107 مصري كاربيراتير 1600 منغير لا تكييف ولا باور عشان موش محتاجهم قد كده و هاحاول أظبطها بشوية اكسسوارات و كاسست (بس موش عارف اجيب ايييه عشان بيقولولي غير الكاسيت الأصلي و هات واحد كويس تاني لو حد يعرف نوع كويس و في المعقول و يكون يقبل سيديهات ام بي 3 أو معاه مكان لل يو اس بي . يا ريت يقولي) و انشاء الله هاحاول أحط صور ليها قريب بعد التظبيت :)

موش هاطول الموضوع اني بس قلقان عشان دي أول عربية ليا خااالص و عاوزها تريحني و موش مستعد اني ألاقي نفسي عمااال أصلح فيها كل شوية حاجة و انا في دراسة جامعية موش ناقصة عطلة يعني

انا بس محتاج نصائح بسيطة

كل الناس قالتلي هات بنزين 80 و ريح دماغك .... و في ناس قالتلي إوعى تجيبه عشان هيبوظ الموتور و أجيب 90 أامن

اييه الحاجات الي المفروض ابص عليها دوريا اييه الحاجات الي بتتغير دوريا
اييه الحاجات الي أبص عليها على طوول

ولو في نصائح عامة يـــــاريت انا كلي آذان صاغية و مقدر لكل وقت أو جهد حضراتكم بتبذلوه عشان توصلو أي معلومة لأي حد في منتداكم الكريم الي أرجو انشاء الله اني أكون واحد من الناشطين فيه انشاء الله

[a7madramadan]

بالنسبة للكاسيت كل الي محتاجة جهاز فيه مكان usb و يكون نوعه كويس انا كل الي هاعمله اني هاوصل الفلاشة او ال ام بي 3 بتاعي عليه مباشرة من usb و يـــــــــاريت لو في حاجة يكون فيها ال usb + كابل 3.5 اوصله لأي موبايل/لابتوب انا موش باستخدم شرايط الكاسيت القديمة و لا السيديهات حتى لأنها 80 دقيقة إلا لو في سي دي ام بي ثري .... موش عارف الجهاز الي نا طالبه ده موجود ولا خيالي و انا ميزانيتي موش كبيرة قوي ... اتمنى لو حد يعرف حاجة زي الي انا باتكلم عليها و يكون سعرها معقول

[ayad2007]

ممكن تكلمنا عن العربيه عمله معاك إيه... سعرها كام - تقرير عن لادا التقفيل المصري . رايك بصراحه فيها المزايا و العيوب. مع الشكر..

[a7madramadan]

أنا لسه جايبها بقالي أيام استنى شوية عليه و انا حاقوللك ايييه الأخبار و انتظر مني تقرير كامل بالصور انشاء الله :) "بس حاجة على قدي p: "

[د.احمدالشافعى]

الف مبروك ربنا يديلك خيرها ويبعد عنك شرها

[nab!l]

الف مبروك

[Karim_Mohy]

الف مبروووك وربنا يباركلك فيها
وموضوع البنزين اعرف ناس بتحط 92 وفي ناس بتحط 80 بس ممكن تريح دماغك وتحط 90
وموضوع الكاسيت ممكن تقول ميزانيتك فيه لحد كام والناس هنا هاتفيدك انشاء الله

[a7madramadan]

الله يبارك فيكم جميعا و انا باحطلها 90 و طبعا ما اقدرش احكم على حاجة عشان ما غيرتش لحاجة تانية :) و بالنسبة للكاسيت انا اتكلمت مع الشباب في قسم الصوتيات و افادوني جدا جدا عموما انا قررت اشتري FM-Adapter و هاححط فيه فلاش ميموري مؤقتا لحد ما أظبط حالي و اجيب كاسيت بايونير بسماعات جديدة :)


يـــــــــــــارييييييييت حد يقولي هوه انا المفروض اغير زيوت اييه في العربية و كل قد اييه يــــــــاريت أصحاب اللادا الكرام يفيدوني

[assom]

مشكلة الولاعة

من فضلك أتأكد قبل شراء ال FM Adapter عشان ولاعة العربية عندي مبتشغلش غير الولاعه بس. أي شاحن أو حاجه تانية مش بتشتغل عشان الولاعه طويله. مش عارف العيب ده عندي انا بس ولا في كل العربيات.

[a7madramadan]

شاحن نوكيا شغال 100% .... بيتهيقلي ده عيب عندك و انا ركبت تاكسي و انا راجع من الكلية من فترة و كان حاطط ام بي 3 بتاع الولاعة ده و شغال تمام انا نازل اشتريه كمان يومين كده بس افضى شوية :)

[M.FOUAD]

الله يبارك فيكم جميعا و انا باحطلها 90 و طبعا ما اقدرش احكم على حاجة عشان ما غيرتش لحاجة تانية :) و بالنسبة للكاسيت انا اتكلمت مع الشباب في قسم الصوتيات و افادوني جدا جدا عموما انا قررت اشتري fm-adapter و هاححط فيه فلاش ميموري مؤقتا لحد ما أظبط حالي و اجيب كاسيت بايونير بسماعات جديدة :)


يـــــــــــــارييييييييت حد يقولي هوه انا المفروض اغير زيوت اييه في العربية و كل قد اييه يــــــــاريت أصحاب اللادا الكرام يفيدوني

زيت الموتور شوف ناوي حط اية انصحك تجيب شيل الاصفر و دة بيقعد 5 الاف كيلو ب 105
و تتابع مستوى الزيوت كل ما تغير زيت الموتور زي
الفتيس و الكورونة و الفرامل و الدبرياج و الباور لو عندك

[fatla2]

انا انصحك بزيت موتور موبل ابو 100 جنيه ده ممتاز

انا شخصيا عندى لادا بحط فيها 92 الصراحة فرقت جامد عن ال90

[waleedfawzy]

حاول من حين لآخر تشحم بيض المقصات ( ضروري) ويارب يبارك لك فيها ويكفيك شرها
لا إله إلا الله محمد رسول الله

[zakiali]

هي من حيث هتريحك فهي هتريحك فعلا

[wolf2]

شف يا سيدى بعد خبرة مع لادا ( 4 سنوات تاكسى ) و ( 5 ملاكى ) اقدر اقولك أولا اختيار موفق و مبروك عليك بس كان نفسى تجيب الروسى ما علينا أول حاجه البنزين 92 افضل و ياريت من محطات وطنيه أو شل مش بيبقى مغشوش و أبعد نهائيا عن موبيل و كالتكس تانى حاجه الزيت و ده طبعا شل ( 67 جنيه ) زيت الكورونه زيت الكورونه زيت الكورونه دايما أكشف عليه زيت الفتيس طبعا ملحقا به و ما فيش زيت فالفالينا تقيل و خفيف أسمع الكلام هوة نوع واحد بس و ماتنزلش زيت الكرونه لاى سبب من الأسباب زيت الفرامل علبه الصاج و ياريت من التوفيقيه أو البلاستيك من بنزينات وطنيه فقط ( عن خبرة )الكلام د بفلوس !!!!!!! بعد كده دايما تلاحظ البيض بتاع العفشه و ده بتحسه من لم الدريكسيون يتقل معاك ( فى الركنه و الملفات بالنسبه للكاوتش حاول تبعد عن كاوتش نسر وده مهم عشان تطول عمر العفشه بس يا سيدى التسجيل بقه انا جايب واحد من التوفيقيه صينى بس ممتاز و بقاله سنه معايا و بيشتغل فلاشه و mp3 و كمان بالريموت با عم و ب 200 جنيه فقط نوعه ميتسوبيشى السماعات بايونير طبعا و دى فى حدود 350 جنيه و أبقى ادعبلى فاضل بس الميكانيكى حاول تتعامل مع ميكانيكى ثقه و ده بتعرفه من جيرانك و حبايبك و خليه هو الى يشتغل فى العربيه بأيده ووووووو اترك المجال لغيرى و ايارب أكون افدتك بشيء مبروك