عاوز نصيحة

[anwar]

يا شباب السلام عليكم
انا عضو جديد بالمنتدى وعاوز نصيحة انا مقبل على شراء سيارة ان شاء الله وانا اميل الى اللادا 110 او كالينا ارجو النصح باي منهما ومميزاتهما

[حسام كرم]

يرجى متابعة الموضوعات الموجودة فى منتدى اللادا وهتلاقى كل المعلومات الى انت عايزها
وربنا يوفقك وتحسن الاختيار ان شاء الله

[anwar]

الف شكر

شكرا يا اخي حسام
بس انا نفسي حد يقوللي ليه الناس مش بتحب اللادا وكل ما تسال حد يقولك لادا يا ساتر هاتجيب لادا

[حسام كرم]

سيبك يا اخ انور من الناس واستخير وتوكل عله الله
وسيبك من الناس الى بتفتى وبتحبط الواحد ولاتتكلم عن تجربه ولكن عن سمع
انا يتهيالى انك لو قلتلهم جبت جاجور هايقولولك جاجوار ياساتر شيى فظيع ده حتى اسمهعا وحش :-) :-)
خذ النصيحة من شخص تستامنه وتكون استشاريه فقط
والرأى فى الاخر لك على حسب احتياجاتك وقدرتك الماليه واقتناعك الشخصى
لانة مفيش حد هينفعك لو اخذت قرار خاطى
وبالتوفيق وشكرا لك
اخوك حسام

[ibrahimsaad]

Re: الف شكر

شكرا يا اخي حسام
بس انا نفسي حد يقوللي ليه الناس مش بتحب اللادا وكل ما تسال حد يقولك لادا يا ساتر هاتجيب لادا

اخى العزيز

انا دكتور ومع ذلك ان شاء الله سوف اشترى لادا 2107 رغم كلام الناس عن اللادا ولكن لانى اقتنعت بيها وعن تجربه كل من عنده لادا مستريح معاها وهى حماله اسيه وهى الانسب للشعب المصرى وخصوصا اللى زى حالاتى اللى تعب لغايه ماجمع ثمنها

سيبك من الناس اللى بتتكلم عنها لان الناس طبقات فيه واحد مش مستعد يركب عربيه اقل من فئه معينه وهذا حقه لانه امكانياته تسمح بالافضل

اما من يريد سياره تخدمه وتغنيه عن السؤال فاعتقد انه مش هيلاقى افضل من اللادا التى تربى عليها الكثير من المصريين البسطاء

وربنا يديمها نعمه ويحفظها من الزوال ويكفينا واياكم شر الطريق

[anwar]

شكرا

اخواني الاحباء شكرا جزيلا على ردودكم انا اعمل عضو هيئة تدريس في جامعة بعيدة عن القاهرة ب 350 كيلو هل السفر باللادا 2107 كل اسبوع مريح لي وللسيارة وهل اللادا تحتمل السفر هذه المسافة مباشرة بدون استراحة وما اخبار السخونة

[حسام كرم]

بالفعل يا دكتور ابراهيم اللادا قصة كفاح عمرها ثلاثون عاما مع الشعب المصرى مع المهندس والدكتور والضابط وسواق التاكسى وحتى مقاول الانفار
سيارة اصيلة ومتينة وتدوبك ومدوبش هيا وقطع غيارها على قد الطبقة المتوسطة الدخل الى متقدرش تجيب فانوس بالف واكصدام بالفين ومراية بثلاثة الاف
وانا مع الكثير انها تفتقد الى مقومات الرفاهية الحديثة ولكنها عملية طبقات زى ما انت قلت فهناك واحد يجيب كاست سيارة صينى ب50جنية وهناك من يركب كلاريون ب10 الاف جنية كل واحد على اد ظروفة وامكانياتة وفى ظل الارتفاع الرهيب فى اسعار قطع الغيار والمصنعيات اعتقد ان اللادا هى الاختيار الانسب لطبقتنا المتوسطة لتوجية الدخل الى اشياء اخرى كتعليم الاولاد فانا حرام عليا ادفع الف جنية فى فانوس ولا الفين جنية فى اكصدام او 500 جنية فى علامة هوندا او اسكودا لاتتكلف ربع جنية اه والله ثمنها كده والنبى مش حاجة تضحك وعلى راى المثل ( كل واحد ينقط بطاقيتة )
واخيرا شكرا لكما جميعا

[TAG_Turbo0]

انا شايف ان الكالينا شكلها أحسن وأحدس بس أضيق من 2107
وانا عن نفسى بحب الادا علشان كان معايا 2105 ودى أمل حاجه كنت سوقتها فى حياتى
ربنا يوفأك وتعرف تختار صح

[SAMER_ENGINES]

الكالينا شكلها افضل من الـ 110 و تقفيلها انضف و امكانياتها اعلي و كماليتها اكثر و موتورها انعم انا ركبت الكالينا بس مسقتهاش بصراحة بس سقت الـ 110 و رأيي الشخصي اني الكاللينا انضف.