كاوتش لادا

[fido77777]

ناوي اغير كاوتش العربية وانا لسه مشتريها لادا 2105 مستعملة ولسه المعلومات قليلة

ايه افضل نوع كاوتش واسعاره؟

ومقاس كاوتش اللادا؟

واللي موجود دلوقتي شمبر ولا تيوبلس ؟ وايه الافضل ؟

انا عارف ان فيه موضوعات عن الكاوتش ومفيدة جدا

بس انا عاوز خبرة اصحاب اللادا من تجاربهم

[M.FOUAD]

كل الموجود تيوبلس طبعا مقاسة 13 175/70
افضل الانواع الgt و اللي بعدة الكومهو بحوالي 210 جنية

[H.ibrahim]

انا عن نفسى لسه مغير الاسبوع اللى فات فردتين كاوتش كومهو (حروف ) (auto power ) هما انتاج الاسبوع 35 سنة 2008 بس بصراحة حسيت بفرق جامد فى الفرامل و فعلا صوتهم واطى جدا و الفردة عملت 220 جنيه بالبلف والترصيص و ان شاء الله قريب هغير الفردتين الخلفيتين بنفس النوع علشان يبقى طقم كامل .

[fido77777]

شكرا علي الردود والمساعدة
في خلال الاسبوع الجاي هاغير فردتين
وربنا يسهل

[fido77777]

انا غيرت فردتين بنوع اسمه نانكينج الفردة بالترصيص والتركيب 200 جنيه انتاج الاسبوع 22 سنة 2009
واكتشفت انه نفس النوع اللي كان راكب فيها
الجي تي راي بياعين الكاوتش فيه مش حلو
والكومهو المصنع الكوري اتباع وبتنزل باسم تاني
والموجود منها ماليزي بس وبنفس السعر

دي معلومات اضافية سمعتها وانا باشتري
ممكن تفيد حد