عضو جديد واطلب النصيحه

[ibrahimsaad]

السلام عليكم ايها الاخوه الاحبه بهذا المنتدى الرائع

انا عضو جديد معكم وارجوا ان اجد الاستفاده منكم اهل الخبره

بصراحه اريد شراء سياره جديده لاتزيد فى سعرها عن 47 الف

واريد ان ترشحوا لى سياره عائليه

انا محتار بين ال 128 والادا 2107 ايهما افضل وهل هناك انواع اخرى لااعرفها افضل فى نفس السعر ام لا

وشئ اخير هو هل توجد شركات تقوم بالبيع بالتقسيط

[hazem_khidr]

اهلا بيك يا استاذ ابراهيم و يا رب دي ما تكونش اخر مشاركه و نشوفك دايما كده معانا :-) .
بالنسبه لسؤالك ف الواضح انك عاوز تركب عربيه زيرو .
لو عاوز عربيه ناعمه و هاديه يبقي ال 128
اما لو عاوز عربيه تمشي بيها في اماكن غير ممهده يبقي اللادا .
بس انا من رايي شوفلك سويفت او اكسيل مستعمل نضيف في حدود 38 الف ولا حاجه و وفر باقي فلوسك و لما ربنا يكرمك تجيب حاجه زيرو احسن .
لاني بصراحه لا احبذ موضوع اللادا الزيرو او ال 128 لانهم عربيات قديمه اوي و مش حتاخد اي تميز ولا تكييف ولا يحزنون.
حيقولو ليك اللادا بيتركب ليها تكييف.
حقولك عمره ما حيبقي زي الفابريكه ...
غير كده لما تبيعها حتخسر جامد معاك سواء اللادا او 128.
دا رايي و انت ادري بمتطلباتك

[ahmed1981]

هو طبعا الزيرو مفيش زيه
والمستعمل مهما كان ليه مشاكله
في سيارة صيني نازلة بسعر معقول إسمها إيديا
إنا مش هقولك إشتريها لكن إتفرج عليها وإسأل حد جابها عن كفائتها وكفاءة التوكيل لو كويس ممكن تغامر وتجرب لكن لو زفت زي ال QQ يبقى إنساها خالص
وممكن تفكر في اللادا 2107 الروسي فقط عشان أحسن من المصري كتير
وبالنسبة لل 128 هي غليت قوي مش عارف ليه