عاجل جداً لكل عشاق اللادا

[خالد]

[b]حد عنده معلومات عن اللادا إليكو موديل 92 يفيدنى بسرعة لأنى قدامى واحدة وعايز أشتريها ، وهل قطع الغيار والصيانة متوفرة أم لا

ومحتاج رأيكم فى قرار الشراء للإختيار بين 3 عربيات :
128 موديل السبعينات
127 موديل الثمانينات
لادا إليكو موديل 92

والثلاثة نفس السعر تقريباً
ولكم جزيل الشكر
د. خالد

[baher]

أول مره اعرف اني في عشاق للادا :lol:

[hazem_khidr]

اليكو دي نزلت مصر سنه 91 و كانت روسي بس ما اعتقدش انها لادا و شركه النصر كانت بتفكر انها تجمعها بس ما حصلش نصيب
هيا 1500 سي سي و دفع امامي شكلها قرريب من البولنيز في نفس حجمها كده و كان نزل ليه تكييف ماركه ساندن ياباني مخصوص يركب عليها و جربوها فتره في الجيش كسياره نقل القاده
بس ما مشيتش العربيه و قطع غيارها اعتقد انك حدوخ علي ما تلاقيها ف نصيحه شوف 127 او 128 المهم النضافه انما الاليكو دي ابعد عنها

[sokasoon]

Re: عاجل جداً لكل عشاق اللادا

حد عنده معلومات عن اللادا إليكو موديل 92 يفيدنى بسرعة لأنى قدامى واحدة وعايز أشتريها ، وهل قطع الغيار والصيانة متوفرة أم لا

ومحتاج رأيكم فى قرار الشراء للإختيار بين 3 عربيات :
128 موديل السبعينات
127 موديل الثمانينات
لادا إليكو موديل 92

والثلاثة نفس السعر تقريباً
ولكم جزيل الشكر
د. خالد

خليك فى 128 وما تنزلش عن موديلات التمنينات

بلاش السبعينات لان العربيات ديه بتبقا تعبانة فبلاش السبعينات

[خالد]

جزيل الشكر للأخوة المحترمين الأستاذ /حازم خضر والأخ Sokasoon
على المعلومات القيمة والأراء المفيدة البناءة ،
وفعلاً أنا هاأبعد عن اللادا ونخلينا فى 128 أو 127

[TAG_Turbo0]

انا اول مره اسمع عن الادا إليكو
محدش عنه صوره لها

[Hazem Salah]

[quote="baher"]أول مره اعرف اني في عشاق للادا :lol:[/quote
أصبر و هات سبرانزا ، تكسب دنيتك و أخرتك

لأنها تامة الكماليات و فخمة الشكل و سعرها ممتاز و معروف نجاح أبو الفتوح ( فى الصيانة . .)
صبرا جميلا
وفقك الله

[ahmed1981]

لو عايز 128 نضيفة هتها فوق موديل 1990
بس تكون عربية نظيفة

إبعد عن الموديلات القدمة

مع العلم أن الفرق في السعر بينهم مش كبير

[أبومعاذ]

بلاش اليكو عشان قطع غيارها متوافرة في الأحلام
و بلاش 128 نوفا عشان وحشة
هاتلك 128 موديل 1988 او 1989 1300ccو عن تجربة عربية تحفة بالنسبة لسعرها اللي هوا في حدود 22 او 23 الف

[limo]

فى ناس هتبيع قطع غيار الايكو ونمرهم اهه
1-مركز الماظه للسيارات وعنوانه الماظه -مساكن الضباط بعد مستشفى الكهرباء امتداد شارع الثوره ت- 22694287. المركز ده صيانه وقطع غيار
2-الروسيه 40 شارع قنا ميدان الجامع - مصر الجديده ت 24518639 وموبيل 0126401348
وكمان بيبيعوا قطع غيار الزاز والاوكا والتافريا
انا بشترى منهم حاجات عربيتى الزاز
انت ممكن تكلمهم وتشوف مدى توافر قطع الغيار
بس بلاش تجيب اليكو علشان هتبقى تقيله لو حبيت تبعها انا راى خليك فى 128
تحت امرك فى اى استفسار

[خالد]

خالص الشكر لجميع الأخوة الأفاضل بالمنتدى اللى أتفضلوا على بأرائهم المفيدة وجزاكم الله عنا خير الجزاء
الحمد لله بعد طول بحث وأستقصاء وكأنى بعمل رسالة دكتوراه جديدة ، أستقر الرأى على شراء عربية زيرو ولو حتى كانت سوزوكى ماروتى
وقد كان ، أشتريت والحمد لله ماروتى 2007 وحالياً ماشى فى أجراءات الترخيص فى مرور السعد والهنا - أقصد مرور السلام -
وللعلم أشتريتها بنظام التقسيط ، سعرها كاش 35,5 ألف دفعت 40% من الثمن والباقى على 36 شهر
وربنا يبارك فيها ويدينى خيرها ويكفينى شرها
قولوا امين

[eng_elnaggar]

الف مبروك يا خالد بك وان شاء الله ربنا يباركلك فيها ويكفيك شرها ويديلك خيرها وما فيش احسن من الزيرو والماروتي عربية حلوة والناس بتشكر فيها

[hazem_khidr]

الف مبروك و عين العقل اللي انت عملته دا ربنا يحمهالك ويملهالك بركه

[M_Abdallah]

الف مبروك. وربنا يباركلك فيها.







_________________
محمد عبدالله

[yasserayad]

اهرب بجلدك من الاليكو اسمع كلامى لله